Schutzstaffel

De Biquipedia
Ir a la navegación Ir a la búsqueda
Bandera d'as SS

As Schutzstaffel (pronunciato en alemán , literalment "esquadrón d'esfensa", abreviato como SS u Runico "↯↯", seguntes l'alfabeto runico) estió una organización de seguridat d'o NSDAP, o partito nazi.

Os oríchens[editar | editar código]

As SS se creyoron en os anyos 1920 como a guardia personal d'Adolf Hitler, ya que as Sturmabteilung s'heban feito tan grans que Hitler creyeba que amenistaba uns guardaespaldas absolutament fidels. Baixo o liderato de Heinrich Himmler, as SS creixioron dende una chicota formación paramilitar dica convertir-se en a mas gran y poderosa organización de l'Alemanya Nazi.

A presa de poder de Hitler[editar | editar código]

Heinrich Himmler y atros miembros d'as SS vesitando o campo de concentración de Mauthausen.

Dimpués d'a plegata a o poder d'Adolf Hitler, as SS se transformoron en una organización estatal, y os suyos miembros superiors en funcionarios. A resta de miembros se consideraban voluntarios a tiempo parcial, y se creyó l'Allgemeine-SS ta meter-los. En agüerro de 1933, os guardaespaldas d'Adolf Hitler relevoron a la guardia d'a cancelleria como protectors d'o Canceller d'Alemanya.

En abril de 1934 as SS prenioron o control d'a Gestapo, que dica alavez yera a policia secreta prusiana que se transformaría en a policía secreta alemana. Dimpués d'a Nueit d'os cutiellos largos, as SS tenioron una gran reorganización, y en verano ya controlaban os Campos de concentración nazis.

Mientres o Partito Nazi iba monopolizando o poder politico en Alemanya, as funcions claus d'o estato, como a policia, las iban absorbindo as Schutzstaffel, mientres que muitas organizacions d'as SS se transformoron en achencias gubernamentals. Ta mantener o poder politico d'o Partito Nazi, as SS tenioron autorización ta establir a las policias secretas, a Gestapo y a Sipo, metendo de feito as las SS por dencima d'a lei.

As SS mientres a Segunda Guerra Mundial[editar | editar código]

Soldato con l'uniforme d'as SS.

Os nazis convertioron as SS en una unitat d'elite, a guardia pretoriana, con o suyo personal trigato seguindo os criterios d'o que creyeban pureza racial, con una leyaltat incondicional a o Führer y a o Partito Nazi. Vestiban uniformes y insignias que les esferenciavan d'a resta de militars y miembros d'o partito.

As Waffen-SS, a branca melitar d'as SS, evolucionoron dica convertir-se en un segundo exercito alemán, a parti d'o regular, a Wehrmacht. En primerías, os suyos miembros yeran voluntarios, pero mientres pasaba a Segunda Guerra Mundial, y con a capacidat melitar alemana deluyindo-se, en 1944 os suyos miembros se trigaban a suerte entre a población masculina, muitos d'ells chovens menors de 18 anyos. Tamién s'adhibioron a las suyas filas muitos voluntarios foranos, mas que mas d'os países escandinavos, d'os países nordicos y d'os Países Baixos, encara que tamién de quasi totz os países, con voluntarios de minorías etnicas d'a Unión Sovietica, d'Italia, Francia y atros puestos (tamién un reducito grupo d'aragoneses, procedents d'a División Azul).

As SS estioron tamién un instrumento de terror mientres l'Holocausto. Heinrich Himmler, o suyo líder estió un d'os arquitectos d'a Solución final. As SS asasinoron uns ueito millons de personas, a mayoría chodigos en os territorios ocupatos mientres a guerra. As SS estioron as responsables d'establir y operar os campos de concentración y os campos d'exterminio, a on que millons de personas morioron por maltractos, explotación, malnutrición, experimentos medicos u limpiza etnica.

Malas que remató a guerra, se declaró a las SS en Chuicios de Nüremberg como a organización criminal responsable d'a implementación d'o chenocidio y de cometer crimens de guerra y crimens contra a humanitat.

Denominación y graduación d'as SS[editar | editar código]

Bandera d'as SS-Totenkopfverbände, a sección paramelitar d'as SS

As SS se dividiban en:

  • SS. Schutzstaffel: '"esquadrons de protección", en primeras destinatas a la protección d'o Führer y miembros relevants d'o partito Nazi.
  • Totenkopf u Totenkopfverband: sección paramelitar d'as SS.

As graduacions en as SS yeran:

Se veiga tamién[editar | editar código]