Terminación -uela (toponimia)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Terminación -uela ye común en a toponimia aragonesa (en concreto a provincia de Teruel), encara que ye present en muitas atras zonas. Se relaciona con o sufixo -uelo, y ye un claro derivato d'o sufixo latín -OLUS. Indica lugars chicoz y se fa servir pa creyar diminutivos toponimicos.

Pa bel autor ye un diminutivo aplicato a un lugar que primero se deciba sin de diminutivo, esto podría estar lo caso de Cerveruela, que apareixe en cualques fuents antigas como Cervera.

O filologo Agustín Ventura Conejero interpretó l'abundancia de toponimos en -uela en a provincia de Teruel como resultau d'una fosilización d'o diminutivo latín -OLUS. Seguntes este autor l'antedito sufixo s'aplicó a ixos toponimos pa indicar que os nuclios habitaus yeran prou chicos u pa dar-lis un matiz afectivo. Tamién proposó que beluns d'estos toponimos serían villas romanas por a on pasaban vías romanas. Manimenos os eixemplos que da son Aldehuela, Rubielos, La Iglesuela, Escorihuela, Mosqueruela y Nogueruelas, estando clarament d'orichen medieval y aragonés os dos zagueros (diminutivos de Mosquera y Noguera, y que tamién podemos trobar en atras parz d'Aragón). Por atra part Aldehuela ye a forma actual d'Aldeyuela, que se remonta a l'arabe Aldeya, estando tamién medieval.

En a toponimia tamién se troba a forma masculina d'este sufixo, como en "Teruel", "Pallaruelo", "Pozuelo"/"Pozuel", "Pedruel", "Rubiuelos", pero no tan a sobén.

Ortografía

En os documentos medievals a sobén amanixen latinizatos con -ola, y a vegatas como olla marcando una l cheminata por hipercorrección grafica, pero que en os casos de "Rubiellos" pueden esplicar-se por influencia ortografica d'o catalán, on se pronuncia una l cheminata dezaga de e u i, (clorofil·la, goril·la).

O diftongo -ue- desembolica dezaga d'una -r- una pronunciación /güé/, como en /Esquirgüelo/ u /Zirgüello/, pronunciación que no siempre ye posible de testimoniar en os textos antigos y a vegatas ye marcata con una -h-, (Cabrihuel, Terhuel, Noguerhuelas, Ruvihuelos, Ombrihuela). D'alcuerdo con as normas ortograficas de l'Academia de l'Aragonés esta g no s'escribe: esquiruelo, ciruello, Teruel, ecetra.

Lista de toponimos con sufixo -uela en Aragón

• Abechuela.
• Argualas (forma con fonetica aragonesa arcaica, equivalent a Eruelas en aragonés cheneral).
• Veruela.
• La Escaliuela.
• Ceresuela.
• Cerveruela.
• Cosculluela.
• Esteruelas.
• Ferreruela.
• Figueruelas.
• La Iglesuela.
• Lagueruela.
• Lanzuela.
• Mosqueruela.
• Moyuela.
• Nogueruelas.
• Royuela.
• Sarzuela de la Loma.
• Serrezuela.
• Tarayuela.

Lista de toponimos con sufixo -uela cerca d'Aragón

• Las Griguelas.

Veyer tamién

• Sufixo -uelo.
• Diminutivo toponimico.

• Datos: Q13050283