Genetta genetta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Genetta genetta
Una chineta en o zoolochico de Wroclaw.
Denominacions populars
Chineta, Cheneta
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Mammalia
Subclase:	Theria
Orden:	Carnivora
Suborden:	Feliformia
Familia:	Viverridae
Subfamilia:	Viverrinae
Chenero:	Genetta
Especie:	G. genetta
Descripción
Genetta genetta Linné, 1758
Distribución cheografica
En verde as poblacions autoctonas, en royo as poblacions introdueitas, en negro poblacions introdueitas ya desapareixitas.

A chineta (Genetta genetta en clasificación cientifica (Linné, 1758)) ye una especie de mamifero d'a orden d'os Carnivora y d'a familia Viverridae que se distribuye por buena part d'Africa y en part d'a peninsula arabica, considerando-se introdueito en a peninsula iberica, resta d'Europa sudoccidental y Balears. Antesmás consideraban adintro d'a especie Genetta Genetta només que as poblacions autoctonas de Berbería y as introdueitas en Europa y Balears, pero actualment bi ha tendencia a considerar adintro d'una sola especie tamién as poblacions subsaharianas d'especies de chinetas que antes consideraban d'atras especies y d'Arabia. As 30 subespecies descritas no tienen una valideza segura.

Zoonimia

En aragonés o zoonimo predominant pa esta especie ye cheneta u chineta, d'alcuerdo con a fonetica aragonesa y as que cabrían esperar en comparanza a las luengas vicinas. En a "Gran Enciclopedia Aragonesa" mencionan a forma tremostela propia de l'aragonés grausín, pero ye una probable error porque Rafael Vidaller Tricas troba tremostela y tremustela como denominacions d'a paniquesa Mustela nivalis en aragonés baixorribagorzán, y tremostela se relaciona etimolochicament con a traza de dicir "paniquesa" en latín, catalán y parlas aragonesas mugants con o catalán.

Orichen d'as poblacions introdueitas en Europa

Existe a creyencia que fue introdueita dende Africa en o periodo d'Al-Andalus (Edat Meya musulmana), por os arabes y berbers, dende on s'ixemenaría dica as compleganzas d'o Roine y a Loira. Manimenos bi ha habito un trafico maritimo intenso dende muito antes como pa considerar a introducción muito anterior. En o chacimiento arqueolochico de La Grotte de Las Morts (Montsegur) han trobato una mandibula de chineta calendata en a Edat de Bronze. Os romanos teneban chinetas como mascotas en as suyas casas antes que os gatos domesticos fuesen introdueitos dende Echipto. Ye posible que fuese introdueita en as Islas Balears en tiempos d'os romanos, bi ha constancia que en tiempos de César Augusto fue introdueito un misterioso animal dito ictis pa combatir una plaga de conillos.

Bibliografía

• (es) Oscar Arribas. Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9

Vinclos externos

• Se veigan as imáchens de Commons sobre Genetta genetta.
• Wikispecies tiene un articlo sobre Genetta genetta.