Pradiella d'Ebro

Pradiella d'Ebro
Municipio d'Aragón
Entidat  • País  • Provincia  • Comarca	Municipio  Aragón  Zaragoza Ribera Alta d'Ebro
Superficie	25,22 km²
Población  • Total	534 hab. (2013)
Altaria  • Meyana	228 m.
Distancia  • 45 km	enta Zaragoza
Alcalde	Luis Eduardo Moncin Cuartero
Codigo postal	50668
Ríos	Ebro
Coordenadas	41°51’37’’N 1°15’47’’U
Pradiella d'Ebro Pradiella d'Ebro en Aragón
Web oficial

Pradiella d'Ebro (Pradilla de Ebro en castellán) ye un municipio aragonés de la provincia de Zaragoza, situau en la comarca de la Ribera Alta d'Ebro.

La suya población ye de 562 habitants (2017), en una superficie de 22,28 km² y una densidat de población de 25,25 hab/km².

Toponimia

Lo toponimo Pradiella se remonta a lo latín PRATĔLLA, forma sufixada con -ELLU y en plural neutro de PRATUS ("prau"). En latín medieval podemos veyer formas latilizadas d'este toponimo romance como Pradella (1135), Patrella, Patrela, Petrellas. Las formas romances que trobamos en textos escritos en latín medieval y en aragonés son Pratiella (en la "Cronica de Sant Chuan de la Penya", con fonetica de l'aragonés central), Patrialla (con fonetica que conserva l'aragonés d'a valle de Vio y bergotés), Pradiela (1167) y Pradiella (dende 1247). La forma mes regular y constant ye Pradiella, que se documenta textos de la Ribera d'Ebro, de Zaragoza, y en los apellius medievals que derivan d'esta localidat. La castellanización postmedieval orichinó lo toponimo actual Pradilla, que prenió oficialment l'apelativo de Ebro dende 1873.

Clama l'atención la presencia de microtoponimos con component aragonés como Val de Taust en dirección a Taust, Formigales y Galacho de los Fornazos entre Pradiella y Boquinyeni.

Cheografía

Ye situau en la marguin d'Ebro, a 228 metros d'altaria sobre lo libel de la mar y a una distancia de 45 km de la ciudat de Zaragoza, la capital de la suya provincia y d'Aragón.

Historia

La primera mención de lo lugar ye de 1091; lo rei Sancho Remíriz, dio a lo monesterio de Selva Mayor los diezmos d'Exeya y d'este lugar pa quan se conquerisen.

Talment siga la Pratiella de la Cronica de Sant Chuan de la Penya:

Aquesti rey Sancho Remirez fué muyt buen rey, et auentrurado, et virtuoso, et aparecióse bien entre las otras cosas por las conquistas siguients. En el año de nuestro Señor de M.IXXX. prisó el castiello de Coruins; en aquesti annyo mismo Pratiella; las oras cremaron moros Pina et fizo batalla con moros Çaragoça.

La reconquiesta definitiva estió con Alifonso I lo Batallero.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									5
Partido Popular									1
Partido Aragonés									1
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Luis Eduardo Moncín Cuartero	Partido de los Socialistas de Aragón
2011–2015	Luis Eduardo Moncín Cuartero	Partido de los Socialistas de Aragón

Fiestas

• 20 de chinero, Sant Sabastián.
• 7 de setiembre, fiestas mayors.

Vinclos externos

• www.pradilla.net, web oficial.