Crencha (montanyas)
En aragonés, a crencha[1][nota 1] d'un mont, una sierra u un sarrato ye una corona prolargada y libre d'arbolera arredol d'a punta u a loma superior, coincidindo alto u baixo con a zona de mayor altitut y dificil acceso, y que fa de dorsal entre dos versants[2] evidents.
A crencha puet estar sin vechetación arboria porque a causa de l'altitut no se'n faiga u, por contra, porque sía de lastras a causa de la mayor erosión. Bellas vegadas a penya se fa vistable, por o cual no pocas vegadas se documenta l'uso d'a parola crencha pa referir-se a la penya despullada y prolargada en o espinazo d'una sierra, u simplament una formación de penya que destaca contra la resta d'a montanya[2] y que s'apareix de dificil u cuasi imposible acceso.[3]
En Aragón en son eixemplos a crencha d'Estatás, a crencha de Tempestaz, a crencha de Creuenya u a crencha d'Ixalenques entre atras.
Notas
[editar | modificar o codigo]- ↑ Con as variants clencha y grencha
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 (an) CASAUS PARRILLA, Chesús y MIGUEL BALLESTÍN, Pascual, Dizionario Aragonés de Terminos Cheograficos; Gara d'Edizions. Zaragoza, 2008. ISBN 978-84-8094-059-7
- ↑ (es) CORONAS CABRERO, Mariano, Vocabulario aragonés de Labuerda-A Buerda (Sobrarbe); Xordica Editorial. Zaragoza, 2007. ISBN 978-84-96457-23-2
Se veiga tamién
[editar | modificar o codigo]| Control d'autoridaz |
|
|---|
Datos: Q65394745