Cantaviella

Cantaviella
Municipio d'Aragón
Entidat  • País  • Provincia  • Comarca	Municipio Aragón  Teruel Mayestrato
Superficie	124,6 km²
Población  • Total	745 hab. (2012)
Altaria	1200 m.
Distancia  • 100,3 km	enta Teruel
Codigo postal	44140
Ríos	Cantaviella
Coordenatas	40°31’33’’N 0°24’21’’U
Cantaviella Situación de Cantaviella en Aragón

Cantaviella (Cantavella en catalán, Cantavieja en castellán) ye una villa de la provincia de Teruel, capital de la comarca de lo Mayestrato. A suya población ye de 748 habitants (2010), en una superficie de 124,6 km².

Cheografía

Lo pueblo ye situato sobre un cinglo formato por un estrato de calsinera tallato por los costatos este, norte y ueste por l'acción de dos barrancos. En lo cabo alto de lo termin bi ha pinetas de pin royo, modificatas por l'aproveitamiento fustero, pero n'i queda un no modificato, (una pineta de pin royo con sabina chaparra como las de Chabalambre). En lo fondón bi ha carrascals, caixicars y acerals.

Mugas

Lo suyo termin muga con La Iglesuela, con Mosqueruela, con Fortanet, con Villar Luengo, con la Canyada de Benatanduz, con Mirambel, con Tronchón y con Villafranca.

Historia

Cantaviella estió la seu d'una Bailía templera. Dimpués de la disolución de la Orden de lo Temple pasó a depender de la Orden de lo Hespital adintro de la Castellanía d'Amposta. Perteneixeban a la Bailía de Cantaviella las localidatz de Mirambel, Tronchón, Villar Luengo, La Iglesuela, La Canyada de Benatanduz y La Cuba.

La topografía fa que siga dificil de prener por l'enemigo. Lo cheneral carlista Ramón Cabrera la trigó como capital mientres la primera guerra carlista, pero quan se firmó la paz entre los isabelins y los carlistas navarros, lo cheneral Baldomero Espartero la prenió y s'escachó lo castiello. En la zaguera guerra carlista Cantaviella tornó a estar la capital de lo nuclio carlista de lo Mayestrato.

Toponimia

En los textos templers y atros textos meyevals s'escribe Cantaviella; por eixemplo en l'archivo de la Orden de lo Espital bi ha una colección de 116 leis u ordenanzas de Cantaviella con lo títol Capitolls dados por consello de sabios a los de la Baylía de Cantaviella

Como lo termin de Cantaviella muga con Castellón, existe l'exotoponimo Cantavella en catalán, que tamién existe como apellito.

Existen muitas hipotesis y bellas leyendas populars pa explicar l'orichen de lo toponimo. S'ha quiesto relacionar con la ciudat Carthago Vetus que menciona Ptolomeu. Una leyenda local diz una batalla se ganó a los moros con una viella candando una ixota.

Seguntes Alvaro Galmés de Fuentes s'explica por la radiz indoeuropea Kanto (canthus en latín), que significa piedra, cantal u ripa, y la radiz celta bedos, que significa terreno fondo (como en Bedoña, Bedoya, Bedoja y Los Beyos). Alvaro Galmés de Fuentes tien en cuenta que enantes se deciba Cantaviella pa proponer la secuencia:

• CANTA BEDIA (rocas tallatas por terrenos fondos) > *CANTA BEYA > Cantaviella > Cantavieja. Lo latinista Agustín Ventura Conejero tamién lo relaciona con lo latín canthus ("cantal").

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									3
Partido de los Socialistas de Aragón									3
Partido Aragonés									1
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Ricardo Altabás Tena	Partido Popular

Bibliografía

• (es) Germán Navarro Espinach: Cuentas del Concejo de Mirambel (1472-1489). Instituto de Estudios Turolenses, 2008.