Ermita de Sant Bertolomeu de Gavín

Ermita de Sant Bertolomeu de Gavín
Anvista d'a ermita de Sant Bertolomeu de Gavín
Situación cheografica
Estau	Espanya
País	Aragón
Comarca	Alto Galligo
Situación	Gavín (Biescas)
Adreza	22630 Gavín (Biescas)
Coordenatas
Archidiocesi
Diocesi	Chaca
Arcipestrau	Biescas
Información cheneral
Advocación	Sant Bertolomeu
Culto	Catolico
Orden
Rector
Vicario parroquial
2.º Vicario parroquial
Mosen
Propietario	Ilesia Catolica
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Ermita
Estilo	Romanico u mozarabe
Función
Catalogación	Bien d'Intrés Cultural
Materials	Piedra picada
Construcción
Construcción	Sieglo X u sieglo XI
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ermita de Sant Bertolomeu de Gavín Ermita de Sant Bertolomeu de Gavín en Aragón

A ermita de Sant Bertolomeu de Gavín ye una ermita aragonesa en o lugar de Gavín, perteneixent a lo termin municipal de Biescas, en a comarca de l'Alto Galligo y provincia de Uesca. Dende lo punto d'a vista d'a suya adscripción administrativa en a Ilesia Catolica, fa parte de l'arcipestrau de Biescas en a diocesi de Chaca y de l'archidiocesi de Pamplona y Tudela.

L'actual ermita posiblement estió la ilesia parroquial de bel lugar hue despoblau y desapareixiu, pero ixo no ye so que una hipotesi no confirmada encara.

Se tracta d'un edificio construyiu en os sieglos X u XI en piedra picada y que bels estudiosos califican como romanico y bels atros como mozarabe. Fa parte d'un grupo d'ilesias conoixiu como "ilesias de Sarrablo" y que poseyen bellas caracteristicas arquitectonicas comuns, amás de situar-se en o Sarrablo: absencia d'elementos decorativos exteriors, poseyer nomás que una sola nau que remata en un abside semicircular, etc. Fácil que se tracte d'a mas antiga d'as ilesias que fan parte d'iste grupo.

D'a ilesia orichinal, que se trobaba en runas, nomás se conserva que la suya torre y parte d'un muro, estando asinas la mayor parte d'a ermita una reconstrucción moderna con partecipación de l'Asociación Amigos de Serrablo, feita a partir d'a planta orichinal de l'edificio.

Descripción

Se tracta d'un edificio formau por nomás que una sola nau con un testero recto y con una torre adosada en a suya frontera sud, accedendo-se a ista torre a traviés d'un acceso abovedau con puerta en arco de ferradura, posible influyencia de l'arte visigodo u de l'arte islamico, que gosaban emplegar iste elemento arquitectonico. Tanimientres, la torre se mantiene con acceso independient d'a nau d'a ermita.

A torre adosada poseye dos trampos clarament diferenciaus, fácil que perteneixents a diferents momentos constructivos. O primero d'istos trampos, dica dos terzs d'a suya altaria total, se troba decorau por rosetas arrodiadas por molduras en formando rectanglos. O trampo superior, clarament diferenciau por a color d'a piedra y por o suyo tamanyo, poseye dos finestras deseparadas por columnas que rematan en tres arcos de ferradura. A parte final d'a torre ye decorada con un arrimadiello de baquetas. Orichinalment fácil que la torre estase cubierta con un tellau en fusta en cuentas de l'actual tellau a cuatre auguas.

Protección

Dende l'anyo 2004 ye protechida legalment con a suya declaración como Bien d'Intrés Cultural.

Vinclos externos

• Se veigan as imáchens de Commons sobre a ermita de Sant Bertolomeu de Gavín.
• (es) Ermita de Sant Bertolomeu de Gavín en www.RomanicoAragones.com.
• (es) GAVÏN. Iglesia de San Bartolomé en Románico digital.
• (es) Iglesia de San Bartolomé de Gavín en a web d'o Sistema de Información del Patrimonio Cultural Aragonés.