Lista de Papas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Emblema pontificio

Ista lista de papas amuestra a lista tradicionalment admesa d'os 265 papas romanos, chefes d'a Ilesia catolica romana. Os antipapas tamién se i amuestran. Manimenos, no cal considerar ista lista como oficial y reconoixida por toz (Vaticano y historiadors), ya que no existe garra lista oficial, firme y finitiva d'os papas catolicos.

Introducción

Problemas ta fer una lista

Bi ha tres menas de razons por as que ye imposible d'establir una lista finitiva:

A primera ye a definición mesma d'o termin papa. Dica 325, as personas que aquí se i listan nomás tienen o títol de bispe de Roma. O títol de papa ye documentau por primer vegada ta designar a o bispe de Roma baixo Calisto I (217-222), pero en ixas envueltas se feba servir ta os bispes en cheneral. No ye dica o sieglo VIII que o títol prencipia a designar especificament a lo bispe de Roma. Ista exclusividat la oficializó Gregorio VII enta par d'a fin d'o sieglo XI. A superioridat d'o bispe de Roma como chefe supremo d'a Ilesia tamién se ba afirmando progresibament. Manimenos, o títol de papa gosa aplicar-se retroautibament a os bispes de Roma, succesors apostolicos de l'apóstol Pietro dica o papa actual, encara que no fesen servir ixe títol u no tenesen os poders actuals. Tamién se deixa difuera d'istas listas a os mainates eclesiasticos d'atras ilesias cristianas que feban servir igualment o títol de papa.

A segunda dificultat ye que no se sabe guaire sobre os primers bispes de Roma. En bels casos, nomás se conoix o nombre. A fuent mas antiga ye Ireneu de Lyon qui en o sieglo II da o nombre d'os bispes d'as diocesis prencipals (Roma, Constantinoble, Antioquia …). Atras fuents mas completas son o Liber pontificalis, un documento apolochetico d'o sieglo VI, que s'enampla dica o sieglo IX. Lista o nombre d'os papas, de su pai, d'o suyo país de naixencia y a durada d'o suyo pontificau. Encara que iste documento aiga emplegau fuents mas antigas, os datos que da sobre os primers papas son parcials y han de prener-se con precaución.

En zaguerías, a tercera dificultat promana d'a historia caotica d'o papau, que ha visto buen amiro de antipapas, deposicions, asasinatos y bellas renuncias. Amás, as modalidaz d'esleción (u nominación) y d'entronización han cambeau cualques vegadas. Asinas un papa esleito en unas envueltas podría haber estau considerau no conforme si hese estau esleito en atras calendatas (por ixo o tractamiento diferent qẶue se li atorgó a Esteban y a Hadrián V, cuan os dos morioron antes d'a suya consagración). A decisión de si un papa ye estau esleito y entronisau regularment u no, no ye guaire clara, y por ixo, as diferents listas se contradicen respetibe a la valideza de tal u cual papa.

L'Annuario pontificio

Entre as diferents listas que circulan a de l'Annuario pontificio, que s'edita cada anyada por o Vaticano dende 1912, se considera como a de mayor autoridat, pos dimana d'as propias autoridaz eclesiasticas. Asinas, ista lista fa de facto o papel de lista oficial. Manimenos no ye libre d'ambiguidaz y no pretende estar a finitiva. Asinas, o papa efimero Esteban yera reconoixiu como papa lechitimo dica a edición de 1960 y se sacó d'a lista dende a edición de 1961.

En a lista de l'Annuario pontificio tamién se i indican os antipapas. Ístos los sinyalan con una tipografía diferent. En bels casos en que no ye fácil declarar cuál ye o papa y cuál(s) o(s) antipapa(s) l'Annuario deixa a cuestión ubierta. L'Annuario pontificio tampoco no numera os pontificaus, encara que contando os nombres, Benedet XVI i apareix como o 265eno papa.

A lista que s'amuestra contino ye pues basada en a lista de nombres de l'Anuario pontificio.

Antigüidat

Sieglo I

Num.	Pontificau	Nombre como pontifiz	Imachen	Nombre real	Naixencia	Notas
1	33?/67	Pero Sant Pero		Simon ben Yona (Petrus)	Bethsaida, Galilea	Disciplo de Chesús; Mártir Festividat: 29 de chunio (Sant Pero y Sant Pavlo)
2	67-76/79?	Lino Sant Lino		Linus	Toscana	Talment marturiau Festividat: 23 de setiembre
3	76/79?-88	Anacleto u Cleto Sant Cleto		Anacletus o Cletus	Atenas? Roma?	Mártir Festividat: 26 d'abril
4	88-97?/101?	Climent I o Climent de Roma Sant Climent		Clemens	Roma	Mártir Festividat: 23 de noviembre
5	97?-105?	Evaristo I Sant Evaristo		Evaristus	Antioquía?	Talment marturiau Festividat: 26 d'octubre

Sieglo II

Num.	Pontificau	Nombre como pontifiz	Imachen	Nombre real	Naixencia	Notas
6	105/115	Aleixandre I Sant Aleixandre		Alexander	Roma	Talment martiriciau; estatuyó l'augua bendita Festividat: 22 d'abril
7	115-125	Sisto I Sant Sisto		Sixtus o Xystus	Roma?	Talment martiriciau; estatuyó a Cuaresma Festividat: 6 d'abril
8	125-136/138	Telesforo I Sant Telesforo		Telesphorus	Grecia	Mártir; estatuyó a misa d'o gallo y a composición d'o Gloria in excelsis Deo Festividat: 5 de chinero (en a Ilesia Ortodoxa, el 22 de febrero)
9	136/138-140/142	Hichinio I Sant Hichinio		Hyginus	Atenas	Talment martiriciau; estatuyó a fegura d'os padrins en o baptismo Festividat: 11 de chinero
10	140/142-155	Pío I Sant Pío		Pius	Aquileya, (Italia)	Mártir Festividat: 11 de chulio
11	155-166	Aniceto I Sant Aniceto		Anicetus	° 98 en Emesa, (Siria)	Mártir Festividat: 17 d'abril
12	166-174/175 † 22 d'abril	Soterio I Sant Soterio		Soterius	° 103 en Fondi, (Italia)	Mártir Festividat: 22 d'abril
13	174/175-189 † 24 de mayo	Eleuterio I Sant Eleuterio		Eleutherius	Nicópolis, (Grecia)	Talment martiriciau Festividat: 26 de mayo
14	189-199 † 28 de chulio	Vítor I Sant Vítor		Victor	Norte d'Africa	Mártir; con el prencipia a usar-se o latín substituyindo a o griego en a liturchia Festividat: 26 de chulio

