Río de piedras
Un río de piedras ye una forma d'acumulación periglacial que se forma quan los chelifractos d'unas costeras confluyen en lo fondón d'una val y continan movendo-sen enta baixo. La conchelación de lo suelo con muita humidat fa puyar las piedras liucherament y dimpués quan lo suelo se desconchela las piedras tornan a baixar pero ya no tornan a la posición inicial y abanzan liucherament a favor de la versant por efecto de la gravedat.[1]
Ríos de piedras en lo Sistema Iberico [editar]
Bi ha ríos de bloques en lo Sistema Iberico se troban en lo Macizo d'el Tremedal en los termins d'Orea, Oriuela, Bronchals y mangas de lo termin d'Albarrazín. Reciben la denominación de borrocales u berrocales a l'egual que las tarteras[2] u pedrizas. Los millors eixemplos se troban en lo Barranco de la Garganta y lo Barranco de Gargantavellano[3]. Con largarias de dica 2,6 km y amplarias de dica 0,25 km se consideran entre los mes grans de lo mundo.[1]
Referencias [editar]
- ↑ 1,0 1,1 Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007. pp 120-121
- ↑ José Manuel Vilar Pacheco Lexico y cultura popular de la Sierra de Albarracín. Centro de estudios de la Comunidad de Albarracín, 2008
- ↑ Jose Luís Peña Monne et al. Geomorfología de la Provincia de Teruel. Instituto de estudios turolenses, 1984.
Bibliografía [editar]
- Jose Luís Peña Monne et al. Geomorfología de la Provincia de Teruel. Instituto de estudios turolenses, 1984.
