Mustela erminea

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mustela erminea
Erminio (Mustela erminea).
Denominacions populars
Erminio, arminio , albano, minchoso, paniquesa blanca, rata paniquesa blanca
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Carnivora
Familia:	Mustelidae
Chenero:	Mustela
Especie:	M. erminea
Descripción
Mustela erminea Linnaeus, 1758
Distribución cheografica
Distribución d'o erminio.

L'arminio u erminio (Mustela erminea (L., 1758)) ye una especie de mamifero carnivoro de mida chiqueta, miembro d'a familia Mustelidae, que tiene una gran distribución en Europa central y septentrional y no falta so que en os tres cuartos meridionals d'a Peninsula Iberica, en Italia y a Peninsula Balcanica. En Aragón no se'l puede trobar si que en o Pireneu. Se tracta d'un d'os carnivoros mas chicoz d'o mundo, no superando-lo en Europa si que a suya parient a paniquesa.

Fan d'entre 15 y 22 cm de lonchitut corporal, con a coda que gosa fer arredol d'un tercio d'a lonchitut d'o cuerpo, arribando en un total de 27–30 cm de lonchitut total en os eixemplars mes grandizos. O peso varía d'entre 100 y 300 gr, y os masclos son os mes pesatos. A caracteristica mes visible d'istes animals ye a forma de cambiar a color d'o cuerpo que tienen, de marrón alto en o lumo y dica as patas que tienen en os meses de buen orache, pasan a una color totalment blanca (treito d'a punta d'a coda , que se guarda negra tot l'anyo) en hibierno.

O pelache hibernal ye la causa que se'ls haiga cazatos a traviés d'a historia, sobretot ta elaborar con a suma d'a saber'ls pellizos prendas de pelletería ta l'alta nobleza y as familias reyals. En o texto aragonés "Letra intimada" i dicen:

[...] e assi mateix me dio con la dita espada un grand birrel de vibre, é alto forrado de erminios: é aqueste por esguart é honor del officio que tenia.

Tamién en un texto que parla d'o protocolo de coronación d'os reis d'Aragón encargato per Pero IV en 1353, se i troban referencias:

[...] e sobre aquesta saya viéstase una vestidura, la cual es nombrada garnacha, la cual sia feyta de vellut vermello e de trapo d'oro a senya reyal e sobre aquesta live e abríguesse un mantell, el cual sía feyto de trapo d'oro e de vellut vermello feyto a senyal reyal de suso dito forrado de pieles de erminios. E después de aquesto cálcese calças vermellas de escarlata e no lieve çapatos [...]

Imáchens

• 
  Eixemplar choven.
• 
• 

• 
• 
• 

• 
  Esqueleto
• 
  Chaime I d'Aragón representato con una capa d'erminios.
• 
  Mustela erminea

Vinclos externos

• Wikispecies tiene un articlo sobre Mustela erminea.
• Se veigan as imáchens de Commons sobre Mustela erminea.

• Datos: Q25345
• Multimedia: Mustela erminea / Q25345
• Especies: Mustela erminea