Brecha (cheolochía)
![]() |
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |


Una brecha ye una roca formada por fragmentos crebaus de minerals u rocas cementaus chuntos con una matriz de gran fin[1] que puet estar diferent u similar en composición a los fragmentos.
Las brechas pueden tener orichens muito diferents unas d'atras, como indican las denominacions d'os tipos: brecha sedimentaria, brecha tectonica, brecha piroclastica, brecha ignia, brecha d'impacto, brecha hidrotermal, ecetra.
Etimolochía[editar | modificar o codigo]
La palabra brecha usual en cheolochía en los diferents idiomas con chicas variacions ye amprada de lo italiano breccia, luenga a on esta palabra significa tanto grava u glera como almendrón. La palabra breccia ye d'orichen chermanico con la radiz indoeuropeu bhreg- que en latín ha orichinau FRAGILIS y FRANGERE, en gotico brigan ("crebar"), en anglés to break y en francico breka ("crebau"). Ye de lo francico breka d'a on provién lo termin militar francés brèche, l'occitán breca/bretxa y l'aragonés chistabín breca, que se relaciona con lo toponimo aragonés "Breca de Roldán".
Referencias[editar | modificar o codigo]
- ↑ Glossary of Meteoritical Terms. Meteorlab.com. Consultau lo 26-06-2011.