Lacos de Titán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os lacos e as mars de Titán son extensions d'hidrocarburs liquidos.

Observación

Hipotesi

A posibilidat de mars de metano liquido en Titán se sucherió a primera vegata sobre a base d'os datos transmititos per as sondas Voyager en 1980 e 1981, que amostroron que o satelite poseye una atmosfera espesa con a temperatura e a composición correcta que permiten a suya existencia. A primera preba directa s'obtenió en 1995, aprés atras observacions dende a Tierra se ye sucherita igualment. siga en traza de bolsas aislatas, siga chus a traza d'un oceano que recubre tota la luna.^[2]

Descubrimiento

Durando a suya exploración d'o sistema de Saturno, a sonda Cassini confirmó a presencia de lacos d'hidrocarburs separtatos, encara que no immediatament. A la suya arribata en 2004, s'asperaba detectar tals lacos gracias a la reflexión d'a luz d'o Sol en a suya superficie, pero garra reflexión especular no s'alufró inicialment.^[3]

A rechira s'orientó enta os polos de Titán, aon ye posible que lacos d'etano e de metano liquidos puedan existir a embute de traza estable.^[4] En o polo sud, una zona ubaga dita Ontario Lacus se convirtió en o primer laco potencial identificato, probablement creato per as boiras alufratas en a rechión.^[5] Una costa posible ye igualment identificata en o polo per imáchens de radar. O 22 de chunio de 2006, aprés una sobrevolata durando que a Cassini mapió con radar as latituz nord de Titán, bel numero de napas lisas (e por tanto ubagas en o radar) ixarpan a superficie d'o satelite amán d'o polo.^[6] Sobre a base d'istas observacions, a existencia cuasi segura de lacos de metano s'anunció oficialment en chinero de 2007.^[4]^[7] L'equipo d'a misión Cassini-Huygens concluyoron que muit segurament istas caracteristicas corresponden a las d'os lacos d'hidrocarburs, a primeras extensions liquidass estables difuera d'a Tierra. Belunas semblan poseyer-ne de canals asociatos e se sitúan adintro d'as depresions topograficas.^[4]

Observacions ulteriors

Aprés a sobrevolata d'a Cassini en febrero de 2008, as observacions (con radar e con luz veyible) revelan numerosas zonas en a rechión polar nord que pueden estar grans extensions de metano u d'etano liquidos, incluyito un laco de mes de 100 000 km² cuadratos (mes gran que o laco Superior) e una mar potencialment tan gran como a mar Caspia.^[8] Una sobrevolata d'a rechión polar sud en octubre de 2007 reveló unas zonas parixitas, que semblan lacos, pero mes chicotas.^[9]

Durando una sobrevolata amanata en aviento de 2007, l'Ontario Lacus s'alufró en a rechión polar sud e diferents constituyents se i son identificatos. Sobre as bases d'istas observacions, se ye deducito que a lo menos un d'os grans lacos de Titán en contién verdaderament de liquido, que se tracta d'hidrocarburs e que a presencia d'etano se ye confirmata.^[10]^[11]

Os descubrimientos en os polos contrastan con as d'a sonda Huygens, que aterrizó amán de l'ecuador de Titán o 14 de chinero de 2005. As imáchens presas per a sonda durando lo suyo descenso no meten en evidencia garra extensión liquida pero indican manimenos que liquidos ciertament son estaus presents en un pasato recient, amostrando-ne de tozals baixos corritos per canals de drenache fosco menando enta una gran rechión fosca e plana. Inicialment, ista rechión s'interpreta como un laco d'una substancia fluyida u espesa, pero a partir d'agora ye cierto que Huygens aterrizó en l'interior d'ista plana e que ye solida, composata d'arena de granos de chelo.^[12] As imáchens transmititas per a sonda dende lo suelo amuestran una planura plana cubierta per cantals arredonditos, o que poderba indicar l'acción de fluidos.^[13]

A estabilidat a luengo termino d'os lacos encara debe alufrar-se. Modelos d'oscilacions d'a circulación atmosferica de Titán suchier que en o curso d'una anyada saturniana, os liquidos son transportatos dende a rechión ecuatorial dica o polo aon cayen en traza de plevia. Isto poderba explanicar a relativa sequera de l'ecuador.^[14]

Livel d'a mar

Un estudio apareixito en 2018 amuestra que os lacos mes grans de Titán estarban a o mesmo livel, seguindo un mesmo cheopotencial e formando por tanto un "livel d'a mar" como sobre a Tierra. Os lacos mes chicoz son cheneralment en altarias mes elevatas.

