Fener

De Biquipedia
Ir ta: navego, busca
Un tractor en un fener u fenal.

Un fener, fenero u fenal ye una extensión d'a on se quita feno, ya sia sembrau voluntariament u porque se tracta d'un prau a on que se fa pasturar os ganaus y que produz más hierba d'a que os animals pueden consumir en a temporada.

Por extensión, puede dicir-se-le feners u fenals tamién a las extensions sin arbolau pero que son poco productivas ta l'agricultura (p. ex. por embadinar-se a sobén), a on que tradicionalment s'haiga feito pasturar os ganaus.[1][2]

O feno ye o elemento principal en l'alimentación d'o ganau domestico en as epocas que no puede sacar-se a pasturar en libertat, como por exemplo en hibierno quan nieva y a nieu fa más difícil que os animals puedan adubir a on ye la hierba. Con iste proposito, en l'Alto Aragón o feno s'ha almagazenau historicament en pallers y hierbers en grans cantidatz, y de as suyas existencias dependeba en buena mesura a supervivencia de a cabanya domestica de cada casa, mas que mas en as epocas de carestía hibernal.

Se veiga tamién[editar | editar código]

Referencias[editar | editar código]

  1. (es) BLAS GABARDA, Fernando y ROMANOS HERNANDO, Fernando (2008), Diccionario Aragonés: Chistabín-Castellano; Gara d'Edizions. Zaragoza. ISBN 978-84-8094-061-0
  2. (es) MOTT, Brian L. (2000). Diccionario etimológico chistabino-castellano castellano-chistabino. Institución «Fernando el Católico». Zaragoza. ISBN 84-7820-553-5