Sieglo III

Num.	Pontificau	Nombre como pontifiz	Imachen	Nombre real	Naixencia	Notas
15	199-217 † 20 d'aviento	Zeferín I Sant Ceferín		Zephyrinus	Roma	Talment martiriciau Festividat: 26 d'agosto
16	217-222	Calixto I Sant Calixto		Callistus	° 155 en Roma	Mártir; Festividat: 14 d'octubre
A	217-235 13 de mayo	Póliz I Sant Póliz		Hippolytus o Ypolitus	°170? en Roma?	Primer antipapa reconoixiu por a Ilesia catolica; Mártir; se reconcilió con a Ilesia en 235, cuan yera esterrau en Cerdenya chunto a o papa Poncián I
17	222-230 † 23 de mayo	Urbán I Sant Urbán		Urbanus	Roma	Mártir Festividat: 25 de mayo
18	21-VII-230 al 28-IX-235 † 19-XI-235	Poncián I Sant Poncián		Pontianus	Roma	Primer papa que deixa a seu de Sant Pero; se reconcilió con l'antipapa Póliz I; Mártir Festividat: 13 d'agosto
19	21-XI-235 al 3-I-236	Antero I Sant Antero		Anterus	D'orichen griego	Mártir
20	10-I-236 al 20-I-250	Fabián I Sant Fabián		Fabianus		Mártir Festividat: 20 de chinero
21	6/11-III-251 a VI-253	Cornel I Sant Cornel		Cornelius		Mártir; esterrau en Civitavecchia por l'emperador Galo Festividat: 16 de setiembre
A	251-258	Novacián		Novatianus	°200? en Frichia	Antipapa; Primer teologo que fa servir o latín en os suyos textos
22	25-VI-253 al 5-III-254	Lucio I Sant Lucio		Lucius	Roma	Mártir Festividat: 4 de marzo
23	12-V-254 al 2-VIII-257	Esteban I Sant Esteban		Stephanus	Roma	Mártir Festividat: 2 d'agosto
24	31-VIII-357 al 6-VIII-258	Sixto II Sant Sixto II		Xystus	Grecia	Mártir
25	22-VII-259 al 26-XII-268	Dionís I Sant Dionís		Dionysius	Grecia	Primer papa que no padeix martirio
26	5-I-269 al 30-XII-274	Felis I Sant Felis		Felix	Roma	Festividat: 30 de mayo
27	4-I-275 al 7-XII-283	Eutiquián I Sant Eutiquián		Euthychianus
28	17-XII-283 al 22-IV-296	Gayo I Sant Gayo		Caius o Gaius	Salona, (Dalmacia)	Festividat: 22 d'abril
29	30-VI-296 al 1-IV-304	Marcelín I Sant Marcelín		Marcellinus

Sieglo IV

Num.	Pontificau	Nombre como pontifiz	Imachen	Nombre real	Naixencia	Notas
30	VI-308 al 16-I-309	Marcel I Sant Marcel		Marcellus		fue esterrau por l'emperador Machencio Festividat: 16 de chinero
31	18-IV-309 al 17-VIII-309	Eusebio Sant Eusebio		Eusebius
32	2-VII-311 al 10/11?-I-314	Melquíades Sant Melquíades		Miltiades o Melchiades	Norte d'África?	L'emperador Constantín I promulga l'Edicto de Milán (313), que acaba con as persecucions relichiosas y ofreix a o pontífiz o Palacio d'o Laterán, que se convertiría en a Seu pontificia (Sant Chuan d'o Laterán)
33	31-I-314 al 31-XII-335	Silvestre I Sant Silvestre		Silvester	Roma	Estatuyó o domingo como Día d'o Sinyor; convocó o I Concilio de Nicea (325) Festividat: 31 d'aviento
34	18-I-336 al 7-X-336	Marcos Sant Marcos		Marcus	Roma?	Festividat: 7 d'octubre
35	6-II-337 al 12-IV-352	Chulio I Sant Chulio		Iulius	Roma	triga o 25 d'aviento como día d'o Nadal Festividat: 12 d'abril
36	17-V-352 al 24-IX-366	Liberio		Liberius		esterrau por l'emperador Constancio II; Primer papa que no ye estau encara canonizau
A	355-365	Felis II		Felix	Roma?	antipapa, encara que o suyo nombre se considera t'a numeración d'os pontifices; en a Edat Meya se li consideró como un papa lechitimo Festividat: 29 de chulio
37	1-X-366 al 11-XII-384	Damaso Sant Damaso		Damasus	Roma? Hispania?	fa oficial o latín como luenga d'a Ilesia, y se fa a traducción d'a Biblia ta o latín, dita Vulgata
A	366-367	Ursín		Ursinus	Roma?	antipapa; esterrau por l'emperador Valentinián II
38	11-XII-384 al 26-XI-399	Siricio Sant Siricio		Siricius	Roma	decreta o celibato ta os clerigos; ye o primer pontífiz que fa servir o títol de papa Festividat: 26 de noviembre
39	27-XI-399 al 19-XII-401	Anastasio I Sant Anastasio		Anastasius

Sieglo V

Num.	Pontificau	Nombre como pontifiz	Imachen	Nombre real	Naixencia	Notas
40	22-XII-401 al 12-III-417	Inocencio I Sant Inocencio		Innocentius	Albano (Italia)	Alarico I, rei d'os visigodos, saqueya Roma (24-VIII-410) Festividat: 28 de chulio
41	18-III-417 al 26-XII-418	Zosimo Sant Zosimo		Zosimus	Grecia?
42	28/29-XII-418 al 4-IX-422	Bonifacio I Sant Bonifacio		Bonifacius
A	27-XII-418 al 3-IV-419	Olario (u Olalio)		Eulalius	Roma	antipapa; fue esleito pontífiz como alternativa a Bonifacio I; reconoixió a íste como papa lechitimo
43	10-IX-422 al 27-VII-432	Celestín Sant Celestín		Coelestinus	Roma?	Concilio d'Efeso (431)
44	31-VII-432 al VIII-440	Sisto III Sant Sisto		Xystus		Festividat: 28 de marzo
45	29-IX-440 al 10-XI-461	Lión I Sant Lión Lión o Gran		Leo	° 400? en Toscana	Convence a Atila, rei d'os Hunnos, de no conquerir Roma (452) Festividat: 10 de noviembre
46	19-XI-461 al 29-II-468	Hilario Sant Hilario		Hilarius	Cerdenya
47	3-III-468 al 10-III-483	Simplicio Sant Simplicio		Simplicius	Tívoli (Italia)	Fin de l'Imperio Romano d'occident (476)
48	13-III-483 al 1-III-492	Felis III Sant Felis		Felix	Roma	Felis II ye considerau un antipapa, pero se considera en a numeración.
49	1-III-492 al 21-XI-496	Chelasio I Sant Chelasio		Gelasius	Norte d'África?	Se fixa o Cánon d'as Escrituras Sagradas (494)
50	24-XI-496 al 19-XI-498	Anastasio II		Anastasius	Roma?	Clodoveu I, rei d'os francos, se converte ta o cristianismo

Alta Edat Meya

Sieglo VI

Num.	Pontificau	Nombre como pontifiz	Imachen	Nombre real	Naixencia	Notas
51	22-XI-498 al 19-VII-514	Simaco Sant Simaco		Symmachus	°450? en Cerdenya	depuesto por Teodorico lo Gran entre 501-506
A	22-XI-498 al 1-III-499 y 23-X-501 al 506	Lorient		Laurentius	Roma?	antipapa; en o suyo segundo reinau fue refirmau por Teodorico lo Gran
52	20-VII-514 al 19-VII-523	Hormisdas Sant Hormisdas		Hormisdas	Frosinone (Italia)	Dionisio l'Ecsigo determina a calendata 753 'ab urbe condita como l'anyo de Naixencia de Chesús de Nazaret, ye decir, l'anyo 1 d'a era cristiana
53	13-VIII-523 al 18-V-526	Chuan I Sant Chuan		Ioannes	Toscana	Primer papa que viacha ta Constantinoble; engarcholau y martiriciau por orden de Teodorico lo Gran
54	12-VII-526 al 22-IX-530	Felis IV Sant Felis		Felix	Samniu (Italia)	posau en a Seu de Sant Pietro por orden de Teodorico lo Gran; en un edicto nombra a Bonifacio II como o suyo succesor
55	22-IX-530 al 17-X-532	Bonifacio II		Bonifacius	Roma	tamién miró d'esleyir el mesmo a o suyo succesor, en a fegura de Vichilio (que dimpués tamién estió papa
A	22-IX-530 al 14-X-530	Dioscoro		Dioscorus	Alexandria	antipapa; estió o candidato esleito por o clero en cuentra d'o nombramiento de Bonifacio; con a suya muerte remató o cisma
56	2-I-533 al 8-V-535	Chuan II		Mercurius	Roma	Primer papa que cambeo o suyo nombre de baptismo
57	13-V-535 al 22-IV-536	Agapito I Sant Agapito		Agapetus	Roma	excomulga a o patriarca de Constantinoble Antimo I
58	8-VI-536 al III-537 †11-XI-537	Silverio Sant Silverio		Silverius	Frosinone? (Italia)	fillo lechitimo d'o papa Hormisdes; depuesto d'a seu de Sant Pero
59	20-III-537 al 7-VI-555	Vichilio		Vigilius	Roma	II Concilio de Constantinoble (553)
60	16-IV-556 al 4-III-561	Pelai I		Pelagius	Roma
61	17-VII-561 al 13-VII-574	Chuan III		Catelinus	Roma	Invasión longobarda
62	2-VI-575 al 30-VI-579	Benedet I		Benedictus o Bonosus	Roma
63	26-XI-579 al 7-II-590	Pelai II		Pelagius	Roma	no reconoix o títol de "ecumenico" ta o patriarca de Constantinoble
64	3-IX-590 al 12-III-604	'Gregoriuo Sant Gregorio Gregorio lo Gran		Gregorius	°540? en Roma	contrebuyó a la evolución d'o cante liturchico, nombrau en a suya honor "cante gregorianu"' Festividat: 3 de setiembre