Lacos e mars nombratos

Se creye que as caracteristicas ditas lacus son lacos d'etano u metano, mientres se creye que as caracteristicas ditas lacuna son gleras de lacos xutos. Entramos se nombran a partir de lacos terrestres.^[15] As caracteristicas ditas sinus son bahías aíntro d'un cuerpo liquido. Se nombran a partir de bahías e fiordos terrestres. As caracteristica ditas insula son islas aíntro d'una masa de liquido. Se nombran a partir d'islas miticas, os maria titanios (grans mars d'hidrocarburs) se nombran a partir de monstruos d'a mitolochía mundial.^[15]

Nombre d'as mars de Titán

Nombre	Coordinatas	Longaria (km)^[16]	Aria (km²)	Fuent d'o nombre
Kraken Mare	68,0°N 310,0°U	1 170	ca. 400 000	O Kraken, monstruo marín nordico.
Ligeia Mare	79,0°N 248,0°U	500	126 000	Licheya, una d'as Sirenas, monstruos griegos.
Punga Mare	85,1°N 339,7°U	380		Punga, antipasato maorí d'os tiburons y engardaixos.

Nombres d'os lacos de Titán

Nombre	Coordinatas	Longaria (km)^[16]	Fuent d'o nombre
Abaya Lacus	73,17ºN 45,55ºU	65	Laco Abaya, Etiopía
Albano Lacus	65,9ºN 236,4ºU	6,2	Laco Albano, Italia
Atitlán Lacus	69,3ºN 238,8ºU	13,7	Laco d'Atitlán, Guatemala
Bolsena Lacus	75,75ºN 10,28ºU	101	Laco de Bolsena, Italia
Cardiel Lacus	70,2ºN 206,5ºU	22	Laco Cardiel, Archentina
Cayuga Lacus	69,8ºN 230,0ºU	22,7	Laco Cayuga, Estaus Unius
Crveno Lacus	79,6ºS 184,9ºU	41,0	Laco Royo, Croacia
Feia Lacus	73,7ºN 64,41ºU	47	Lagoa Feia, Brasil
Freeman Lacus	73,6ºN 211,1ºU	26	Laco Freeman, Estaus Unius
Hammar Lacus	48,6ºN 308,29ºU	200	Laco Hammar, Iraq
Jingpo Lacus	73,0ºN 336,0ºU	240	Laco Jingpo, China
Junín Lacus	66,9ºN 236,9ºU	6,3	Laco Junín, Perú
Kayangan Lacus	86,3ºS 236,9ºU	6,2	Laco Kayangan, Filipinas
Kivu Lacus	87,0ºN 121,0ºU	77,5	Laco Kivu, on the border of Rwanda and the Democratic Republic of the Congo
Koitere Lacus	79,4ºN 36,14ºU	68	Koitere, Finlandia
Ladoga Lacus	74,8ºN 26,1ºU	110	Laco Ladoga, Rusia
Lanao Lacus	71,0ºN 217,7ºU	34,5	Laco Lánao, Filipinas
Logtak Lacus	70,8ºN 124,1ºU	14,3	Laco Loktak, India
Mackay Lacus	78,32ºN 97,53ºU	180	Laco Mackay, Australia
Müggel Lacus	84,44ºN 203,5ºU	170	Müggelsee, Alemanya
Mývatn Lacus	78,19ºN 135,28ºU	55	Mývatn, Islandia
Neagh Lacus	81,11ºN 32,16ºU	98	Laco Neagh, Irlanda d'o Norte
Ohrid Lacus	71,8ºN 221,9ºU	17,3	Laco d'Ohrid, en a muga d'a Macedonya d'o Norte y Albania
Oneida Lacus	76,14ºN 131,83ºU	51	Laco Oneida, Estaus Unius
Ontario Lacus	72,0ºS 183,0ºU	235	Laco Ontario, en a muga entre Canadá y Estaus Unius.
Sevan Lacus	69,7ºN 125,6ºU	46,9	Laco Sevan, Armenia
Shoji Lacus	79,7ºS 166,4ºU	5,8	Laco Shoji, Chapón
Sionascaig Lacus	41,52ºS 278,12ºU	143,2	Laco Sionascaig, Escocia
Sotonera Lacus	76,75ºN 17,49ºU	63	Entibo d'a Sotonera, Espanya
Sparrow Lacus	84,3N 64,7ºU	81,4	Laco Sparrow, Canadá
Towada Lacus	71,4ºN 244,2ºU	24	Laco Towada, Chapón
Tsomgo Lacus	86,4ºS 162,4ºU	59	Laco Tsomgo, India
Urmia Lacus	39,27ºS 276,55ºU	28,6	Laco Urmía, Irán
Uvs Lacus	69,6ºN 245,7ºU	26,9	Laco Uvs, Mongolia
Vänern Lacus	70,4ºN 223,1ºU	43,9	Laco Vänern, Suecia
Waikare Lacus	81,6ºN 126,0ºU	52,5	Laco Waikare, Nueva Zelanda

