Pueyo de Marguillén

Iste articlo trata sobre o lugar de Pueyo de Marguillén. Ta atros emplegos d'o toponimo Pueyo se veiga Pueyo (desambigación).

Pueyo de Marguillén
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca Ribagorza Graus
Población  • Total	62 hab.
Altaria	541 m.
Distancia  • 88 km	enta Uesca
Codigo postal	22430
Parroquial  • Diocesi  •Arciprestato	Balbastro-Monzón Ribagorza

Pueyo de Marguillén ye un lugar d'a Ribagorza situato a 7 km de Graus, municipio a lo que perteneixe. En 1991 teneba 62 habitants.

Cheografía

Ye situato en un pueyo como plaza fortificata meyeval.

Molimentos

Ilesia romanica d'o sieglo XII, con torre poligonal d'o sieglo XVI.

Toponimia

Como pasa con Torres, en a parla local se clama Pueyo y s'anyade de Marguillén quan se parla con chent de fuera d'a comarca. L'apelativo Marguillén puet venir de María Guillén, seguntes diz a tradición u de Marc Guillén, seguntes suchiere a fonetica. A primera mención ye de 1117, en latín, y referita a un Severianus:

Almuniam de Puio Sivarano, que est sita infra terminos de Chastro et de Capella et de Gradibus.

Atras mencions meyevals son dubdosas porque pueden corresponder a Pueyo d'Esera, pero en 1458 n'i ha una mención como Pueyo que corresponde a este lugar car tamién fan mención de atros lugars amanatos. En o Fogache de 1495 se clama Pueyo de Merguillén y amás se nombra a un tal Guillen de lo Pueyo en Torre d'Esera. En 1551 s'escribe Pueyo de Marguillem, en 1598 Pueo de Marguillem, en 1607 Pueo y en 1628 Pueyo de Marguillem.