Leyenda d'o toro y a estrela

De Biquipedia
(Reendrezato dende Leyenda d'o toro y la estrela)
Ir ta: navego, busca
Lo toro y la estrela apareixen en lo escudo de la ciudat de Teruel

La leyenda de lo toro y la estrela ye lo mito fundacional de la ciudat de Teruel, una forma local de mito de cazata ritual como muitos que bi n'ha en Eurasia dende l'antiguedat.

Los mitos fundacionals con animals se troban en tota Europa. Consisten en que una presona u una colla de presonas van seguindo a un animal dica a on que lo cazan u lis quaca, se i quedan y i fundan un nuclio de población u un país nuevo. Los hongaros seguioron a un ciervo, los polacos a una alica blanca, los alcanyizanos a una lupa, los moldavos a un toro, lo mesmo que los teruelanos.

Una versión cuenta que en lo sieglo XII, quan la Reconquista teruelana, lo rei Alifonso lo Casto prenió qualques lugars y seguindo por la ribera de lo Martín, plegó ta lo que huei ye Teruel. Dimpués se'n fue con lo suyo exercito pa luitar contra los rebels de las montanyas de Prades, quedando una resta de guerrers con la orden d'estar a la defensiva. Seguntes se diz los guerrers no obedeixioron y siguioron a un toro salvache a lo que iba seguindo una estrela dende lo firmamento, car lo heban visto en suenios premonitorios. Seguntes ellos yera un sinyal que indicaba a on que establir una nueva población. Prenioron la fortaleza de Teruel y se i quedoron.

Atra versión diz que los habitadors de la zona salioron dezaga un toro salvache que recorreba la redolada y que una nueit s'aturo en un puesto baixo una estrela y comenzo a soltar gramitos. Prenioron como buenas las sinyals de lo cielo y la tierra lis presentaban y decidioron construir-ie una nueva villa.

Con esta leyenda tamién se preba d'explicar la etimolochía de Teruel. Prenioron de lo Toro tres letras, TOR, y de la estrela clamata Actuel, atras tres, UEL. Estas seis letras chuntas formaban lo nombre de TORUEL, y dimpués salió lo nombre de Teruel.

En una versión de las Cronicas de los Chudeces de Teruel copiata en lo sieglo XVII, més castellanizata que atras versions, y que ye en l'Archivo Historico provincial de Teruel, podemos leyer esto:

Et los adalides et los más sabidores de tal fecho subieron a la muela et allí de es agora la plaça, de mañana en el alva, trobaron un bel toro et andava una bella estrella sobre el. Et luego que los vido el toro començo a bramar et dixeron los adalides que aquí avian buenas señales por fer la población do aquel toro tomaron senial. Et por eso fazen en la seña toro y estrella. Et aun de aquel encuentro mismo tomaron noche por la villa et tomaron del toro tres letras: t o r. Et dizen los sabidores que la estrella nombre Actuel et tomaron del nombre de la estrella otras tres letras: u e l. Et todas estas seis letras ayuntadas en uno fazen part et dizen Toruel. Et por eso pusieron tal nombre a la villa et desi comenzaron a poblar esta villa en esta muela que es dicha Toruel.

Se recuerda este mito en lo escudo de Teruel y en lo simbolo de la ciudat, lo Torico.


 
Mitolochía aragonesa
 Dioses Anayet - Arafita - Balaitús - Bébrix - Culibillas - Gabardiella - Gabardón - Hercules - Gratal - Pyrene
 Chigants Aneto - Atland - Ciclope de l'aniello - Cherión - Chenios d'as nieus - Chigant de Muyed - Chuan Ralla - Fotronero - Guara - Home granizo de Turbón - Home granizo d'a Val d'Onsella - Rondán - Silván
 Sers Basaharau - Bilbiana - Belaín - Diaple - Diaplerons - Moras - Encantaria - Ensundiero - Fada - Filadera - Folletz - Furtaperas - Hebe - Lainas - Mamés - Mariuena - Martinico - Minairons - Home choto - Home granizo - Pastor de lupos - Peinadora - Sacamantecas - Unyazas
 Bruixas y bruixons Amaría d'Arbués - Catalina Aznar - Cristineta d'Alcoleya - Devinaire - Gracia Bielsa - Gracia de Valle - Glaudonetas - Martina Gen - Maut - Pedro Arruebo - Pedro de Ysabal - Tía Casca - Tía Galga - Tía Picolla - Urganda
 Animals Babieca - Buco - Caballo - Can - Craba - Dragón - Gato - Lacuerco - Liebre - Lupo - Onso - Sirpient
 Pantasmas Abad d'Alquezra - Almetas de Roldán - Berenguer de Bellvis - Celina - Cura de Benás - Doncella de Buera - Lumbretas - Guzpatas - Pantasma d'Asba - Pantasma d'a lungara - Pantasma de Sarinyena - Pantasma de Sant Chuan d'a Penya - Pantasmas de Sopeira - Pantasma d'a villa de Sos - Prior d'Urmella
 Elementos Almetas - Aniello machico - Brinzoner - Cardincha - Durendart - Esconchurador - Espantabruixas - O Libret - Religada
 Leyendas Aimants de Teruel - Árbol de Sobrarbe - Trachinero d'Espés - Barón Artal de Mur - Barón d'Escrich - Barón d'Espés - Campana de Uesca - Campana de Viliella - Cuento d'os cheposos - Fustero de Bara - Cazataire maldito - Ferrero de Serradui - Fortún de Vizcarra - Franceset de Castanesa - Fundación de Sant Chuan d'a Penya - Galino Galinás - Marieta - Palafox - Santo Gredal - Tío Apolinar - O toro y a estrela - La soterrada viva d'Alfambra - Viellas pervivients
 Paraches Basa de la Mora - Pozo de Sant Lazaro - Turbón