Nombres de gleras de Titán

Nombre	Coordinatas	Longaria (km)^[16]	Fuent d'o nombre
Atacama Lacuna	62,8ºN 227,6ºU	35,9	Disierto d'Atacama e salars asociatos
Eyre Lacuna	72,6ºN 225,1ºU	25,4	Laco Eyre, Australia
Jerid Lacuna	66,7ºN 221ºU	42,6	Chott el Djerid, Tunicia
Kutch Lacuna	88,4ºN 217ºU	175	Rann de Kutch, entre India e Pakistán
Melrhir Lacuna	64,9ºN 212,6ºU	23	Chott Melrhir, Alcheria
Nakuru Lacuna	65,81ºN 94ºU	188	Laco Nakuru, Kenya
Ngami Lacuna	66,7ºN 213,9ºU	37,2	Laco Ngami, Botsuana
Racetrack Lacuna	66,1ºN 224,9ºU	9,9	Racetrack Playa, Estaus Unius
Uyuni Lacuna	66,3ºN 228,4ºU	27	Salar d'Uyuni, Bolivia
Woytchugga Lacuna	68,88ºN 109ºU	449	Laco Woytchugga, Australia
Veliko Lacuna	76,8ºS 33,1ºU	93	Laco Veliko, Bosnia y Herzegovina

Nombres de bahías de Titán

Nombre	Coordinatas	Cuerpo liquido	Longaria (km)^[16]	Fuent d'o nombre
Arnar Sinus	72,6ºN 322ºU	Kraken Mare	101	Arnar, fiordo d'Islandia
Flensborg Sinus	64,9ºN 295,3ºU	Kraken Mare	115	Flensburgo, fiordo entre Dinamarca e Alemanya
Gabes Sinus	67,6ºN 289,6ºU	Kraken Mare	147	Gabes, u Chicota Sirte, una bahía de Tunisia
Kumbaru Sinus	72,6ºN 322ºU	Kraken Mare	122	Bahía d'a India
Moray Sinus	76,6ºN 281,4ºU	Kraken Mare	204	Fiordo Moray d'Escocia
Nicoya Sinus	74,8ºN 251,2ºU}	Ligeia Mare	130	Golfo de Nicoya en Costa Rica
Okahu Sinus	73,7ºN 282ºU	Kraken Mare	141	Bahía Okahu amán d'Auckland, Nueva Zelanda
Patos Sinus	77,2ºN 224,8ºU	Ligeia Mare	103	Patos, fiordo de Chile
Puget Sinus	82,4ºN 241,1ºU	Ligeia Mare	93	Estreito de Puget en Washington, Estaus Unius
Rombaken Sinus	75,3ºN 232,9ºU	Ligeia Mare	92,5	Rombaken, fiordo de Noruega
Skelton Sinus	76,8ºN 314,9ºU	Kraken Mare	73	Glaciar Skelton amán d'a Mar de Ross, Antarctida
Trold Sinus	71,3ºN 292,7ºU	Kraken Mare	118	Formación d'o Fiordo Trold en Nunavut, Canadá
Tunu Sinus	79,2ºN 299,8ºU	Kraken Mare	134	Tunu, fiordo de Groenlandia
Wakasa Sinus	80,7ºN 270ºU	Ligeia Mare	146	Bahía de Chapón
Walvis Sinus	58,2ºN 324,1ºU	Kraken Mare	253	Walvis Bay en Namibia

