Roca
Ir a la navegación
Ir a la búsqueda
En cheolochía se diz roca a un agregau natural d'un u més minerals que forman sobre la crosta terrestre una masa cartografiable.
Las rocas formadas por una especie mineral son "monomineralicas" y las formadas por unas quantas especies minerals son "composadas". Las rocas no siempre son materials duros, las rocas d'archila u arena son tovas.
En a crosta terrestre bi ha tres tipos de rocas:
- rocas magmaticas: rocas formadas por a solidificación de magma u de lava (magma esbrafau).
- rocas metamorficas: rocas formadas por alteración en estado solido de rocas ya consolidadas d'a crosta terrestre, quan quedan sozmesas a un ambient enerchetico muito diferent de l'ambient d'a formación suya.
- rocas sedimentarias: rocas formadas por a consolidación de sedimentos, materials procedents d'a erosión de rocas anteriors, u de precipitación a partir d'una disolución.
Las rocas son sozmesas a continos cambios por as accions d'os achents cheolochicos, seguntes un ciclo zarrau (o ciclo d'as rocas), tamién dito ciclo petrochenetico, en o qualo intervienen mesmo os sers vivos.