Codete

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Un codete Redstone, parti d'o programa Mercury

Un codete [1][2][3][4][5](u tamién codet) ye un vehiclo u aeronau que saca lo suyo movimiento por a reacción d'a expulsión de gases de combustión a escape dende un motor codete. A sobén o termin se refiere tamién a un motor codete. A bels tipos de codete lis se clama misil y en iste cambio de nombre no influye a mida u potencia. Por un regular se clama misil a tot codete d'uso militar con capacidat de ser enfilato u manullato activament t'alcanzar un blanco.

Os codetes se trestallan en etapas que van encarnando-se dezaga mientres que lo suyo ascenso. Ista forma de funcionamiento ye muito mas eficient que un codete que tien nomás que una sola etapa. Un codete de tres etapas ye muito mas chicot que un chigant codete d'una sola etapa que transporte la mesma carga a la orbita terrestre.

Os codetes s'usan en as fiestas populars d'os pueblos ta empatizar-las. D'orichen chinés, os codetes realizan un important treballo d'amenacion d'as chents.

Tipos de codetes[editar | modificar o codigo]

Existen dos grans tipos de codetes dependendo que tipo de sistema utilice lo motor codete pa fer fuera lo propelent a traviés d'a suya tobera:

  • codetes termodinamicos: que emplegan a calor y/u la presión.
  • codetes electrodinamicos: que emplegan campos electricos y/u magneticos.

Tipos de codetes termodinamicos[editar | modificar o codigo]

I hai tres tipos prencipals:

  • De gas fredo: que nomás emplega la presión pa fer fuera un gas.
  • codete quimico: que usan la enerchía quimica d'una combustión pa producir calor. I hai dos tipos seguntes o tipo de propelent emplegau: codete quimico liquido y codete quimico solido.
  • codetes termoelectricos: que emplegan la calor producida per una resistencia electrica (en os clamaus resistojets) u la calor producida per un arco electrico (en os clamaus codetes arcjets).

Tipos de codetes electrodinamicos[editar | modificar o codigo]

I hai dos tipos prencipals:

  • impulsors ionicos (en anglés ion thrusters): que emplegan campos electricos pa accelerar ions (normalment de xenón).
Impulsor ionico d'a sonda espacial Deep Space 1.
  • impulsors de plasma, que emplegan campos electricos y magneticos pa accelerar plasma. Seguntes o sistema emplegau pueden estar HET (Hall-effect thrusters) u PPT (pulsed-plasma thrusters).

Actualment nomás os codetes termodinamicos de tipo quimico son emplegaus pa aconseguir lo espacio. Os de demás tipos de codetes s'emplegan cuan a nau espacial ya ye en o espacio.

Referencias[editar | modificar o codigo]

  1. (es) Francisco Bruballa Angusto Vocabulario del habla de La Puebla de Castro, Instituto de Estudios Altoaragoneses, 2009, ISBN 978-84-8127-214-7, p.133
  2. (es) José María Satué Sanromán Vocabulario de Sobrepuerto : (léxico comentado de una comarca despoblada del Altoaragón) , Instituto de Estudios Altoaragoneses, 1991, ISBN 84-86856-48-5, p.33
  3. (an) Félix Torres Bagüés Breu replega d’o lesico de Monzón, Luenga & fablas, 14, 2010, ISSN.: 1137-8328, p.38
  4. (es) Fernando Romanos Hernando Dizionario aragonés de las comarcas de la Alta Zaragoza, p.39
  5. (es) Fernando Romanos Hernando: Aragonés ribagorzano d’Estadilla dende a obra de Cleto Torrodellas y Pablo Recio, p.12