The Odessa File (cinta)

Iste articlo ye sobre una cinta d'intriga anglo-alemana de l'anyo 1974; ta atros usos, se veiga The Odessa File.

The Odessa File
Títol	The Odessa File
Póster d'a cinta, obra de Bill Gold.
Ficha tecnica
Dirección	Ronald Neame
Aduyant de dirección	Wieland Liebske
Producción	John Woolf John R. Sloan
Disenyo de producción	Rolf Zehetbauer
Guión adaptau	Kenneth Ross George Markstein
Basau en	The Odessa File, novela de Frederick Forsyth (1972)
Musica	Andrew Lloyd Webber
Fotografía	Oswald Morris
Montache	Ralph Kemplen
Maquillache	Raimund Stangl
Peluquería	Susi Krause
Efectos especials	Richard Richtsfeld
Casting	Renate Neuchl Jenia Reissar
Actors	Jon Voight Mary Tamm Maximilian Schell Maria Schell Derek Jacobi Peter Jeffrey Klaus Löwitsch Kurt Meisel Hannes Messemer Garfield Morgan Shmuel Rodensky Ernst Schröder Günter Strack Noel Willman Günter Meisner Gunnar Möller Til Kiwe
Color	Panavision
Narrador	Cyril Shaps
Datos y cifras
País(es)	Reino Uniu Alemanya Occidental
Anyo	1974
Debantadera	17 d'octubre de 1974 Londres (Reino Uniu) 7 de febrero de 1975 Alemanya Occidental
Chenero(s)	Cine de drama Cine d'intriga
Durada	128 min.
Idioma(s)	Anglés Alemán
Companyías
Productora(s)	John Woolf Productions Domino Productions Oceanic Filmproduktion
Distribución	Columbia Pictures
Estudio(s)	Bavaria Studios Pinewood Studios
Informacions en bases de datos especializadas:

The Odessa File (títol orichinal en anglés, en aragonés L'expedient d'Odessa, enguerada en Aragón con o títol en castellano d'Odessa) ye una cinta de cine de drama y d'intriga coproducida por o cine britanico y lo cine alemán y enguerada l'anyo 1974, dirichida por Ronald Neame seguntes un guión adaptau por Kenneth Ross y George Markstein (basau en a novela The Odessa File, publicada por Frederick Forsyth l'anyo 1972), con una banda sonora orichinal d'Andrew Lloyd Webber, una dirección de fotografía d'Oswald Morris y una producción cinematografica de John Woolf y John R. Sloan ta las productoras John Woolf Productions, Domino Productions y Oceanic Filmproduktion. Conta con un elenco d'o cual en fan parte, en os suyos papels principals, os actors Jon Voight, Mary Tamm, Maximilian Schell, Maria Schell, Derek Jacobi, Peter Jeffrey, Klaus Löwitsch, Kurt Meisel, Hannes Messemer, Garfield Morgan, Shmuel Rodensky, Ernst Schröder, Günter Strack, Noel Willman, Günter Meisner, Gunnar Möller y Til Kiwe.

O 22 de noviembre de 1963 s'escayece en Dallas (Texas, Estaus Unius) l'asasinato d'o president d'os Estaus Unius John Fitzgerald Kennedy, y Peter Miller ye un periodista freelance d'Hamburgo que, en escuitar a noticia en a radio atura l'auto que conduciba ta escuitar bien a noticia. Bien luego escuita la sirena d'una ambulancia y decide por impulso seguir-la dabant d'a posibilidat de trobar-ie bella noticia intresant dezaga de l'ambulancia. O vehiclo marcha a recullir a un hombre d'anyos que s'ha suicidau, Salomon Tauber, y lo comisario de Policía a lo cudiau d'o caso entrega a Miller o diario de Tauber. En leyer-lo, lo periodista decubre que Tauber yera un supervivient d'un campo d'exterminio nazi y se i detallan aspectos d'a suya vida mientres o Tercer Reich y la Segunda Guerra Mundial en o ghetto de Riga, citando-se tamién o nombre d'o dirichen d'as Schutzstaffel d'o campo, Eduard Roschmann, y detalla tamién os crímens de Roschmann, incluyindo-ie l'asasinato d'un oficial alemán d'a Wehrmacht en os zaguers días d'a guerra, cuan tractaba de fuyir enta Alemanya dende los Países balticos menazaus por l'abance de l'Exercito Royo d'a Unión Sovietica. Miller decide perseguir a Roschmann en conoixer que encara ye vivo y que amás vive en Hamburgo. S'entrevista con Simon Wiesenthal, qui li explica que Roschmann ye colaborando con Echipto ta fabricar en a suya empresa materials que s'amenistan ca construyir un codete ta lanzar-lo contra Israel, y que se troba baixo la protección d'ODESSA, una organización d'angtigos miembros d'as SS y atros dirichenz nazis y que treballa tamién proteciu por miembros d'a organización infiltraus mesmo en a Policía alemana. Bien luego Miller ye secuestrau por achenz d'o Mossad israelí que creyen que lo suyo obchectivo ye atacar a Wiesenthal, pero bien luego se convencen d'o suyo error, y Miller s'ufre a colaborar con éls infiltrando-se en ODESSA fendo-se pasar por un antigo suboficial d'as SS, asumindo la personalidat d'un miembro real d'ixa organización recient falleixiu en un hespital.

A cinta s'ambienta en os anyos 1963 y 1964 en Hamburgo en Alemanya y en Viena y Salzburgo en Austria, y las suyas escenas se filmoron en o palacio d'Anif y atros puestos en Salzburgo y en Viena en Austria; en Hamburgo, Múnich (Bavera) y Heidelberg (Baden-Württemberg) en Alemania; amás d'en os Bavaria Studios en Grünwald (Bavera, Alemanya) y los Pinewood Studios en Buckinghamshire (Reino Uniu).

Elenco

Actor	Papel	Notas
	'

Se veiga tamién

• Cine en 1974.
• Cintas de 1974.

Referencias

• Datos: Q700174