Sieglo VII

Num.	Pontificau	Nombre como pontifiz	Imachen	Nombre real	Naixencia	Notas
65	13-IX-604 al 22-II-606	Sabinyán Sant Sabinyán			Blera (Italia)
66	19-II-606 al 12-XI-606	Bonifacio III			Roma
67	25-VIII/15-IX-608 al 8/25-V-615	Bonifacio IV Sant Bonifacio			Valeria (Italia)	Mahoma prencipia o suyo pedrique en A Mecaf Festividat: 25 de mayo
68	13-XI-615 al 8-XI-618	Adeodato I		Adeodatus o Deusdedit		Primer papa en usar un siello en os documentos pontificios Festividat: 8 de noviembre
69	23-XII-619 al 25-IX-625	Bonifacio V			Nápols	esleito como papa o 8-XI-618, pero no se consagró dica recibir a confirmación d'Heraclio I
70	27-X-625 al 12-X-638	Honorio I			Capua
71	28-V-640 al 2-VIII-640	Seberín			Roma	esleito como papa o 15-X-638, pero no se consagro dica que recibió a confirmación d'Heraclio I
72	24-XII-640 al 12-X-642	Chuan IV			° 580? en Salona (Dalmacia)
73	24-XI-642 al 14-V-649	Teodoro I			Cherusalem	excomulga a lo patriarca de Constantinoble Pavlo II
74	21-VII-649 al 16-IX-655	Martín I Sant Martín			Todi (Italia)	l'emperador bizantín Constant II lo depone como papa o 653 y lo treslada ta Constantinoble, esterrando-lo o 15-V-655 en Crimea
75	10-VIII-654 al 2-VI-657	Euchenio I Sant Euchenio			Roma	esleito por l'emperador Constant II mientra o engarcholamiento de Martín I Festividat: 2 de chunio
76	30-VII-657 al 27-I-672	Vitalián Sant Vitalián			Segni (Italia)	Festividat: 27 de chinero
77	11-IV-672 al 17-VI-676	Adeodato II			Roma?
78	2-XI-676 al 11-IV-678	Dono			Roma
79	27-VI-678 al 10-I-681	Agatón Sant Agatón			Sicilia
80	17-VIII-682 al 3-VII-683	Lión II Sant Lión			Calabria (Italia)	esleito como papa en chinero de 681, pero sin a confirmación de Constantín IV dica un anyo dimpués.
81	26-VI-684 al 7-V-685	Benedet II Sant Benedet			Roma	o zaguer papa que amenistó a confirmación de l'emperador bizantín, tresladada ta o exarca de Ravena.
82	23-VII-685 al 2-VIII-686	Chuan V			Antioquía (Siria)
83	21-X-686 al 21-IX-687	Conón
A	866-867	Teodoro				antipapa; yera o candidato de l'aristocracia romana ta succeder a Chuan V; reconoix a Serchio I como pontífiz
A	687	Pascual				antipapa; no reconoixió a Serchio I como pontífiz
84	15-XII-687 al 8-IX-701	Serchio I Sant Serchio			Palermo (Italia)	introduz l'Agnus Dei en a misa Festividat: 8 de setiembre

Sieglo VIII

Num.	Pontificau	Nombre como pontifiz	Imachen	Nombre real	Naixencia	Notas
85	30-X-701 al 11-I-705	Chuan VI			Grecia
86	1-III-705 al 18-X-708	Chuan VII			Rossano (Italia)
87	15-I-708 al 4-II-708	Sisinio			Siria
88	25-III-708 al 9-IV-715	Constantín			Siria	Viacha ta Constantinoble
89	12-V-715 al 11-II-731	Gregorio II Sant Gregorio			°669? en Roma	Excomulga a l'emperador Lión III Isaurico festividat: 13 de febrero
90	18-III-731 al 29-XI-741	Gregorio III			Siria	Esleito por aclamación popular; zaguer papa en ser confirmau por o exarca bizantín festividat: 28 de noviembre
91	10-XII-741 al 22-II-752	Zacarías Sant Zacarías			Calabria (Italia)
Ø	23-III-752 al 25-III-752	Esteban Papa Electo u Esteban II			Roma	Esleito como papa, no plegó a estar consagrau; se le sacó d’a lista de papas d'entre o Pontificau de Chuan XXIII
92	26-III-752 al 26-IV-757	Esteban II u III			Roma	Se creyan os Estaus Pontificios
93	29-V-757 al 28-VI-767	Pavlo I Sant Pavlo			Roma	festividat: 20 de chunio
A	5-VII-767 al 6-VIII-768	Constantín II		Constantín di Nepi		Antipapa; impuesto como papa por su chirmano, o duche Teodoro de Nepi
A	31-VII-768	Felipe				Antipapa; esleito ta deponer a l'antipapa Constantín II
94	7-VIII-767 al 24-I-772	Esteban III u IV			°720? en Sicilia	Concilio de Laterán (769)
95	9-II-772 al 26-XII-795	Hadrián I			Roma	II Concilio de Nicea (787)

