Quercus
| Quercus | ||||||||||||||||
 | ||||||||||||||||
| ||||||||||||||||
| ||||||||||||||||
Quercus (L., 1758) ye un chenero d'árbols (anque tamién se i incluyen qualques arbustos) con flors masculinas en forma d'inflorescencias amentosas con d'entre quatro y diez estambres, y flors femeninas de tres estigmas disposadas en inflorescencias con forma d'espiga, que producen un solo fruito de forma caracteristica, que ha nombre billota u aglán. Existen especies con follas perens, caducas y marcescents (que se guardan secas alto de l'árbol dica que i comienza a brostar a siguient).
Distribución[editar | modificar o codigo]
O chenero Quercus comprende d'entre quatrocientas y seicientas especies, nativas de quasi toda Eurasia y America, anque a suya taxonomía ye muit discutida d'entre os botanicos.
En aragonés, como en altras luengas romances, se sole fer distinción d'entre as especies con fuellas caducas y marcescents, que omne les da nombre de «caixicos» u «caixigos», y as especies que en tienen de perén, que se solen decir «carrascas» u «lecineras». D'entre as especies de «caixicos» con presencia destacable en a Peninsula Iberica se puede mentar o Quercus robur, especie con muita presencia en Europa central y nordica pero que quasi no se troba en as latitutz mediterranias en as que se troba Aragón, y o Quercus petraea, pero as mas numbrosas i son, sin guaire chenero de dubdas, as especies Quercus pyrenaica, dominadera en toda a versant atlantica d'a Peninsula Iberica por estar silicia, y Quercus faginea, sustituindo a l'anterior en puestos con suelos calsinosos.
D'entre as «carrascas», Quercus ilex ye present por toda a Comunidat Autonoma, mesmo que Quercus coccifera, que sole presentar más port de mata que no d'árbol. Quercus suber, a «zurera», ye una especie poco freqüent.
