Texas

	Estau de Texas; State of Texas
	Estau d'os Estaus Unius
Bandera	Escudo
	Lema: Friendship
	Embotada: Lone Star State
	; Mapa de situación en Estaus Unius
Entidat; • País; • Capital; • Mayor ciudat	Estau; Estaus Unius; Austin; Houston
Idioma oficial	denguna
Gubernador; Senadors	Greg Abbott (R); John Cornyn (R); Ted Cruz (R)
Superficie; • Total; • Tierra; • Augua	; 696.241 km² (2ª); 678.051 km²; 17.574 km² (2,5%)
Población; • Total; • Densidat	; 23.904.380 (2ª); 30,75 hab./km² (26ª)
Dentrada; • Calendata; • Orden	; 29 d'aviento de 1845; 28º
Chentilicio	Texano/a
Cheografía; • Horario; ; • Latitut; • Lonchitut; • Amplaria; • Longaria	; Central: UTC-6; Montanyas: UTC-7; 25° 50′ N a 36° 30′ N; 93° 31′ W a 106° 39′ W; 1.244 km; 1.270 km
Altaria; • Maxima; • Meyana; • Minima	; 2.667 m (Guadalupe Peak); 520 m; 0 m (costa d'o Golfo de Mexico)
Codigos; • USPS; • ISO 3166-2; • Abrev.	; TX; US-TX; Tex.
	www.texasonline.com/

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Texas, pronunciau ˈtɛksəs, ye uno d'os 50 estaus d'Estaus Unius, situau a o sud d'o país. A suya capital ye a ciudat d'Austin. A suya población ye de 23.904.380 habitants (estimación de 2007), en una superficie de 696.241 km² con una densidat de población de 34,33 hab/km².

Cheografía

O estau de Texas muga a o sud con os estaus mexicanos de Chihuahua, Coahuila de Zaragoza, Nuevo León y Tamaulipas; a l'este con Loisiana; a o norte con Oklahoma; y a l'ueste con Nuevo Mexico.

Historia

Texas estió o 28º estau en dentrar en os Estaus Unius, o 28 d'aviento de 1845.

Demografía

Seguntes os datos d'o censo de 2010, l'Estau teneba una población de 25.145.561 habitants, estando o segundo estau mas poblau d'os Estaus Unius solament por dezaga de California. A distribución racial ye a siguient: 84,14 % blanco; 12,09 % negro; 3,62 % asiatico; 0,17 % nativo hawaiano u islencos d'o Pacifico; y 1,1 % amerindio o nativo d'Alaska. D'istos o 35,31 % son d'orichen hispano. Texas ye un d'os cuatro estaus estausunidenses en os cuals no son mayoría as personas d'orichen europeu (os atros son California, Nuevo Mexico y Hawaii). A población d'orichen hispano ye a de mas rapido creiximiento.

Os grupos d'orichen nacional mas numerosos de Texas son: mexicano (25,3 %), alemán (10,9 %), afroamericán (10,5 %), anglés (7,2 %), y escocés-irlandés (7,2 %).

Luengas

Texas no tiene declarau garra idioma oficial, si bien a luenga mas charrada ye l'anglés, emplegada por o 66,24 % d'a población. En segundo puesto ye o espanyol, por que Texas estió parti d'o virreinau d'a Nueva Espanya de par de buena parte d'a suya historia, y de Mexico de par de uns decenios dimpués d'a suya independencia.

L'idioma espanyol ye en creiximiento a causa d'a gran inmigración de mexicanos y hispanos d'atros países. Actualment l'espanyol lo charra o 29,40 % d'a población. Antiparti, a resta d'os idiomas rechistraus por os habitants de l'estau, un total de 143, lo charra menos de 1 % d'a población.

El Paso ye sola ciudat de Texas an ye mayoritario o castellán y an o 66,5 % d'a población lo charra.

Relichión

As mayors denominacions por numero de fidels en 2010 yeran de l'Ilesia catolica (4.673.500); a Convención Baptista d'o Sud (3.721.318); a Ilesia Metodista Unita, con (1.035.168), y l'islam (421.972), tamién ye important a presencia de mas de 1% de población de chodigos, budistas y hinduistas.

O 50 % d'os texanos participan en a misa (catolicos) o en a escuela dominical (protestants) cada semana, o que fa de Texas o deceno estau federal d'os Estaus Unius an i hai mas frecuencia en a vida relichiosa (guaire 42% ye o porcentache nacional). Tamién ye seu d'una d'as ilesias protestants mas grans d'o país, Lakewood Church, que tiene una asistencia alto u baxo de 45.000 personas cada fin de semana, en a ciudat de Houston.

