Castellot

Castellot
Municipio d'Aragón
Entidat  • País  • Provincia  • Comarca	Municipio Aragón  Teruel Mayestrato
Superficie	233,2 km²
Población  • Total	804 hab. (2010)
Altaria	774 m.
Distancia  • 154 km	enta Teruel
Codigo postal	44560
Coordenatas	40°48’ 0’’N 0°19’ 1’’U
Castellot Situación de Castellot en Aragón

Castellot (Castellote en castellán) ye un municipio de la provincia de Teruel, situato en la comarca de lo Mayestrato. A suya población yera de 804 habitants (2010), en una superficie de 233,2 km².

Cheografía

Ye situato en una cuenca marguinal de lo Sistema Iberico. Comprende los lugars d'Abenfigo, L'Alchezira, Crespol, Las Cuevas de Canyart, Dos Torres de Mercader, Ladrunyán, Las Planas, Alagons, Luco de Bordón y Torremocha. Bi ha nuclios de pardinas despoblatos u quasi, Alconzal, Güergo, Mas de Blasco, Mas de Ricol, Perogil, Mas de Soler, Mas de Lej, Lo Figueral, Latonar. Quan se fació lo entibo de Santolea inundoron Mas de Campos y Santolea.

Mugas

Lo suyo termin muga con Molins, Berche, Seno, Alcorisa, Lo Mas de las Matas, Las Parras de Castellot, Palanques, Lo Forcallo, La Todoliella, Bordón, Villar Luengo y Exulv.

Berche	Seno, Alcorisa, Berche	Lo Mas de las Matas
Molins, Exulv		Las Parras de Castellot
Villar Luengo	Bordón, Villar Luengo	Palanques, Lo Forcallo, La Todoliella

Historia

Pareix que fue reconquiesto en una primera fase por Alifonso I, porque bi ha un documento de 1175 en la epoca de Alifonso II en que lo caballero Espanyol de Castellot invocaba dreitos datos por lo primer rei. Lo nombre de lo lugar vien por este presonache. Dimpués pasó a depender de la Orden de lo Santo Redentor d'Alfambra, pero en abril de 1196 pasó a la Orden de lo Temple, que i organizoron una comanda con churisdicción sobre atros lugars dependients. Los templers de Castellot estioron un nuclio de resistencia en lo sieglo XIV. Quan la orden templera se disolvió, Castellot pasó a depender de la Orden de lo Espital. Quan las guerras carlistas desfacioron lo castiello templer.

Toponimia

Como s'ha dito prene lo nombre de lo caballero Espanyol de Castellot. En textos meyevals podemos veyer lo nombre trascrito de diferents trazas: Castellot, Castelloth, Castelot, Casteloth, seguntes las preferencias de diferents escribas, y las más estranias y minoritarias como Castelloto, Casteeleyt (curiosa interpretación con lo meyevalismo esleito).

Parla

Como en La Iglesuela, Alcorisa y lo Mas de las Matas bi ha muitos aragonesismos, a sobén coincidents con parabras catalanas. Fueras de la parla de Las Cuevas de Canyart no s'han investigato guaire. Destacan parabras como tajudo, fuesa, pulso, escullar, zoca, ansa, fiemo, royo, fardacho, apegar, panizo, espinae, zurrón, coscolla, badar, carrucha, purna, puncha, furdinya, tetar, somero, mesache, borruga, melico, esparvero, astral, cachapo y espullar.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Aragonés									5
Partido de los Socialistas de Aragón									1
Partido Popular									1
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Ramón Millán Piquer	Partido Aragonés

Fiestas

9 y 12 d'agosto. Una tradición propia de Castellot ye una romería nomás que pa hombres ta un puesto montanyoso dito llovedor; ye o 1 de mayo y ye dedicata à la Virchen de l'agua, a qui ye dedicata a Ermita que bi ha en este puesto. La romería se fa dende 1405 en que once mozos fuoron ta la virchen de la Balma, en la provincia de Castellón, pa demandar augua.