Peniscola

Peniscola
Municipio d'o País Valencián
Entidat  • Estau  • Comunidat  • Provincia  • Comarca	Municipio Espanya Comunidat Valenciana Castellón Baixo Mayestrato
Superficie	79 km²
Población  • Total	6432 hab. (2006)
Altaria	46 m.
Distancia  • 71 km	enta Castellón de la Plana
Codigo postal	12598
www.peniscola.org

Peniscola (Peníscola en catalán, Peñíscola en castellán) ye un municipio de lo País Valencián que se troba en la comarca de lo Baixo Mayestrato. La suya población ye de 6432 habitants (2006), en una superficie de 79 km² con una densidat de 81,42 hab/km².

Cheografía

Se troba en un tombolo y ha creixito en una plana d'arena entre la placha y l'almarchal litoral, y mesmo por l'almarchal litoral. L'Almarchal de Peniscola ye uno de los puntos principals en la distribución de lo samaruco, un peix endemico de la Peninsula Iberica.

Historia

Lo Papa Luna s'autoexelló en Peniscola lo 21 de chulio de 1411, establindo-ie la seu pontificia y fendo de lo suyo castiello un palacio con una biblioteca pontificia. Lo segundo papa de Peniscola estió Gil Sánchez Muñoz u Climent VIII y gobernó entre 1424 y 1429, quan renunció y remató con lo Scisma d'Occident.

Toponimia

Los griegos diciban Quersoneso a "Peniscola" , palabra que los romans traducioron en la forma vulgar Pene Iscola, (quasi isla, Peninsula en latín mas corrient). Los arabes lo adaptoron como Baniskula. En textos castellano-aragoneses puet trobar-se la forma coincident con lo catalán Peníscola, como por eixemplo en las Crónicas de los Jueces de Teruel, que replegan informacions dende 1176 dica 1532, se i leye Peniscola quan recentan lo que pasó en 1411 con lo Papa Luna y lo futuro Compromís de Casp:

Don García Sanchez de Canpos. Fue el Papa Benedit a Peniscola con toda su gente et los regnos de la Senyoria d'Aragón eslieron IX personas que esliesen rey

.

Tamién en relación a la campanya de cristianización d'os chodigos que empentó o mesmo Papa Luna:

Aquesti anyo fizo plegar en Peniscola grandes rabides de jodios et fizo tener disputa si era venido el Mesias, et trobaron que era venido et tornaronse christianos muchos jodios de los mayores

Presonaches

• Benedet XIII d'Avinyón, o Papa Luna.
• Muhammad ibn Mardanix, lo famoso rei Lop ye naixito de Peniscola.

Curiosidatz

En Peniscola s'han rodato dos peliculas: la superproducción El Cid (1962, A.Mann, con Sofia Loren y Charlton Heston) y Calabuch (1956, L.G.Berlanga).

Vinclos externos

• www.peniscola.org, web oficial de lo concello de Peniscola.
• www.todopeniscola.com, Peñiscola.
• www.hotelpeniscola.com, Hoteles de Peniscola.