Viver
- Iste articlo tracta sobre un viver que ye un prato u campo a on que i naixe augua en tierra. Ta altros usos d'o termino viver se veiga Viver (desambigación).
Un viver (de «viu», naixedor d'augua) ye un aria d'una estiva u prato, a on que l'augua freatica gosa amaneixer en a superficie y fa de naixedor ta bell rigachuelo que inicia lo suyo corso en ixe puesto. Un viver ye, por definición, un puesto con vius.
Os vivers que amaneixen en anyos de muitas plevidas en os campos de caultivo gosan producir-ie un efecto no deseyato d'embadinar-los, tot fendo-los temporal u perenement inutils ta l'agricultura. Bells campos que tienen tendencia a embadinar-se per este fenomeno pierden interés ta que se i plante caultivos de producción que podrían malmeter-se, y alavez o suyo uso gosa cambear, fendo-se millor capables ta que se i paixente o bestiar u ta producir ferraina ta os animals; quan este cambeu d'usos se fa en una finca, per a producción de feno que esta tiene se'n sole decir «fener», que no ye garra termino que segnifique exclusivament terreno de vivers, sino que ye més que més perque produz fen, que ixo ye pastura.
