Santuario de la Virchen de la Balma

Santuario de la Virchen de la Balma.

Lo Santuario de la Virgen de Balma ye en lo termin municipal de Zurita, en la provincia de Castellón (País Valencián). Ye un edificio relichioso meso en una roca, d'estilo renaixentista, construito entre los sieglos XVI y XVIII.

Descripción

Ye un santuario con espelunga, y bi ha ilesia, hospedería y estación de verano.

La suya frontera tien balcons y bi ha una escalinata larga que leva ta la hospedería. A los dos costatos bi ha unas escaleras que levan ta lo piso superior, on ye la "sala de las danzas" con arcos de meyo punto.

Dende la hospedería se plega ta la espelunga y lo mirador que, indo por la marguin de lo cillo sobre lo cauz de lo río Alcherez ye un acceso ta la ermita.

La ermita-espelunga, construita en 1667, tien una nau de forma irregular. La frontera en piedra picata, se prolonga formando lo campanar de dos cuerpos, y bi ha una portalata planera con pilastras estriatas.

Influencia

Ye muito conoixito tanto en lo norte de Castellón como en Teruel. Mesmo en lo sieglo XX bi heba costumbre que chent d'Íxar y Sant Per de Calanda puyase ta este santuario.

Lo calonche Ramón Ejarque, en lo suyo libro "Historia de Nuestra Señora de la Balma", publicato en l'anyo 1934, charraba de los ermitans (santeros) referindo-se a lo sieglo XVII dando una lista de toponimos que no se trascriben egual de tot que huei:

Desde antiguo, los santeros de la Balma que van por la limosna son dos; uno recorre Aragón y el otro Valencia, aquél visita los siguientes pueblos: Empezando por la sierra, Luco, Bordón, Olocau, Tronchón, Mirambell, La Mata, La Cuba, Villarluengo, La Cañada de Fortanete, Cantavieja, Santolea, Ladruñán, Molinos, Alcoriza, Verge, La Zoma, Cabra, Montalbán, Palomar, Torre las Arcas, Utrillas, Escucha, Martín del Río, Vivel del Río, Fonforrada, Torre los Negros, Bañón, Barrachina, Cutanda, Godos, Geros, Torrecilla del Rubillar, Villanueva, Caspe, Calanda, Alcañiz, Chiprana, Escatrón, Castellnó, Samper de Calanda, Hijar, Albalate, Andorra, Abenfigo, Seno, Castellote, Las Planas, Foz, Aguaviva y Mas de las Matas. Se pide limosna así de trigo como de lana y azafrán.

A su vez, el santero que recorre Valencia y Catalunya visita Forcall, Cinctorres, Portell, Castellfort, Villafranca, Iglesuela, Santa Bárbara, Tortosa, Roquetas, Prat de Compte, Vallderrobres, Bot, Fuente Espalda, Torre de Arcas, Monroyo y Peñarroya.

Curiosidatz

Ye uno de los zaguers puestos d'Espanya on la Ilesia catolica ha feito exorcismos.

Toponimia

Balma significa espelunga y ye una parabra sobretot en occitán, pero tamién en catalán y que se considera d'orichen ligur, podendo estar un elemento sorotaptico. La parabra balma pasó dende l'occitán ta l'arpitán, y la prenió lo francés como baume.

Bibliografía

• Este articlo prene como referencia lo texto de lo B.I.C. incoato por la Consellería de Cultura de la Cheneralidat Valenciana