Fagaceae

Fagaceae
Una selva de Fagaceae en o Reino Uniu, con as colors propias de l'agüerro.
Denominacions populars
fagacias
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Fagales
Familia:	Fagaceae
Descripción
Fagaceae Dumortier,
Distribución cheografica
Distribución d'as fagacias

As fagacias (nombre cientifico Fagaceae) ye una familia de plantas de l'orden Fagales, formata por cuantos cheneros, podendo estar árbols u matollos de fuella caduca u de fuella perenne.

Cheneros

• Castanea, con ueito especies, estendillatas por l'este y o sud-ueste d'Asia, o sud-este d'Europa y l'este d'America d'o Norte.
• Castanopsis, con alto u baixo 125-130 especies, en o sud-este d'Asia.
• Chrysolepis, con dos especies en l'ueste d'Estaus Unius.
• Colombobalanus, formato por nomás que una sola especie, C. excelsa, en o norte d'America d'o Sud, a sobén encluito en Trigonobalanus.
• Fagus, os faus, con 10 especies, en o norte templato de l'este d'Asia, sud-ueste d'Asia, Europa y este d'America d'o Norte.
• Formanodendron.
• Lithocarpus, con alto u baixo 330-340 especies, todas con nomás que una excepción en Asia tropical u templata; una especie (L. densiflorus) en California y sud-ueste d'Oregón.
• Quercus, formata por caixicos y atros; en fan parte alto u baixo 500 especies, estendillatas por tot o hemisferio norte, encara que trescruzan o ecuador en Indonesia.
• Trigonobalanus, con nomás que una especie, T. verticillata, en Asia meridional tropical.

O chenero Nothofagus (alto u baixo 35 especies d'o hemisferio sud), que d'antis mas s'encluiban entre as fagacias, agora se considera que ye una familia deseparata, Nothofagaceae.

Vinclos externos

• Se veigan as imáchens de Commons sobre Fagaceae.

• Datos: Q145977
• Multimedia: Fagaceae / Q145977
• Especies: Fagaceae