Sieglo IX

Num.	Pontificau	Nombre como pontifiz	Imachen	Nombre real	Naixencia	Notas
96	27-XII-795 al 12-VI-816	León III			Roma	dende 799 dica 800 s'exilia baixo a protección de Carlos Magno, a qui corona como emperador en a Basilica de Sant Pero (25-XII-800)
97	12-VI-816 al 24-I-817	Esteban IV u V			Roma	Corona en Rems a Loís o Piadoso, rei d’os francos
98	25-I-817 al 11-II-824	Pascual I Sant Pascual		Pascale Massimi	Roma	O pueblo romano no querió que se l'enterrecase en a Basilica de Sant Pietro festividat: 16 de mayo
99	8-V-824 al 27-VIII-827	‘’’Euchenio II' pai d’o pueblo ‘’			Roma	Con él estatueixen os Seminarios
100	VIII-827 a X-827	Valantín			Roma
101	5-I-828 al 11-I-844	Gregorio IV			Roma	Introduz a festividat de Toz os Santos
A	844	Chuan u Chuan VIII				Antipapa; yera o candidato esleito por o pueblo romano ta succeder a Gregorio IV
102	I-844 al 7-I-847	Serchio II			Roma	Os sarracins saqueyan Roma (846)
103	10-IV-847 al 17-VII-855	Lión IV Sant Lión			Roma	Manda devantar nueu murallas en Roma, creyando a Civitas Leonina
A	855 †880	Anastasio III Anastasio lo Bibliotecario			°810?	Antipapa, teneba o refirme de l'emperador Lotario; un d'os possibles redactors d’o Liber Pontificalis
104	29-IX-855 al 17-IV-858	Benedet III			Roma
105	24-IV-858 al 13-XI-867	Nicolau I Sant Nicolau Nicolau o Gran			°828? en Roma	Scisma fociana: el y Focio, Patriarca de Constantinoble, s’excomulgan mutuament (867)
106	14-XII-867 al 14-XII-872	Hadrián II			792 en Roma	Convoca o IV Concilio de Constantinoble
107	14-XII-872 all 16-XII-882	Chuan VIII			°820? en Roma	Evita atra scisma con a ilesia oriental y reconoix a Focio como patriarca; confirma y permite a Sant Metodio y Sant Cerilo fer a liturchia en eslau
108	16-XII-882 al 15-V-884	Marín I entivocadament Martín II			Gallese (Italia)	Esviella a excomunión contra o patriarca Focio
109	17-V-884 al IX-885	Hadrián III Sant Hadrián			Roma	festividat: 8 de chulio
110	14-IX-885 al 14-IX-891	Esteban V u VI			Roma
111	19-IX-891 al 4-IV-896	Formoso			°816? n'Ostia (Italia)	Heba estau excomulgau por Chuan VIII, pero dimpués lo restituyó Marín I
112	4-IV-896 al 19-IV-896	Bonifacio VI			Roma?	esleito con o refirme de l'emperador Lamberto d'Spoleto
113	22-V-896 al 14-VIII-897	Esteban VI u VII			Roma	Fa un chuicio a lo calavre de Formoso (896, synodus horrenda), nombrando-lo antipapa
114	VIII-897 al XI-897	Román			Gallese (Italia)	chirmán de Marín I; depuesto d’a seu Sant Pietro
115	XII-897	Teodoro II			Roma	restituyó a fegura de Formoso como papa; fillo d'o patriarca Focio
116	18-I-898 al 5-I-900	Chuan IX				Corona a Lamberto d'Spoleto como emperador, sustituyendo a Arnulfu

Sieglo X

Num.	Pontificau	Nombre como pontifiz	Imachen	Nombre real	Naixencia	Notas
117	1-II-900 al VII-903	Benedet IV			Roma	Corona como emperador a Loís de Provenza (Loís III o ciego)
118	VII-903 a IX-903	Lión V			Ardea (Italia)	Depuesto por l'antipapa Cristóbal
A	IX-903 a I-904	Cristofo			Roma	antipapa, pero dica o sieglo XX, se li consideró como papa lechitimo; deponió a o pontífiz anterior
119	29-I-904 al 14-IV-911	Serchio III			Roma, en 870?	Ya heba prebau de puyar dos vegadas t'a Seu de Sant Pietro; prencipio d’o periodo clamau pornocracia (por a influencia d'as mullers en a ilesia)
120	IV-911 al VI-913	Anastasio III			Roma	Posible fillo de Serchio III
121	7-VIII-913 al 5-II-914	Landón		Landón	Sabina (Italia)	Zaguer pontífiz que emplega un nombre inedito, dica Chuan-Pavlo I
122	III-714 al V-728	Chuan X			Tossignano (Italia), en 860	Primer papa que se posa a la cabeza d’un exercito, en a Batalla de Garigliano (916)
123	V-928 al XII-928	Lión VII			Roma	Muere asasinau
124	XII-928 al II-931	Esteban VII u VIII			Roma	Depuesto y asasinau
125	III-931 al XII-935	Chuan XI			Roma, nel 911?	Fillo de Serchio III; da pribilechios t’a Badía de Clunyego
126	3-I-936 al 13-VII-939	Lión VII			Roma	Pribilechia a reforma de Clunyego
127	14-VII-939 al X-942	Esteban VIII u IX			Roma?
128	30-X-942 al 1-V-946	Marín II entivocadament Martín III			Roma
129	10-V-946 al 8-XI-955	Agapito II			Roma
130	16-XII-955 al 14-V-964	Chuan XII O Papa Nino		Octavianu	Roma, 938?	Fillo d’Alberico II; depuesto entre XI-963 y II-964
A	6-XII-963 al 26-II-964	Lión VIII			Roma	consideráu como antipapa en iste primer periodo d’o suyo Pontificau, impuesto por Otón I
131	22-V-964 al 23-VI-964 †4-VII-966	Benedet V O Gramatico			Roma	Depuesto por Otón I y esterrau en Hamburgo
132	23-VI-964 al 1-III-965	Lión VIII			Roma	papa lechitimo ta iste periodo; protechiu d’Otón I
133	1-X-965 al 6-IX-972	Chuan XIII		Giovanni Crescenci	Roma	exiliau entre aviento de 965 y o 14-XI-966; evanchelización d'hongaros y polacos
134	19-I-973 a VI-974	Benedet VI				Depuesto y asasinau
A	974	Bonifacio VII		Francone Ferruchi		antipapa por primer vegada ; fuye enta Constantinoble
135	X-974 al 10-VII-983	Benedet VII			Roma	promuebe o monacau; impuesto por Sicco d'Spoleto y Otón II
136	XII-983 a IV-984 †20-VIII-984	Chuan XIV		Pietro Canepanova	Pavía (Italia)	muere de fambre estando engarcholau
A	IV-984 al 20-VII-985	Bonifacio VII		Francone Ferruchi		antipapa por segunda vegada; muere asasinau
137	VII-985 al 1-IV-996	Chuan XV		Chuan	Roma	Primer papa en fer una canonización, a d'Ulrico d'Ausburgo
138	3-V-996 al 18-II-999	Gregorio V		Bruno von Kärnthen (Bruno de Carintia)	Saxonia, 972?	primer papa alemán
A	997-998 †1013	Chuan XVI		Giovanni Filigato	Rossano (Italia)	antipapa; o suyo numeral sí computa t’a o siguient papa de nombre Chuan
139	2-IV-999 al 12-V-1003	Silvestre II		Gerbert d'Aurillac	Alvernya (Francia), 945	primer papa francés

