Antipasau
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un antepasau[1], antipasau,[1][2][3] u debantpasau[1] ye, pa una persona u colla de personas, un individuo muerto que vivió en un tiempo que se percibe como ya remoto, qui feba part d'una cheneración d'antes más, y de qui desciende esta persona u colla de personas. Tamién puet referir-se en plural a un conchunto d'antipasaus que constituiban una comunidat y de qui desciende atra comunidat u un individuo concreto (por eixemplo los celtibers como antipasaus de part d'os aragoneses).
En biolochía se fa servir lo termin antipasau en atras especies a part de la especie humana tanto pa referir-se a relacions d'ascendencia u descendencia d'individuos concretos como pa expresar relacions filocheneticas entre diferents taxons (especies, cheneros, familias, órdens, clases, ecetra). En filochenia ye present lo concepto d'antipasau común.
En cualques relichions bi ha un culto a los antipasaus, que prene un paper central en belunas d'ellas como l'animismo d'Africa y lo confucianismo.
Referencias[editar | modificar o codigo]
- ↑ 1,0 1,1 1,2 (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ (es) Blas Gabarda, F.: Romanos Hernando, F. Diccionario aragonés. chistabín-castellano. Ainas. Gara d'Edizions, 2008
- ↑ (es) Chesús de Mostolay: El Aragonés en el Somontano de Barbastro. Aneto Publicaciones. 2007. ISBN 978-84-95349-42-2