Penyas Albas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Penyas Albas Peñas Albas
Situación
Situación	Calcena (Zaragoza)
Latitut
Lonchitut
Vértiz cheodesico
Cheografía
Cordelera	Sistema Iberico
Sierra	Sierra de Moncayo
Macizo
Altaria	1296 m
Alpinismo
Primera puyada
Ruta mas fácil	Dende Calcena
Mapa

Las penyas Albas (en castellano Peñas Albas) son un conchunto de cinco penyas principals y atras penyas menors situadas en la versant sud de la sierra de Moncayo (Sistema Iberico).

Adintro de la sierra de Moncayo las penyas Albas se troban en la unidat dita planas de Calcena, que corresponde a materials churasicos. Ye en bel meyo de lo termin municipal de Calcena y a lo sud de la plana de los Ascones, entre lo Raso y lo collau Somero. Desauguan enta lo barranco de val de Plata a lo norte y enta lo barranco de val de Madera a lo sud, tributarios de La Isuela con gran poder d'erosión remontant.

Las penyas Albas son feitas de brechas de dolomía y calsinera d'edat Hettanchiana (Churasico inferior), prou karstificadas.

Toponimia

L'oronimo penyas Albas ye transparent en mozarabe y en l'aragonés medieval preliteriario u anterior a la formación de la scripta medieval. En las luengas iberorromanicas se produció una substitución de l'adchectivo cualificativo cromatico d'orichen latín albo por l'adchectivo cualificativo d'orichen francico blanco cuan encomenzaba la Reconquiesta, por lo que penyas Albas podría estar d'un periodo primerenco d'este proceso historico u anterior igual como Castralbo, Mont Albo, Mont Albán u Torralba.

Las penyas Altas estioron lo escenario d'una batalla en la Guerra de la Unión (1347-1348). Se'n fa mención en las "Cronicas de los Chudeces de Teruel" en l'anyada chudicial 1348-1349:

...quel rei de Castiella enbio a Ferrant Perez de Portocayeto con el pendon de don Ferrando et con todos sus vasallos, et a Johan Rodriguez de Malcasta et a Ferrant Gomez de Albornoz los quales se replegaron en Agreda, et el dito Ferrant Gomez queriendo saber las entradas de Tarazona por enantar contra los de la dita Hunion, fuese a Penyas Albas, et los de Tarazona supieronlo ixieron a el bien mil peones et quatro ombres de cavallo et alli huvieron brega en manera quel dito Ferrant Gomez fue venzedor et daronse todos a preson.

Bibliografía

• (es) Instituto Geológico y Minero de España: Mapa Geológico de España E 1:50.000. Tabuenca. Servicio de publicaciones de Ministerio de Industria y Energía. 1983.
• (an)(es) Fernando López Rajadel: Cronicas de los Jueces de Teruel (1176-1532). Instituto de Estudios Turolenses, 1994.
• (es) Francisco Pellicer Corellano: El Relieve del Moncayo. Diputación general de Aragón, 1987.

Se veiga tamién

• Penyas de Ferrera.

• Datos: Q65398035