Río Loira

Iste articlo ye sobre o río Loira; ta atros usos, se veiga Loira (desambigación).

Loira Léger - Liger - Loire
Puent sobre o río Loira, en Blois.
Administración
Estaus	Francia
Territorios	Occitania Francia Bretanya
Cheografía
Longaria	1.013 km
Altaria d'o naixedero	1.408 m
Naixedero	Macizo Central
Desembocadura	Golfo de Bizcaya
Hidrolochía
Superficie d'a cuenca	117.000 km²
Cabal meyano	850 m³/s
Mapa
O curso d'o río Loira.

O río Loira (en occitán Léger, en bretón Liger y en francés Loire ) ye un río que tien o suyo naixedero en o Macizo Central, en Occitania, a 1.408 metros d'altaria sobre o livel d'a mar, ta dimpués dentrar en o suyo camín enta o norte en territorio francés y dirichir-se dimpués enta l'ueste, dica a suya desembocadura en o golfo de Bizcaya (Oceano Atlantico) en territorio de Bretanya. Con una longaria de 1.408 km, drena una cuenca hidrolochica d'una superficie de 117.000 km² con un cabal meyano de 850 m³/s.

Mientres o suyo recorrito, trescruza importants ciudaz, como Orléans, Tours, Angers, Naoned u Saint-Nazaire (en ista zaguera se troba a suya desembocadura). Trescruza y da o suyo nombre a seis departamentos de Francia: Loira, Alta Loira, Loira Atlantica, Indre y Loira, Maine y Loira y Saona y Loira. Os suyos principals afluents son o río Alier, o río Char, o río Indre, o río Vinhana o o río Sèvre Nantaise.

A val d'o Loira (en o suyo trampo central) fue declarata por a UNESCO como Patrimonio d'a Humanidat, y se caracteriza por as suyas vinyas y tamién por os suyos castiellos, os conoixitos como castiellos d'o Loira.

Galería d'imáchens