Chestalgar

De Biquipedia
Ir a la navegación Ir a la búsqueda
Chestalgar
Municipio d'o País Valencián
Escudo d'armas
Gestalgar 03.JPG
Entidat
 • Estau
 • Comunidat
 • Provincia
 • Comarca
Municipio
Flag of Spain.svg Espanya
Flag of the Land of Valencia (official).svg País Valencián
Valencia
Los Serrans
Superficie 69,7 km²
Población
 • Total

548 hab.
Altaria 200 m.
Distancia
 • 46 km

enta Valencia
Codigo postal 46166
Chestalgar en lo País Valencián Chestalgar en la comarca de Los Serrans

Chestalgar (Gestalgar en grafía SLA y castellán; Xestalgar en catalán) ye un municipio de la provincia de Valencia, situau en la comarca de Los Serrans. La suya población ye de 548 habitants, en una superficie de 69,7 km² con una densidat de 7,86 hab/km².

Toponimia[editar | modificar o codigo]

Wikisource
En Wikisource bi ha un texto sobre La Carta de población de Chestalgar.

En lo Repartiment de Valencia s'escribe Xestalgar probablement por influencia catalana, pus en lo mesmo texto se leye Xulella. En 1238, Chaime I d'Aragón cede Chestalgar a Rodrigo Ortiz y s'escribe Gestalgar, representando una G que se pronunciaba Ch:

concedimus per hereditatem propriam, francham et liberam vobis, Roderico Ortiç, et vestre posteritati sive progeniei, imperpetuum, alqueream de Gestalgar iuxta Xullella cum pratis, pascuiis, erbis, aquiis, lignis, furnis et molendinis, terris, terminis,

Rodrigo Ortiz vende Chestalgar en 1255 a Artal de Huerto, probablement d'orichen monegrín u semontanés, y s'escribe Gestalgar, en un texto a on se mencionan os lugars vicins, entre ellos Chuliella:

dompno Artali de Uerto et dompne Sancie Roiç uxori vestre, quandam alcariam in regno Valencie prope rivum de Guadalaviar nomine Gestalgar....
Que dicta alcaria dividit terminum cum Chullella et cum Petralba et cum Chiva et cum Gest al Campo et, ut dictam vendicionem perpetuo salvam habere possitis, damus nobiscum simul fidaucias per forum Valencie dompnum Ferdinandum Didaci et dompnum Godiçalvum Lupiç de Pomar, ambo insimul et quilibet eorum per totum.

Por lo que pareixe los aragoneses que reciben estos terrenos escriben Gestalgar y pronuncian Chestalgar. La grafía Ch se veye ya en un texto de 1277 alternando con la grafía en X, ye lo texto en lo que la viuda d'Artal de Huerto, Sancha Ruíz, fa donación de lo castiello y l'alquería de Chestalgar, y s'escribe en un texto en latín Chest Algar chunto con Xest Algar:

et castrum et alcheriam quod vocatur Chest Algar quod est iuxta rivum de Godalaviar et castrum et villam de Colongo quod est in Aragonia.
Item, castellum et alcheria de Xest Algar afrontat in termino de Pedralba et in termino de Xullella et in termino de Chiva et in termini de Çot.

En un texto de 1278, en lo que s'alcuerda la muga entre la senyoría de Chuliella y de Chestalgar s'escribe Chest Algar chunto con Chulella:

electos super questione et controverssario que est inter nos vel esse speratur super terminis castrorum de Chulella et de Chest Algar et divisione seu distingcione ipsorum terminorum.

La Carta de población de Chestalgar ye en aragonés y son mes abundants las variants graficas de Chestalgar con Ch que las formas con X. Dimpués, en los textos medievals en latín u en catalán predominará l'emplego de Xestalgar, pero la forma Chestalgar encara s'emplegará dica 1590.

Vinclos externos[editar | modificar o codigo]


Municipios d'a comarca Los Serrans
Alcublas | Alpuent | Andilla | Aras de los Olmos | Benaixep | Bugarra | Calles | Chelva | Chuliella | Domenyo | Chestalgar | Figueruelas | La Yesa | Loriguiella | Losa del Obispo | Pedralba | Sot de Chera | Titaguas | Tueixa | Lo Villar