Baixa Edat Meya

Sieglo XI

Num.	Pontificau	Nombre como pontifiz	Imachen	Nombre real	Naixencia	Notas
140	13-VI-1003 al XI/XII-1003	Chuan XVII		Siccone Secchi	Roma
141	XII-1003 al VII-1009	Chuan XVIII		Giovanni Fasano	Roma	Deixa a Seu de Sant Pietro
142	31-VII-1009 al 12-V-1012	Serchio IV		Pietro Martino Boccadiporco	Roma	O califa Al-Hakil bi-Amr Allah destrui a Ilesia d’o Santo Sepulcre
143	18-V-1012 al 9-IV-1024	Benedet VIII		Teofilatto dei Conti di Tusculo	Roma	Depuesto como papa dica 1014
A	1012	Gregorio VI		Gregorio		antipapa, busca o refirme de l'emperador Henrique II contra Benedet VIII
144	4-V-1024 al 20-X-1032	Chuan XIX		Romano dei Conti di Tusculo	Roma	Chirmán de Benedet VIII; yera laico a l’inte d’a suya esleción como pontífiz
145	21-X-1032 al IX-1044 1er periodo	Benedet IX		Teofilatto dei Conti di Tusculo	Roma, 1012	Sobrín d’os dos papas anteriors. Gubernó en tres periodos. Forachitau d’a seu de Sant Pietro en iste primer periodo.
146	20-I-1044 al 10-IV-1045 †1063	Silvestre III		Giovanni di Crescenzi Ottaviani	Roma	Forachitau por Benedet IX
147	10-IV-1045 al V-1044 2ndo periodo	Benedet IX		Teofilatto dei Conti di Tusculo	Roma, 1012	Bende o cargo pontificio a Gregorio VI
148	5-V-1045 al 20-XII-1046 †1047	Gregorio VI		Giovanni Graciano Pierleoni	Roma	Obligau a abdicar en o sinodo de Sutri, esterrau ta Colonia
149	24-XII-1046 al 9-IX-1047	Climent II		Suidger von Morsleben und Hornburg	Saxonia, 1005	Corona como Emperador a Enrique III; dende alavez o cargo papal habrá de tener l'autorización de l'emperador chermanico
150	8-XI-1047 al 17-VI-1048 3er periodo †1055 o 1056	Benedet IX		Teofilatto dei Conti di Tusculo	Roma, 1012	Forachitau d'o cargo papal
151	17-VII-1048 al 9-VIII-1048	Dámaso II		Poppo von Brixen	Bavera	Nombrau por l'emperador Henrique III, no bi habió esleción papal
152	12-II-1049 al 19-IV-1054	Lión IX Sant Lión		Bruno von Egisheim-Dagsburg	Alsacia, 21-VI-1002	Se produz o cisma finitivo entre a Ilesia Occidental, catolicismo, y a Ilesia Oriental, ortodoxa (16-VII-1054)
153	13-IV-1055 al 28-VII-1057	Vítor II		Gebhard Graf von Calw, Tollenstein und Hirschberg	Bavera, 1018	Refuerza a condena contra o matrimonio d’os sacerdoz
154	2-VIII-1057 al 29-III-1058	Esteban IX u X		Frederick de Lorena	Lorena, 1020	Refuerza a Reforma Gregoriana
A	1058 al 1059 †1073 o 1080	Benedet X		Giovanni Mincio	Roma	Antipapa
155	6-XII-1058 al 27-VII-1061	Nicolau II		Gerhard de Borgonya	Chevron, 990	Coronau como pontífiz o 24-I-1059; forachita y excomulga a l’antipapa Benedet X
156	30-IX-1061 al 21-IV-1073	Aleixandre II		Anselmo da Baggio	Milán, 1010 o 1015	A suya esleción no tenió o refirme imperial; en o 1063 trasforma a Reconquiesta en guerra santa
A	28-X-1061 al 31-V-1064 †1072	Honorio II		Pietro Cadalo	Verona, 1009	Antipapa, esleito como pontífiz contra Aleixandre II; sostenió, dica a suya muerte, o suyo dreito sobre a Seu de Sant Pietro.
157	22-IV-1073 al 25-V-1085	Gregorio VII Sant Gregorio		Ildebrando Aldobrandeschi di Soana	Sovana, 1020	Esleito pontífiz por aclamación popular; en o 1075 publica o Dictatus Papae
A	25-II-1080 al 8-I-1100	Climent III		Wibert de Ravenna	Parma, 1029	Antipapa; esleito como pontífiz por Enrique IV, a qui corona como emperador
158	24-V-1086 al 16-IX-1087	Vítor III		Dauferio o Desiderio	Benavent, 1026	No acceuta o cargo dica un anyo dimpués; fació una "protocruzada" en o norte d’Africa
159	12-III-1088 al 29-VII-1099	Urbán II		Odón de Châtillon o de Lagery	Lagery, 1042	Aprestó y organizó a Primera Cruzata (1095–99)

Sieglo XII

Num.	Pontificau	Nombre como pontifiz	Imachen	Nombre real	Naixencia	Notas
160	13-VIII-1099 al 21-I-1118	Pascual II		Rainiero de Bieda	Bieda, 1050
A	IX-1100 al I-1101 †1102	Teodorico		Teodorico		Antipapa; nombrau papa con o refirme d'o Emperador Henrique IV. Engarcholau y esterrau por o papa Pascual II
A	I-1101 al 1105	Alberto		Adalberto u Alberto		Antipapa; nombrau papa por l'emperador Henrique IV dimpués de l'antipapa Teodorico; engarcholau
A	18-XI-1105 al 11-IV-1111	Silvestre IV		Maginulfo	Roma, 1050?	Antipapa; con o refirme imperial; renuncia a las pretensions sobre a Seu de Sant Pietro
161	24-I-1118 al 29-I-1119	Chelasio II		Giovanni Caetani Coniulo	Gayeta, 1060	Exiliau en a suya ciudat natal, morió en Clunyego (Francia)
A	10-III-1118 al 22-IV-1121 †1137	Gregorio VIII		Maurice Bourdin	Limousin	Antipapa; esleito con o refirme imperial contra Chelasio II, fuyindo íste de Roma
162	2-II-1119 al 13-XII-1124	Calisto II		Guido de Borgonya	Borgonya, 1050	Esleito en Clunyego, forachitando de Roma a l'antipapa Gregorio VIII; convoca o primer concilio ecumenico en Occident (Laterán, 1123); excomulga a o Cometa Halley
A	15-XII-1124 al 21-XII-1124	Celestín II		Teobaldo Boccapecora		Antipapa, anque a suya esleción fue conforme. Renuncia a o cargo pontificio
163	21-XII-1124 al 13-II-1130	Honorio II		Lamberto Scannabecchi	Fiagnano	Se creya a Orden d'o Temple
164	14-II-1130 al 24-IX-1143	Inocencio II		Gregorio Papareschi	Roma	Ha de fuyir de Roma por l'antipapa Anacleto II. II Concilio de Laterán
A	23-II-1131 al 25-I-1138	Anacleto II		Pietro Pierleoni	Roma	Antipapa; coronau pontífiz de vez que Inocencio II, exiliando-se íste zaguero
A	13-III-1138 al 29-V-1138	Vítor IV		Gregorio Conti		Antipapa; esleito como succesor de l'antipapa Anacleto II ; acceuta dimpués l'autoridat d'Inocencio II
165	26-IX-1143 al 8-III-1144	Celestín II		Guido Ghefucci da Castello	Città di Castello
166	12-III-1144 al 15-II-1145	Lucio II		Gherardo Caccianemici dall'Orso	Bolonya
167	15-II-1145 al 8-VII-1153	Euchenio III Beato Euchenio		Pietro Bernardo dei Paganelli di Montemagno	Pisa	S'organiza a Segunda Cruzada
168	9-VII-1153 al 3-XII-1154	Anastasio IV		Corrado della Suburra	Roma
169	4-XII-1154 al 1-IX-1159	Hadrián IV		Nicholas Breakspear	Abbots Langley, 1100	Decreta que Irlanda pase a estar un dominio d'o rei d'Anglaterra (Henrique II)
170	7-IX-1159 al 30-VIII-1181	Aleixandre III		Rolando Bandinelli	Siena, 1100	III Concilio de Laterán; bula Regis Aeternis, que estableix l'anyo chubilar chacobeu
A	7-IX-1159 al 20-IV-1164	Vítor IV		Ottaviano Crescenzi Ottaviani di Monticelli		Antipapa; con o refirme de l'emperador Frederico I Barbarroya contra Aleixandre III
A	22-IV-1164 al 20-IX-1168	Pascual III		Guido	Cremona	Antipapa; succesor de l'antipapa Vítor IV; canonizó a Carlos Magno (canonización no reconoixida por a Ilesia Catolica)
A	IX-1168 al 29-VIII-1178 †1184	Calisto III		Giovanni di Struma		Antipapa; con o refirme de l'emperador Frederico Barbarroya
A	29-III-1179 al I-1180	Inocencio III		Lando Sitino	Sezce	Antipapa; cuarto y zaguer opositor a Aleixandre III
171	1-IX-1181 al 25-XI-1185	Lucio III		Ubaldo Allucingoli	Lucca, 1097	Prencipia a parar a Tercera Cruzada, morindo antes de veyer-la feita
172	25-XI-1185 al 20-X-1187	Urbán III		Uberto Crivelli	Cuggiono, 1120	Perda de Cherusalem
173	21-X-1187 al 17-XII-1187	Gregoriu VIII		Alberto de Morra	Benevento, 1100	Organiza a Tercer Cruzada
174	19-XII-1187 al 27-III-1191	Climent III		Paolo Scolari	Roma	Fa a Tercer Cruzada
175	30-III-1191 al 8-I-1198	Celestín III		Giacinto Bobone	Roma, 1106