Nombres d'islas de Titán

Nombre	Coordinatas	Cuerpo liquido	Fuent d'o nombre
Bermoothes Insula	67,1ºN 317,1ºU	Kraken Mare	Bermoothes, una isla incantata en The Tempest de Shakespeare.
Bimini Insula	73,3ºN 305,4ºU	Kraken Mare	Bimini, isla que se'n diz en una lienda arawakana que contién a fuent d'a choventut.
Bralgu Insula	76,2ºN 251,5ºU	Ligeia Mare	Baralku, en a cultura Yolngu, ye a isla d'os muertos e o puesto que os Djanggawul, os tres chirmans creadors, se bi orichinoron.
Buyan Insula	77,3ºN 245,1ºU	Ligeia Mare	Buyan, una isla rocosa en os cuentos populars rusos sita en a illera meridional d'a Mar Baltica.
Hufaidh Insulae	67ºN 320,3ºU	Kraken Mare	Hufaidh, isla lechendaria en as marismas d'o sud d'Iraq
Krocylea Insulae	69,1ºN 302,4ºU	Kraken Mare	Crocilea, isla mitolochica griega en a Mar Chonica, amán d'Itaca
Mayda Insula	79,1ºN 312,2ºU	Kraken Mare	Mayda, isla lechendaria en o nord-este de l'Atlantico
Penglai Insula	72,2ºN 308,7ºU	Kraken Mare	Penglai, isla montanyosa mitolochica chinesa que os immortals e dioses i viviban.
Planctae Insulae	77,5ºN 251,3ºU	Ligeia Mare	Simplegades, as "rocas tambonaderas" en Basofre, que se'n diz que només que l'Argo las esnavesó con exito.
Royllo Insula	38,3ºN 297,2ºU	Kraken Mare	Royllo, isla lechendaria en l'Atlantico amán d'Antillia e Sant Brandán.

Galería d'imáchens

Mapas d'as rechions polars basatas en imáchens d'a Cassini amostrando lacos e mars d'hidrocarburs. As masas d'hidrocarburs se perfilan en royo; as linias azurs indican una masa que apareixió durando l'intervalo 2004-2006.
Mosaico en colors falsas d'alta resolución d'o radar d'ubridura sintetica d'a Cassini d'a rechión polar norte, amostrando mars, lacos e un rete d'afluents d'hidrocarburs. A coloración azur indica arias de baixa reflectivitat, causata per masas d'etano, metano e nitrocheno^[17] Arredol d'a mitat d'o Kraken Mare, a mayor masa abaixo a la ezquierda, ye difuera d'a imachen. Ligeia Mare ye a mayor masa abaixo a la dreita. Punga Mare ye chusto a la ezquierda d'o centro. Jingpo Lacus ye chusto sobre o Kraken Mare e o Bolsena Lacus dreitament sobre él.
Envista d'a Cassini d'as mars e d'os lacos polars norte en o cuasi infrarroyo. Ligeia Mare ye entalto; Punga Mare ye chus él e Kraken Mare ye a la suya dreita abaixo.
Entre chulio de 2004 e chunio de 2005, nuevas caracteristicas foscas apareixioron en Arrakis Planitia, una plana baixa en a rechión polar sud de Titán. Istas s'interpretan como nuevas masas d'hidrocarburs liquidos resultant d'a precipitación d'as boiras alufratas en l'aria en octubre de 2004.
Os lacos polars norte de Titán pareixen haber estau estables per a o menos una estación titania (sies anyadas terrestres).
Envista de Titán en color natural visible amán d'o infrarroyo amostrando os suyos mars e lacos polars entalto a la ezquierda.

Referencias

↑ Coustenis, A.; Taylor, F. W. (21 de chulio de 2008). Titan: Exploring an Earthlike World. World Scientific. pp. 154–155. ISBN 978-981-281-161-5. OCLC 144226016. Consultato lo 29 d'aviento de 2009.
↑ Dermott, S. F.; Sagan, C., « Tidal effects of disconnected hydrocarbon seas on Titan », Nature, vol. 374,‎ {{{2}}}, p. 238-240.
↑ H. Bortman, «Titan: Where's the Wet Stuff?» [archivo], Astrobiology Magazine, 2 de noviembre de 2004 (consultato o 18 de febrero de 2009)
1 2 3 E.R Stofan, C. Elachi, et al., «The lakes of Titan», Nature, vol. 445, no 1.
↑ Emily Lakdawalla, « Dark Spot Near the South Pole: A Candidate Lake on Titan? » [archivo], The Planetary Society, 28 de chunio de 2005 (consultato lo 18 de febrero de 2009).
↑ «PIA08630: Lakes on Titan» [archivo], NASA/JPL - NASA Planetary Photojournal (consultato lo 18 de febrero de 2009).
↑ «Titan Has Liquid Lakes, Scientists Report in Nature» [archivo], NASA/JPL, 3 de chinero de 2007 (consultato lo 18 febrero de 2009).
↑ «Cassini Spacecraft Images Seas on Saturn's Moon Titan» [archivo], NASA, o 13 de marzo de 2007 (consultato lo 18 febrero de 2009).
↑ E. Lakdawalla, «News flash: Lakes at Titan's south pole, too, on top of the land of lakes in the north» [archivo], The Planetary Society, l'11 d'octubre de 2007 (consultato lo 18 de febrero de 2009).
↑ «NASA Confirms Liquid Lake on Saturn Moon», NASA, 30 de chulio de 2008 (consultato lo 18 de febrero de 2009).
↑ A. Hadhazy, «Scientists Confirm Liquid Lake, Beach on Saturn's Moon Titan», Scientific American, 30 de chulio de 2008 (consultato lo 18 de febrero de 2009).
↑ «Titan probe's pebble 'bash-down'», BBC News, 10 d'abril de 2005 (consultato lo 18 febrero de 2009).
↑ E. Lakdawalla, «New Images from the Huygens Probe: Shorelines and Channels, But an Apparently Dry Surface», The Planetary Society, 15 de chinero de 2005 (consultato lo 28 de marzo de 2005).
↑ «Tropical Titan», astrobio.net, 7 d'octubre de 2007 (consulté le 28 mars 2005).
1 2 "Titan". Pachina de nomenclatura d'a USGS. USGS. Consultato lo 29 d'aviento de 2013.
1 2 3 4 O sitio USGS da la grandaria como "diametro", pero ye en realidat l'amplaria d'a dimensión mes ampla.
↑ Coustenis, A.; Taylor, F. W. (21 de chulio de 2008). Titan: Exploring an Earthlike World. World Scientific. pp. 154–155. ISBN 978-981-281-161-5. OCLC 144226016. Consultato lo 29 d'aviento de 2009.

