Quercus cerrioides

De Biquipedia
Ir a la navegación Ir a la búsqueda
Caixico
Quercus cerrioides
Un exemplar de Quercus cerrioides naixito en l'anyo 1893 en o parque d'a Font del Racó (Barcelona).
Clasificación scientifica
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Fagales
Familia: Fagaceae
Chenero: Quercus
Especie: Quercus cerrioides
Nomenclatura binominal
Quercus cerrioides
Wilk. et Costa

O Quercus cerrioides u Quercus faginea cerrioides se considera un cruze entre os caixicos Quercus humilis y Quercus faginea y tien uns caracters intermeyos entre estas dos especies. D'esta traza tien os lobulos d'as fuellas acutz, no obtusos como o Quercus humilis ni punchents como o Quercus faginea (pero coincide con Quercus faginea en tener-los regulars). As fuellas son relativament grans (uns 8x5 cm, d'alto u baixo como en o Quercus humilis) que a sobén permaneixen tot l'hibierno secas en l'arbol (como en Quercus faginea).

A lo prencipio as fuellas son pelutas por a cara inferior, pero dimpués pronto pierden totz os pelos u quasi totz.

Ye una forma de caixico muito común en as sierras prepirinencas d'Aragón. En Catalunya lo trobamos en atro tipo d'ambientz y entre d'atras comunidatz lo i trobamos en o carrascal con caxico cerrioide (Viburno tini-Quercetum ilicis subass. cerrioidetosum), por eixemplo en a versant de paco d'a sierra de Collserola, on esta especie fue descubierta. A suya aria de distribución incluye buena part d'o paco d'a Cordelera Litoral catalana, bells puestos d'a Cordelera Prelitoral y dica os Puertos de Bezeit, prolongando-se por l'interior por a versant sud d'os Pireneus.

Vinclos externos[editar | editar código]