Sieglo XIII

Num.	Pontificau	Nombre como pontifiz	Imachen	Escudo	Nombre real	Naixencia	Notas
176	8-I-1198 al 16-VII-1216	Inocencio III			Lotario dei Conti di Segni	Gavignano, 1160	Zaguer pontífiz esleito o mesmo día d’a muerte d’o predecesor; IV Concilio de Laterán (1215)
177	18-VII-1216 al 18-III-1227	Honorio III			Cencio Savelli	Roma, 1160	Organiza a Cinquena Cruzada
178	19-III-1227 al 22-VIII-1241	Gregorio IX			Ugolino dei Conti di Segni	Anagni, 1145?	Sesta Cruzada, feita por l'emperador Frederico II, que será dimpués excomulgau
179	25-X-1241 al 10-XI-1241	Celestín IV			Goffredo Castiglioni	Milán	Muere antes d’a suya consagración como papa
180	25-VI-1243 al 7-XII-1254	Inocencio IV			Sinibaldo Fieschi	Chenova, 1195?	I Concilio de León d'el Roine (1245)
181	12-XII-1254 al 25-V-1261	Aleixandre IV			Rinaldo dei Conti di Segni	Anagni, 1199?	Apreba a creyación d'a Universidat de Salamanca (1255)
182	29-VIII-1261 al 2-X-1264	Urbán IV			Jacques Pantaléon	Troyes, 1195?	Nunca no vivió en Roma; vedó, sin garra consecuencia practica, a traducción y estudio d'Aristótil
183	5-II-1265 al 29-XI-1269	Climent IV			Guy Foucois o Foucault o Foulques	Saint Gilles, 23-XI de 1190?	Tomás d'Aquino escribe a Summa Theologiae
184	1-IX-1271 al 10-I-1276	Gregorio X Beato Gregorio			Tebaldo Visconti	Piacenza, 1210	A esleción d'o nuevo papa se fa, por primer vegada, en forma de conclave; prebatina de reconciliación con a Ilesia Ortodoxa; II Concilio de Lión (1274)
185	21-I-1276 al 22-VI-1276	Inocencio V Beato Inocencio			Pierre Tarentaise	Champagny, 1225?	Mira d'organizar una cruzada p'aduyar a Castiella en a Reconquiesta
186	11-VII-1276 al 18-VIII-1276	Hadrián V			Ottobono Fieschi	Chenova, 1205	Muere antes d'a suya consagración
Ø	5-IX-1276 al 6-IX-1276	Gregorio XI			Vicedomino de Vicedominis, Guglielmo Visconti		Esleito como papa, pero muere mesmo antes d'estar proclamau como pontífiz con a formula ‘’Habemus Papam’’
187	8-IX-1276 al 20-V-1277	Chuan XXI			Pedro Julião o Hispano	Lisbona, 1210?	Esculle, entivocau, o nobre de Chuan XXI, en cuenta de Chuan XX
188	25-XI-1277 al 22-VIII-1280	Nicolau III			Giovanni Gaetano Orsini	Roma, 1210
189	22-II-1281 al 28-III-1285	Martín IV			Simon de Brion	Touraine, 1210?
190	2-IV-1285 al 3-IV-1287	Honorio IV			Giacomo Savelli	Roma, 1210
191	22-II-1288 al 4-IV-1292	Nicolau IV			Girolamo Masci	Ascoli, 30-IX-1227
192	5-VII-1294 al 13-XII-1294 †19-V-1296	Celestín V Sant Celestín V			Pietro Angeleri da Morrone	Moline	Deixa a Seu de Sant Pietro festividat: 19 de mayo
193	24-XII-1294 al 11-X-1303	Bonifacio VIII			Benedetto Caetani	Anagni, 1235?	Habría d'haber estau Bonifacio VII, ya que o que leba ista numeración, ye considerau antipapa

Sieglo XIV

Num.	Pontificau	Nombre como pontifiz	Imachen	Escudo	Nombre real	Naixencia	Notas
194	22-X-1303 al 7-VII-1304	Benedet XI Beato Benedet XI			Nicola Boccasini	Treviso, 1240	Muere enberenau, en Perugia festividat: 7 de chulio
195	5-VII-1305 al 20-IV-1314	Climent V			Bertrand de Got	Villandraut, 1264	Esleito en Perugia y coronau en Lyon, tresladó a corte pontificia t'Avinyón (1309), estando o primer papa d’Avinyón; suprime a Orden d’o Temple con a bula Vox in excelso (13-IV-1312)
196	7-VIII-1316 al 4-XII-1334	Chuan XXII			Jacques d'Euse o Duèse	Cahors, 1249	Papa d'Avinyón; esleito pontífiz dimpués de dos anyos d'interregnum; establió o Tribunal d'a Rota y a festividat d’a Santisma Trinidat
A	12-V-1328 al 25-VIII-1330 †16-XI-1333	Nicolau V			Pietro Rainalducci	Corvaro	Nombrau pontífiz por Loís IV de Bavera (excomulgau por o papa Chuan XXII); ha de fuyir de Roma, renunciando y acceutando l'autoridat de Chuan XXII
197	20-XII-1334 al 25-IV-1342	Benedet XII			Jacques Fournier	Saverdun, 1285?	Papa d'Avinyón
198	7-V-1342 al 6-XII-1352	Climent VI			Pierre Roger	Limoges, 1291	Papa d'Avinyón; peste negra en Europa (a gran mortalera) (1347–1351)
199	18-XII-1352 al 12-IX-1362	Inocencio VI			Étienne Aubert	Beyssac, 1282	Papa d'Avinyón
200	28-X-1362 al 19-XII-1370	Urbán V Beato Urbano V			Guillaume Grimoard	Grizac, 1310	Torna ta Roma por un curto periodo (1367–1370), tornando de nuevas t'Avinyón
201	30-XII-1370 al 26-III-1378	Gregorio XI			Pierre Roger de Beaufort	Limoges, 1330?	Papa d'Avinyón; torna ta Roma
202	8-IV-1378 al 15-X-1389	Urbán VI			Bartomoleo Prignano	Nápoles, 1318?	Prencipia a Gran Scisma d'Occident
A	20-IX-1378 al 16-IX-1394	Climent VII			Robertu de Xinebra	Annecy, 1342?	Antipapa d'a Gran Scisma, esleito como papa por os cardenals que heban esleito a Urbán VI; instala a suya cort en Avinyón; tien o refirme d'os reinos ibericos, nordicos y francés
203	2-XI-1389 al 1-XI-1404	Bonifacio IX			Pietro Tomacelli	Nápols, 1356?	Escolmulga a l'antipapa d'Avinyón Climent VII

