Linache d'os Ferrández d'Heredia

De Biquipedia
(Reendrezato dende Ferrández d'Heredia)
Ir a la navegación Ir a la búsqueda

Los Ferrández d'Heredia estioron una de las casas nobles d'Aragón més influyents. Fue reconoixita por Carlos I d'Espanya en las Cortz de Monzón de 1528 como una de las ueito casas "grans d'Aragón", y son destacables representants d'esta familia lo gran mayestre hespitalero Chuan Ferrández d'Heredia y l'arcebispe de Zaragoza García Ferrández d'Heredia.

Prenen nombre de la localidat alavesa d'Heredia d'on debeban provenir. Lo fundador d'esta casa estió Lorenzo Ferrández d'Heredia, sinyor de Zurita a principios de lo sieglo XIV. Los dos fillos suyos encomenzoron las dos brancas principals, la de Blasco Ferrández d'Heredia y la de Chuan Ferrández d'Heredia, a la que pertanyoron los contes de Fuents. Dimpués bi habrá brancas d'os Ferrández d'Heredia en Tosos, Calatayú, Calatorau, Burbaguena y L'Almunia de Donya Godina. Atros títols que han perteneixito a los Ferrández d'Heredia han estato los de Marqueses de Mora y Cosculluela y sinyors de Cetina.

En la branca de lo hespitalero Chuan Ferrández d'Heredia los miembros hereus se diciban con ell, como yera establito en lo suyo testamento, con la obligación de levar las suyas armas, cinco u siet castiellos. Dende l'anyo 1459 son contes de Fuents, condato que incluyiba las localidatz de Fuents d'Ebro, Mediana d'Aragón, Fuent de Todos, Exaulín, María de la Uerba y Botorrita.

Vinclos externos[editar | editar código]


Casas nobles d'a tierra en Aragón
Alagón | Gurrea d'Aragón | Martínez de Luna | Ferrández de Luna | Ferrández d'Íxar | Ferrández d'Heredia | Ximénez d'Urreya | Castro