Sancho Remíriz

Iste articlo ye sobre lo rei Sancho I d'Aragón y V de Navarra; ta atros usos, se veiga Sancho I.

Sancho Remíriz
Rei d'Aragón y de Navarra
Sancho Remíriz
Rei d'Aragón
1063 - 1094
Predecesor	Remiro I
Succesor	Pero I
Rei de Navarra
1076 - 1094
Predecesor	Sancho Garcés IV
Succesor	Pero I
Naixencia	1042
Muerte	4 de chunio de 1094 Uesca
Enterreco	Sant Chuan d'a Penya
Conchuche/s	Isabel d'Urchel Felicia de Roucy
Descendencia	Pero I D.Ferrando de Navarra Alifonso I Remiro II
Casa reyal	Casa d'Aragón
Dinastía	Ximena
Pai	Remiro I d'Aragón
Mai	Ermesinda de Foix
Sinyal	Signum Regis de Sancho Remíriz

Sancho Remiríz, naixiu en 1042 y falleixiu en Uesca lo 4 de chunio de 1094, estió rei d'Aragón entre 1063-1094 y de Navarra entre 1076-1094. Conoixiu como Sancho I d'Aragón y como V de Navarra.

Fillo de Remiro I y Ermesinda de Foix, se casó en primeras nuncias con Isabel d'Urchel d'a que naixería lo futuro rei Pero I.

Succedió a lo suyo pai a la edat de 18 anyos. Prenió Balbastro a los musulmans en 1065, en unión con Ermengol, conte d'Urchel, qui morió en a batalla.

En 1068, Sancho Remíriz fació un viache enta Roma, a on infeudó lo reino d'Aragón a lo papa, en prometendo-li lo pago de 500 mancusos d'oro anuals contra la protección papal a lo suyo reino.

Cuan en 1076 o rei de Navarra, Sancho Garcés, primo de Sancho Remíriz, fue asasinau por o suyo chirman Remón, que en una marcha de caza lo empentó dende una penya, los navarros, que no quereban ser gubernaus por o fratricida, esleyoron como rei a Sancho Remíriz, qui adhibió la corona de Pamplona a la d'Aragón.

En 1078 talló los campos de Zaragoza, construyió la fortaleza d'o Castellar, y mas tardi fació tributario a lo rei musulmán d'aquella ciudat. En 1083 s'apoderó d'o castiello de Graus y d'Ayerbe, que mandó repoblar. A conquista d'a plana s'iba asegurando con a construcción de castiellos. Construyió los castiellos de Lobarre, Obano, Mont Aragón, Artasona y Castiliscar entre atros.

En l'anyo 1089, habendo ganau Monzón, dió ista ciudat a o suyo fillo don Pero con títol de rei (rei de Monzón), encara que ya lo en yera de Sobrarbe y Ribagorza.

Pa establir relacions cordials con o reino de Castiella, aduyó a Alifonso VI en a batalla de Sagraxas (1086) y en a defensa de Toledo (1090) y, tamién achustó un tractau d'aduya mutua con o Cid Campeador (1092).

Morió lo 4 de chunio de l'anyo 1094 d'una sayeta que recibió mientres yera encorralando Uesca. O suyo calavre fue levau a lo monesterio de Mont Aragón, y trasladau dimpués a lo de Sant Chuan d'a Penya.

A suya segunda muller estió Felicia de Roucy, d'a cual naixioron l'infant D.Ferrando de Navarra, Alifonso I y Remiro II.

Árbol chenealochico

16. Sancho Garcés II de Navarra

8. García Sánchez II de Navarra

17. Urraca Ferrández

4. Sancho III de Navarra

18. Ferrando Bermúdez

9. Ximena Fernández

19. Elvira Díaz

2. Remiro I d'Aragón

20. ???

10. ???

21. ???

5. Sancha d'Aibar

22. ???

11. ???

23. ???

1. Sancho Remíriz

24. Arnal I de Comenche

12. Rocher I de Carcasona

25. Arsenda de Carcasona

6. Bernal de Couserans-Foix

26. Bernat II de Melguèlh

13. Adelaida de Melguèlh

27. Senegunda

3. Ermisenda de Bigorra

28. Arnal I Remón de Bigorra

14. García Arnal de Bigorra

29. Garsenda d'Astarac

7. Garsenda de Bigorra

30. García Arnal de Bigorra

15. Ricarda d'Astarac

31. Ricarda d'Astarac

Vinclos externos

• Se veigan as imáchens de Commons sobre Sancho Remíriz.

Referencias

Predecesor: Remiro I	Rei d'Aragón 1063 - 1094	Succesor: Pero I
Predecesor: Sancho Garcés IV	Rei de Navarra 1076 - 1094	Succesor: Pero I

• Datos: Q344802
• Multimedia: Sancho Ramírez, King of Aragon and Navarre / Q344802