Sieglo XV

Num.	Pontificau	Nombre como pontifiz	Imachen	Escudo	Nombre real	Naixencia	Notas
A	28-IX-1394 al 27-XI-1423	Benedet XIII o Papa Luna			Pero Martínez de Luna y Gotor	Illueca, 1328?	antipapa d'Avinyón; depuesto como pontífiz en os Concilios de Pisa de 1409 y de Gonstanza de 1417, pero no rebla. S'exella en Peniscola, estando o Reino d'Aragón o zaguer estau que li reconoix como pontífiz
204	17-X-1404 al 6-XI-1406	Inocencio VII			Cosimo de'Migliorati	Sulmona, 1336?
205	30-XI-1406 al 4-VII-1415 †18-X-1417	Gregorio XII			Angelo Correr	Venecia, 1326?	Depuesto como pontífiz en o Concilio de Pisa (1409), que no reconoix; renuncia en o Concilio de Gostanza (4-VII-1415)
A	26-VI-1409 al 3-V-1410	Aleixandre V			Pietro Philargi	Creta, 1340	Antipapa de Pisa; pontífiz que reina en o mesmo tiempo que o papa Gregorio XII y l'antipapa Benedet XIII
A	24-V-1410 al 29-V-1415 †27-XII-1419	Chuan XXIII			Baldassare Cossa	Nápoles, 1370	Antipapa de Pisa; preside o Concilio de Gostanza
206	11-XI-1417 al 20-II-1431	Martín V			Oddone Colonna	Genazzano, 1368	Esleito pontífiz en o Concilio de Gostanza, que remata a Schisma d'Occident; restitui Roma como seu pontificia
A	10-VI-1423 al 26-VII-1429 †28-XII-1446	Climent VIII			Gil Sánchez Munyoz y Carbón	Teruel, 1369?	Antipapa; se sozmete a la obediencia d'o papa Martín V
a	1424–1429	Benedet XIV Primer Benedet XIV			Bernard Garnier		Antipapa no reconoixiu; nombrau cardenal por l'antipapa Benedet XIII, y esleito como pontífiz por Jean Carrier
a	1430–1437	Benedet XIV Segundo Benedet XIV			Jean Carrier		Antipapa no reconoixiu; nombrau cardenal por l'antipapa Benedet XIII; mantién o mesmo nombre y numero que o suyo predecesor
207	3-III-1431 al 23-II-1447	Euchenio IV			Gabriele Condulmer	Venecia, 1383
A	5-XI-1439 al 7-IV-1449 †7-I-1451	Felis V			Amedeo VIII de Saboya y Berri	Chambéry, 4-IX-1383	Zaguer antipapa; esleito papa en o Concilio de Basilea; se sozmete a l'autoridat d'o papa Nicolau V
208	6-III-1447 al 24-III-1455	Nicolau V			Tommaso Parentucelli	Sarzana, 15-XI-1397	Estableix a Biblioteca Vaticana en 1448; fin de l'Imperio Bizantín con a cayida de Constantinoble (29-V-1453)
209	8-IV-1455 al 6-VIII-1458	Calisto III			Alfonso de Borcha (Borgia)	Exativa	Aprestó una cruzada contra l'Imperio Otomán con a ideya de reconquerir Constantinoble; anula la condena contra Chuana d'Arco
210	19-VIII-1458 al 15-VIII-1464	Pío II			Enea Silvio Piccolomini	Corsignano, 18-X-1405
211	30-VIII-1464 al 26-VII-1471	Pavlo II			Pietro Barbo	Venecia, 23-II-1417
212	9-VIII-1471 al 12-VIII-1484	Sisto IV			Francesco della Rovere	Savona, 21-VII-1414	Permite a creyación d'o Tribunal d'a Inquisición en Aragón y Castiella; estatuyó a festividat d'a Immaculada Concepción o 8 d'aviento; se construi a Capiella Sistina
213	29-VIII-1484 al 25-VII-1492	Inocencio VIII			Giovanni Battista Cybo	Chenova, 1432	Atorga a Fernando II d'Aragón y Isabela de Castiella o títol de Catolica Machestat dimpués d'a conquiesta de Granada
214	11-VIII-1492 al 18-VIII-1503	Aleixandre VI			Roderic de Borcha (Rodrigo de Borcha)	Exativa, 1-I-1431	Marca las zonas d'influencia de Castiella y Portugal ta o “Nuevo Mundo” (1493)

Edat Moderna

Sieglo XVI

Num.	Pontificau	Nombre como pontifiz	Imachen	Escudo	Nombre real	Naixencia	Notas
215	22-IX-1503 al 18-X-1503	Pío III			Francesco Todeschini Piccolomini	Siena, 29-V-1439	Engarchola a César Borcha
216	1-XI-1503 al 21-II-1513	Chulio II			Giuliano della Rovere	Albisola, 5-XII-1443	Enceta a construcción d'a Basilica de Sant Pero
217	11-III-1513 al 1-XII-1521	Lión X			Giovanni di Lorenzo de’Medici	Florencia, 11-XII-1475	Martín Lutero rompe con Roma y prencipia o Protestantismo
218	9-I-1522 al 14-IX-1523	Hadrián VI			Adriaan Florenszoon Boeyens	Utrecht, 2-III-1459	Antes de pontífiz, estió o tutor de Carlos I, y rechent en Espanya
219	19-XI-1523 al 25-IX-1534	Climent VII			Giulio de'Medici	Florencia, 26-V-1478	Carlos I saquea Roma (1527)
220	13-X-1534 al 10-XI-1549	Pavlo III			Alessandro Farnese	Canino, 29-II-1468	Escomencipia o Concilio de Trento (13-XII-1545)
221	7-II-1550 al 23-III-1555	Chulio III			Giovanni Maria Ciocchi del Monte	Roma, 10-IX-1487
222	9-IV-1555 al 1-V-1555	Marcelo II			Marcello Cervini	Montefano, 6-V-1501	Mantenió o suyo nombre de Naixencia
223	23-V-1555 al 18-VIII-1559	Pavlo IV			Giovanni Pietro Carafa	Carpiglia Irpina, 28-VI-1476	Primer edición de l’Index Librorum Prohibitorum
224	25-XII-1559 al 9-XII-1565	Pío IV			Giovanni Angelo Medici	Milán, 31-III-1499	Zarra o Concilio de Trento (3-XII-1563)
225	7-I-1566 al 1-V-1572	Pío V Sant Pío			Antonio Michele Ghislieri	Bosco Marengo, 17-I-1504	Excomulga a Isabel I d'Anglaterra; estatueix a Misa Tridentina
226	14-V-1572 al 10-IV-1585	Gregorio XIII			Ugo Buoncompagni	Bolonya, 1-I-1502	Se reforma o calendario chuliano (4/15-X-1582)
227	24-IV-1585 al 27-VIII-1590	Sisto V			Felice Peretti	Grottammare, 13-XII-1521
228	15-IX-1590 al 27-IX-1590	Urbán VII			Giovanni Battista Castagna	Roma, 4-VIII-1521	Muere antes d’a suya consagración como pontífiz
229	5-XII-1590 al 16-X-1591	Gregorio XIV			Niccolò Sfondrati	Somma Lombardo, 11-II-1535	excomulga a Henrique IV de Francia
230	29-X-1591 al 30-XII-1591	Inocencio IX			Giovanni Antonio Facchinetti	Bolonya, 20-VII-1519
231	30-I-1592 al 3-III-1605	Climent VIII			Ippolito Aldobrandini	Fano, 24-II-1536	Condena y fa executar por erechía a Giordano Bruno

