Dients de sabre

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Concepción moderna d'o marsupial con dients de sabre Tylacosmilus, depredador que vivió en America d'o Sud fa 7 millons d'anyos.

Dients de sabre ye una denominación popular sin valor en Zoolochía que s'emplega pa nombrar a diferents especies de mamiferos d'alimentación carnivora y dients canins muit destacables que ha existiu en diferents intes a lo largo d'a era Cenozoica, totz extinctos en l'actualidat.

Evolutivament, diferents grupos de mamiferos han adquiesto «dients de sabre» a lo largo d'a Historia, muitas vegadas sin estar realment emparentaus entre ells. O caso d'os dients de sabre exemplifica muit bien o concepto de converchencia evolutiva u evolución converchent.

Son eixemplos d'animals de dients de sabre:

• Os nimravidos, una familia extincta de carnivoros muit amanada d'os primers felidos, que existión entre fa quaranta y dos millons y fa siet millons docientos mil anyos.
• A subfamilia d'os macairodontins, Felidae propiament ditos, conoixius como «felidos dients de sabre» que existión dica fa bells diez mil anyos.
• Os hienodontidos, una familia extincta de mamiferos carnivoros primitivos que vivió entre fa seisanta y un millons y fa miqueta más d'once millons d'anyos, y que por tanto no tiene garra relación con os felidos.
• Os tilacosmilidos, una familia de marsupials extinctos de a orden Sparassodonta, que habitó en Sudamerica dica fa siet millons d'anyos.

De totz ells, os más recients y puet estar que por ixo os más conoixius son os felidos macairodontins.