Agrupación Guerrillera de Levante y Aragón

De Biquipedia
Ir a la navegación Ir a la búsqueda

LAgrupación Guerrillera de Levante y Aragón (u tamién AGLA) yera una organización guerrillera antifranquista controlada per o Partito Comunista d'Espanya (PCE) y que estió activa dentre los anyos 1940 y 1952. A suya prencipal zona d'actuación estioron as provincias de Cuenca, Teruel, Valencia y Castellón.

Organización[editar | modificar o codigo]

L'AGLA yera dividida en quatro sectors.

  • Lo 5.eno Sector cubriba Cuenca, parti de Teruel y de Guadalachara.
  • L'11.eno Sector actuaba en Cuenca, Valencia, Teruel y Castellón.
  • Lo 17.eno Sector comprendeba la mayor parti d'a provincia de Teruel y Castellón.
  • Lo 23.eno Sector, que actuaba en parti de Zaragoza, Tarragona, Castellón y Teruel; y que surtió d'a división d'o 17.eno sector.
L'AGLA yera trestallau en quatro sectors.

Cadagún d'estes sectors yera formau per brigadas, batallons y companyías seguindo una hierarquía militar.

Os chefes de sector yeran nombraus per o chefe de l'Agrupación u per ordens venidas dende Francia u Valencia.

Lista de chefes de sectors[editar | modificar o codigo]

  • En el 5.eno Sector, la jefatura la ocuparon Victoriano Anastasio Serrano “Capitán”, Antonio Gil “Medina”, Atilano Quintero “Tomas” y Fulgencio Jiménez “Rodolfo”.
  • En el 11.eno Sector, Florián García Velasco “Grande”.
  • En el 17.eno Sector, Ángel Fuertes Vidosa “Antonio”, Francisco Corredor Serrano “Pepito el Gafas” y Germán Amorrortu “Manso”.
  • En el 23.eno Sector, Jesús Caellas Aymerich “Carlos”

Os campamentos variaban en a suya ubicación y construcción. Dende simples cubillars, pa pernoctar unas pocas nueitz, dica grans espacios, con construccions fixas, composadas de chabolas de trallos y zaborros cubiertos con brancas y ramiellas, proveyius de tot o necesario pa vivir meses en ells, como per eixemplo en o Campamento Escuela de Tormón.

L'AGLA feba tamién uso d'os clamaus en castellán “Puntos de Apoyo”, personas (a ormino familiars) que aduyaban a lo sostenimiento material d'a guerrilla. En muitas ocasions, lo rechimen franquista exerceba la suya represión mas agresiva contra istes "puntos de apoyo", como una forma d'enfeblir a la guerrilla: asinas en a ixarrallón de Monroyo de 1947, entre seis y ueito personas, qualques d'ellas familiars, estioron executadas sin chudicio.

Historia[editar | modificar o codigo]

L'AGLA encetó las suyas operacions en 1940 con a intención de forzar la caita d'o Rechimen Franquista. L'actividat d'a guerrilla estió creixendo con lo transcurso d'as anyadas. Asinas a organización se reorganizó y pasó d'estar dividida en tres sectors a quatro pa cubrir millor lo territorio. Pa acotolar a guerrilla en ista parti d'a Peninsula Iberica, lo gubierno franquista d'Espanya nombró lo 28 de chulio de 1947 a Manuel Pizarro Cenjor como gubernaire melitar de Teruel, Albacete, Cuenca y Valencia. En aviento de 1947 ye asaltau per centerars de Guardias Civils lo campamento que yera en Muela Mediana en a sierra d'Albarracín amán de Tormón y Chabaloyas. Astí s'efectuaba instrucción politica y cultural, uso de armamento y explosivos, y s'editaba El Guerrillero. Os guerrillers podioron fuyir con tant nomás una baixa. En 6 de chinero de 1948 a Guardia Civil asaltó lo campamento de «Morro del Gorrino», en Salvacanyet. Lo 7 de noviembre de 1949 a guardia civil asaltó lo campamento d'a guerrilla en Cerro Moreno, provincia de Cuenca, amortando a 12 guerrillers. Ista esferra marcó lo prencipio d'a fin de l'AGLA. Os zaguers guerrillers salioron enta Francia en 1952 en un grupo comandau per o chefe de l'11.eno sector, Florián García Velasco "Grande".

Bibliografía[editar | modificar o codigo]