Sieglo XVII

Num.	Pontificau	Nombre como pontifiz	Imachen	Escudo	Nombre real	Naixencia	Notas
232	1-IV-1605 al 27-IV-1605	Lión XI			Alessandro Ottaviano de'Medici	Florencia, 2-VI-1535
233	16-V-1605 al 28-I-1621	Pavlo V			Camillo Borghese	Roma, 17-IX-1552	Mira d’aturar a Galileo Galilei
234	9-II-1621 al 8-VII-1623	Gregorio XV			Alessandro Ludovisi	Bolonya, 9-I-1554	Promulga as bulas Aeterni Patris Filius y Decet Romanorum Pontificem, que regulan a esleción papal en os conclaves dica hue
235	6-VIII-1623 al 29-VII-1644	Urbán VIII			Maffeo Barberini	Florencia, 5-IV-1568	Se fa o chudicio contra Galileo Galilei (23-IX-1632 al 22-VI-1633); no reconoix a independencia de Portugal
236	15-IX-1644 al 7-I-1655	Inocencio X			Giovanni Battista Pamphilj	Roma, 6-V-1574	Declara nulos os tractaus de paz de Westfalia; tampoco no reconoix a independencia de Portugal
237	7-IV-1655 al 22-V-1667	Aleixandre VII			Fabio Chigi	Siena, 13-II-1599	Recibe a a reina de Suecia, que plegaba de combertir-se t’a fe catolica
238	20-VI-1667 al 9-XII-1669	Climent IX			Giulio Rospigliosi	Pistoia, 28-I-1600	Bernini remata a columnata d’a Plaza de Sant Pietro
239	29-IV-1670 al 22-VII-1676	Climent X			Emilio Bonaventura Altieri	Roma, 13-VII-1590
240	21-IX-1676 al 12-VIII-1689	Inocencio XI Beato Inocencio			Benedetto Odescalchi	Como, 16-V-1611
241	6-X-1689 al 1-II-1691	Aleixandre VIII			Pietro Vito Ottoboni	Venecia, 22-IV-1610	Periodo de nepotismo papal
242	12-VII-1691 al 27-IX-1700	Inocencio XII			Antonio Pignatelli	Nápoles, 13-III-1615	Luita contra o nepotismo papal

Sieglo XVIII

Num.	Pontificau	Nombre como pontifiz	Imachen	Escudo	Nombre real	Naixencia	Notas
243	23-XI-1700 al 19-III-1721	Climent XI			Giovanni Francesco Albani	Urbino, 23-VII-1649	Refirma a l'Archiduque Carlos d'Austria como rei d'Espanya
244	18-V-1721 al 7-III-1724	Inocencio XIII			Michelangelo Conti	Poli, 13-V-1655
245	29-V-1724 al 21-II-1730	Benedet XIII			Pietro Francesco Orsini	Gravina in Puglia, 2-II-1649	Inagura a escalinata d’a Piazza di Spagna, en 1725
246	16-VII-1730 al 6-II-1740	Climent XII			Lorenzo Corsini	Florencia, 7-IV-1652	Promulga a bula In Eminenti, o primer decreto papal contra a Masonería
247	17-VIII-1740 al 3-V-1758	Benedet XIV			Prospero Lorenzo Lambertini	Bolonya, 31-III-1675	Papa ilustrau; manda borrar d’o index de libros vedaus o De Revolutione, de Galileo Galilei
248	6-VII-1758 al 2-II-1769	Climent XIII			Carlo della Torre di Rezzonico	Venecia, 17-III-1693	Refirma a la Companyía de Chesús cedende-le parte d’as suyas posesions
249	19-V-1769 al 22-IX-1774	Climent XIV			Giovanni Vincenzo Antonio Ganganelli	Sant'Arcangelo di Romagna, 31-X-1705	Promulga o Dominus ac Redemptor (disolución d’a Companyía de Chesús)
250	15-II-1775 al 29-VIII-1799	Pío VI			Giovanni Angelo Braschi	Cesena, 27-XII-1717	Condena a Revolución Francesa; ye preso en 1798 y deportau ta Valence-sur-Rhône, an que muere

Edat Contemporania

Sieglo XIX

Num.	Pontificau	Nombre como pontifiz	Imachen	Escudo	Nombre real	Naixencia	Notas
251	14-III-1800 al 20-VIII-1823	Pío VII			Barnaba Chiaramonti	Cesena, 14-VIII-1742	Unche como emperador a Napoleón; ye engarcholau por iste (1809–1814)
252	28-IX-1823 al 10-II-1829	Lión XII			Annibale Sermattei della Genga	Genga, 22-VIII-1760	Se posiciona contra bels enantos medicos como a vacuna contra a picueta
253	31-III-1829 al 1-XII-1830	Pío VIII			Francesco Saverio Castiglioni	Cingoli, 20-XI-1761
254	2-II-1831 al 1-VI-1846	Gregorio XVI			Bartolomeo Alberto Cappellari	Belluno, 8-IX-1765	Zaguer pontífiz que no ye bispe
255	16-VI-1846 al 7-II-1878	Pío IX Beato Pío IX			Giovanni Maria Mastai Ferretti	Senigallia, 13-V-1792	Comboca o Concilio Vaticano I (8-XII-1869 al 20-X-1870); fin d'os Estaus Pontificios (20-IX-1870) festividat: 7 de febrero
256	20-II-1878 al 20-VII-1903	Lión XIII			Gioacchino Vincenzo Raffaele Luigi Pecci	Carpineto Romano, 2-III-1810	Enciclica Rerum Novarum; enceta l'amanamiento t'as Ilesias Anglicana y Ortodoxa

Sieglo XX

Num.	Pontificau	Nombre como pontifiz	Imachen	Escudo	Nombre real	Naixencia	Notas
257	9-VIII-1903 al 20-VIII-1914	Pío X Sant Pío			Giuseppe Melchiorre Sarto	Riese, 2-VI-1835	Ordena a redacción d’o Codex Iuris Canonici
258	6-IX-1914 al 22-I-1922	Benedet XV			Giacomo della Chiesa	Chenova, 21-XI-1854	I Guerra Mundial
259	9-II-1922 al 10-II-1939	Pío XI			Ambrogio Damiano Achille Ratti	Desio, 31-V-1857	Se creya o estau d'a Ciudat d'o Vaticano, con a sinyadura d'os Pautos d'o Laterán (11-II-1929)
260	12-III-1939 al 9-X-1958	Pío XII			Eugenio Maria Giuseppe Giovanni Pacelli	Roma, 2-III-1876	II Guerra Mundial
261	4-XI-1958 al 3-VI-1963	Chuan XXIII Beato Chuan XXIII			Angelo Giuseppe Roncalli	Sotto il Monte, 25-XI-1881	Escomienza o Concilio Vaticano II (25-I-1959)
262	30-VI-1963 al 6-VIII-1978	Pavlo VI			Giovanni Battista Enrico Antonio Maria Montini	Concesio, 26-IX-1897	Conclui o Concilio Vaticano II (1965)
263	26-VIII-1978 al 28-IX-1978	Chuan-Pavlo I			Albino Luciani	Canale d'Agordo, 17-X-1912	Primer papa con dos nombres pontificios
264	16-X-1978 al 2-IV-2005	Chuan-Pavlo II			Karol Józef Wojtyła	Wadowice, 18-V-1920	Primer papa no italiano en mas de cuatre sieglos

Sieglo XXI

Num.	Pontificau	Nombre como pontifiz	Imachen	Escudo	Nombre real	Naixencia	Notas
265	19-IV-2005 a 28-II-2013	Benedet XVI			Joseph Alois Ratzinger	Marktl am Inn, 16-IV-1927	Primera renuncia d'un Papa en as zagueras 600 anyadas.
266	13-III-2013 dica l'actualidat	Francisco			Jorge Mario Bergoglio	Buenos Aires, 17-12-1936	Primer papa chesuita y primer papa hispano-americano.

• Datos: Q40483
• Multimedia: Popes / Q40483