Relichión	Total (2018)
Protestants	15.498.000 (54%)
Catolicos	6.601.000 (23%)
Sin relichión	5.453.000 (19%)
Atras relichions	1.148.000 (4%)

Ciudaz

Texas ye o solo estau en os Estaus Unius que tiene tres ciudaz con mas d'un millón d'habitants en a lista d'as diez ciudaz mas poblatas en o país: Houston, San Antonio y Dallas. Austin y Fort Worth son entre as 20 mas pobladas. As 10 ciudaz mas grans de Texas seguntes o censo de 2010 son:

Posición	Ciudat	Población
1	Houston	2.099.451
2	San Antonio	1.327.408
3	Dallas	1.197.816
4	Austin	790.390
5	Fort Worth	741.206
6	El Paso	649.121
7	Arlington	365.438
8	Corpus Christi	305.215
9	Plano	259.841
10	Laredo	236.091

Arias metropolitanas

L'aria metropolitana de Dallas-Fort Worth ye a cuatrena mas poblata d'os Estaus Unius, dimpués d'as de Nueva York, Los Angeles y Chicago, y a tercera en superficie dimpués de Nueva York y Los Angeles. Ista conurbación incluye cuatre d'as diez ciudaz mas poblatas de l'Estau. As 10 arias metropolitanas mas grans de Texas seguntes os datos d'o censo de 2006 son:

Posición	Aria metropolitana	Población
1	Dallas–Fort Worth	6.477.315
2	Gran Houston	5.946.800
3	Gran San Antonio	2.142.508
4	Austin	1.716.291
5	El Paso	800.647
6	McAllen–Edinburg–Mission	774.769
7	Corpus Christi	416.095
8	Brownsville–Harlingen	396.371
9	Killeen–Temple	379.231
10	Beaumont–Port Arthur	378.477

Zonas metropolitanas transnacionals

As zonas metropolitanas que se troban en a muga con Mexico tamién forman conurbacions transnacionals con una interacción economica y demografica profunda.

Posición	Nombre de muga	Población
1	Ciudad Juárez—El Paso	2.525.583
2	Reynosa—McAllen	1.647.351
3	Heroica Matamoros—Brownsville	1.136.995
4	Nuevo Laredo—Laredo	775.481
5	Piedras Negras—Eagle Pass	208.948
6	Acuña—Del Río	200.367

Referencias

↑ (en) Población estimata en o censo de 2007..
↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ ^3,0 ^3,1 (en) Elevations and Distances in the United States.

Vinclos externos

Se veigan as imáchens de Commons sobre Texas.
(en) Pachina web oficial de Texas.

Organización territorial d'os Estaus Unius d'America

Estaus	Alabama \| Alaska \| Arizona \| Arkansas \| California \| Carolina d'o Norte \| Carolina d'o Sud \| Colorado \| Connecticut \| Cheorchia \| Dakota d'o Norte \| Dakota d'o Sud \| Delaware \| Florida \| Hawaii \| Idaho \| Illinois \| Indiana \| Iowa \| Kansas \| Kentucky \| Loisiana \| Maine \| Massachusetts \| Maryland \| Michigan \| Minnesota \| Mississippi \| Missouri \| Montana \| Nebraska \| Nevada \| Nuevo Mexico \| Nueva Hampshire \| Nueva Jersey \| Nueva York \| Ohio \| Oklahoma \| Oregón \| Pennsilvania \| Rhode Island \| Tennessee \| Texas \| Utah \| Virchinia \| Virchinia Occidental \| Vermont \| Washington \| Wisconsin \| Wyoming
Districto federal	Districto de Columbia
Arias insulars	Arrecife Kingman \| Atol Palmyra \| Atol Johnston \| Guam \| Isla Baker \| Isla Howland \| Isla Jarvis \| Islas Marianas d'o Norte \| Atol Midway \| Isla Navassa \| Islas Vírchens d'os Estaus Unius \| Isla Wake \| Puerto Rico \| Samoa Americana

Datos: Q1439
Multimedia: Texas / Q1439

[1] (en) Población estimata en o censo de 2007..

[DORTO-2] (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[usgs-3] 3,0 ^3,1 (en) Elevations and Distances in the United States.

[1]

[2]

[3]