Variant Yebra-Fiscal
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Variant Yebra-Fiscal | |
|---|---|
 Túnel de Petralba | |
| Situación | |
| País |  Aragón
|
| De ta |
Yebra de Basa Fiscal |
| Datos chenerals | |
| Altaria | m |
| Trazau / construito en |
{{{calendata}}} |
| Maxima costera | {{{costera}}} % |
| Longaria | {{{longaria}}} km |
| Tipo | Carretera N-260 |
| Zarrau d'hibierno |
|
| Mapa | |
.png)  | |
A variant Yebra-Fiscal ye una infraestructura de carretera de 23,3 kilometros de largaria[1] que dende que s'inauguró perteneix a o trazau principal d'a carretera nacional N-260, entre as localizatz altoaragonesas de Yebra de Basa (Alto Galligo) y Fiscal (Sobrarbe), y que alcurza buena cosa de trachecto entre ixas dos comarcas.
A variant fue una infraestructura largo tiempo demandada tanto por os achuntamientos de Sobrarbe como por os de l'Alto Galligo, basada en un primer prochecto que databa de la Republica (1936) y no escomenzau dica 2003.[2] Antes de que s'inaugurase, en chulio de 2012, a comunicación entre a Ribera de Fiscal y a ciudat de Samianigo se teneba que fer puyando por Broto dica o puerto de Cotefablo y baixando dimpués por Biescas, en un trachecto que se prolargaba 40-50 minutos más.[1]
A variant incluye dos túnels y seis viaductos de grans dimensions que salvan o gran deslivel entre as dos versants d'a sierra de Canciás, y esnaviesa por debaixo d'o puerto de Petralba. O primer túnel prene o nombre d'ixe puerto, túnel de Petralba, y mesura 2583 metros de largaria, con una calzada de 15 metros y tres carrils. O segundo, o túnel de Berroy, mesura 163 metros. O coste total d'a obra fue de 138,73 millons d'Euros, más 11 millons más destinaus a disminuir os suyos impactos ambientals.[2]
O 10 de noviembre de 2018 un estorroco sepultó buena cosa d'a calzada d'ista variant y o transito se desvió por o trazau antigo (N-260a), por Cotefablo.[3]
Referencias[editar | modificar o codigo]
- ↑ 1,0 1,1 (es) Noticia La Yebra de Basa-Fiscal se abrirá al tráfico el próximo viernes en o Diario del Alto Aragón de 4 de chulio de 2012. Consultada o 19 de febrero de 2019.
- ↑ 2,0 2,1 (es) Noticia De Sabiñánigo a Fiscal, en algo más de 15 minutos, en l'Heraldo de Aragón de 6 de chunio de 2012. Consultada o 19 de febrero de 2019.
- ↑ (es) Noticia La N-260 entre Sabiñánigo y Fiscal estará varios días con paso alternativo por un carril de l'Heraldo de 11 de noviembre de 2018. Consultada o 19 de febrero de 2019.