Datos: Q1925406

[Coustenis-1] Coustenis, A.; Taylor, F. W. (21 de chulio de 2008). Titan: Exploring an Earthlike World. World Scientific. pp. 154–155. ISBN 978-981-281-161-5. OCLC 144226016. Consultato lo 29 d'aviento de 2009.

[2] Dermott, S. F.; Sagan, C., « Tidal effects of disconnected hydrocarbon seas on Titan », Nature, vol. 374,‎ {{{2}}}, p. 238-240.

[3] H. Bortman, «Titan: Where's the Wet Stuff?» [archivo], Astrobiology Magazine, 2 de noviembre de 2004 (consultato o 18 de febrero de 2009)

[ReferenceA-4] 1 2 3 E.R Stofan, C. Elachi, et al., «The lakes of Titan», Nature, vol. 445, no 1.

[5] Emily Lakdawalla, « Dark Spot Near the South Pole: A Candidate Lake on Titan? » [archivo], The Planetary Society, 28 de chunio de 2005 (consultato lo 18 de febrero de 2009).

[6] «PIA08630: Lakes on Titan» [archivo], NASA/JPL - NASA Planetary Photojournal (consultato lo 18 de febrero de 2009).

[7] «Titan Has Liquid Lakes, Scientists Report in Nature» [archivo], NASA/JPL, 3 de chinero de 2007 (consultato lo 18 febrero de 2009).

[8] «Cassini Spacecraft Images Seas on Saturn's Moon Titan» [archivo], NASA, o 13 de marzo de 2007 (consultato lo 18 febrero de 2009).

[9] E. Lakdawalla, «News flash: Lakes at Titan's south pole, too, on top of the land of lakes in the north» [archivo], The Planetary Society, l'11 d'octubre de 2007 (consultato lo 18 de febrero de 2009).

[10] «NASA Confirms Liquid Lake on Saturn Moon», NASA, 30 de chulio de 2008 (consultato lo 18 de febrero de 2009).

[11] A. Hadhazy, «Scientists Confirm Liquid Lake, Beach on Saturn's Moon Titan», Scientific American, 30 de chulio de 2008 (consultato lo 18 de febrero de 2009).

[12] «Titan probe's pebble 'bash-down'», BBC News, 10 d'abril de 2005 (consultato lo 18 febrero de 2009).

[13] E. Lakdawalla, «New Images from the Huygens Probe: Shorelines and Channels, But an Apparently Dry Surface», The Planetary Society, 15 de chinero de 2005 (consultato lo 28 de marzo de 2005).

[14] «Tropical Titan», astrobio.net, 7 d'octubre de 2007 (consulté le 28 mars 2005).

[USGS-15] 1 2 "Titan". Pachina de nomenclatura d'a USGS. USGS. Consultato lo 29 d'aviento de 2013.

[diametro-16] 1 2 3 4 O sitio USGS da la grandaria como "diametro", pero ye en realidat l'amplaria d'a dimensión mes ampla.

[17] Coustenis, A.; Taylor, F. W. (21 de chulio de 2008). Titan: Exploring an Earthlike World. World Scientific. pp. 154–155. ISBN 978-981-281-161-5. OCLC 144226016. Consultato lo 29 d'aviento de 2009.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]