Pobla

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una pobla ye un nuclio de población medieval que se poblaba por meyo d'una carta de población.^[1] Las poblas teneban privilechios descritos en ixe documento.

Etimolochía

La palabra pobla ye un derivau postverbal de poblar y no presentaba diftongo en -ue- orichinalment en aragonés por no provenir de lo latín PŎPŬLUS, por ixa mesma razón se presenta sin diftongo -ue- en l'astur-leyonés pola y presenta una o zarrada y no ubierta en catalán.^[1] En galaicoportugués ye póvoa, con -o- zarrada igual como en catalán. En castellano ye puebla, con diftongo -ue-.

Manimenos, en lo cabo meridional de lo Reino d'Aragón, de reconquiesta mas tardana La Puebla de Valverde no se documenta como "Pobla" en textos escritos en aragonés local. En la val d'Ebro las primeras mencions en aragonés son como poblas y las mas tardanas son como pueblas. En Ribagorza ye a on millor s'ha conservau la denominación de pobla, pero con la lochica pronunciación palatalizada poblla. A vegadas la fundación d'una pobla ha eclixau lo nuclio de población de referencia orichinal, que mesmo ha puesto dixar d'existir.

Carta de población

Ta más detalles, veyer l'articlo Carta de poblaciónveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

La carta de población^[2] yera un documento por lo que los reis cristianos, sinyors laicos y eclesiasticos atorgaban uns cuantos privilechios a un grupo poblacional pa asentar-lo en un territorio d'intrés economico u estratechico que se quereba repoblar en tiempos de la Reconquiesta. Estió la primera manifestación de dreito local en ixe periodo.

Las primeras cartas de población s'escriban en latín, dimpués s'encomenzó a emplegar las luengas romances como l'aragonés. Las zagueras cartas de población s'escribioron pa atrayer pobladors dimpués de la expulsión de los moriscos (1609).

La carta de población de bella localidat de lo Reino de Valencia ye escrita en aragonés por perteneixer a sinyors d'este orichen: Alfandaguella, Beixix, Benafer, Caudiel, Chelva, Chestalgar, Chodos, L'Alcora, Las Cuevas d'Abinromán, Lucena y Tueixa.

Toponimia

Poblas

Corresponden a toponimos adintro de los dominios lingüisticos catalán y aragonés.

La Pobla d'Abortón, nombre antigo de La Puebla d'Albortón.
La Pobla d'Arenós, en l'Alto Millars.
La Pobla de Benifazán, en lo Baixo Mayestrato.
La Pobla de Carivenys, en la Cuenca de Barberán.
La Pobla de Castro, nombre antigo de La Puebla de Castro (Ribagorza).
La Pobla de Cérvoles, en las Garrigas.
La Pobla de Claramunt, en l'Anoya.
La Pobla de Fantova, en Ribagorza, a on que pobla se pronuncia poblla.
La Pobla de Farnals, en la Huerta Norte.
La Pobla de Ferran, en la Cuenca de Barberán.
La Pobla de Gayén, nombre antigo de La Puebla d'Íxar.
La Pobla de Lillet, en lo Berguedá.
La Pobla de Mafumet, en lo Tarragonés.
La Pobla de Massaluca, en la Tierra Alta.
La Pobla d'el Mont, en Ribagorza, a on que pobla se pronuncia poblla.
La Pobla de Montornès, en lo Tarragonés.
La Pobla de Segur, en Pallars Chusán.
La Pobla de Vallbona, en lo Campo de Turia.
La Pobla del Duc, en la Val d'Albaida.
La Pobla Llarga, en la Ribera Alta.
La Pobla de Roda, en Ribagorza, a on que pobla se pronuncia poblla.
La Pobla Tornesa, en la Plana Alta.
La Pobla d'Uialfàs u Sa Pobla, en Mallorca.

Polas

Gosan estar en dominio astur-leyonés.

Pola, despoblau de lo termin municipal de Remolinos.
Pola de Allande.
La Pola Llaviana.
La Pola Siero.
La Pola de Gordón.
La Pola de Tineo.
La Pola de Somiedo.

Pueblas

Ta más detalles, veyer l'articlo Puebla (desambigación)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Perteneixen sobre tot a lo dominio castellano (a on que la carta de población ye una carta puebla). En dominio aragonés a vegadas substituyen a una antiga pobla, sobre tot en la val d'Ebro.

La Puebla d'Albortón, antiga Pobla d'Abortón, en lo Campo de Belchit.
La Puebla d'Alfindén, antiga Pobla d'Alfindén, en la Comarca Central.
La Puebla de Castro, antiga Pobla de Castro, en Ribagorza.
La Puebla de Híjar, en lo Baixo Martín, antiga Pobla d'Íxar y Pobla de Gayén.
La Puebla de Sant Miguel, en lo Rincón d'Ademuz.
La Puebla de Valverde, en Gúdar-Chabalambre.

Fuera d'Aragón se troban:

Referencias

↑ ^1,0 ^1,1 (es) Carlos Ángel Rizos Jiménez: Toponimia de la Baja Ribagorza Occidental. Universitat de Leida, 2005. p. 346.
↑ (an) Fuero romanz de Teruel.

Datos: Q60825771

[TOPONIMIABAIXARIBAGORZA-1] 1,0 ^1,1 (es) Carlos Ángel Rizos Jiménez: Toponimia de la Baja Ribagorza Occidental. Universitat de Leida, 2005. p. 346.

[FUEROROMANZTERUEL-2] (an) Fuero romanz de Teruel.

[1]

[2]