Zoolochía

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Zoolochía (d'o griego zoon = animal y logos = estudio) ye a disciplina biolochica que s'encarga d'o estudio d'os animals.

Brancas d'a zoolochía[editar | modificar o codigo]

Acarolochía, o estudio scientifico d'os acaros: caparras, ecetra.
Antrozoolochía, o estudio d'a interacción entre humans y animals.
Apiolochía, o estudio scientifico d'as apellas.
Aracnolochía, o estudio scientifico d'os aracnidos: arainas, escurpions, ecetra. (O d'os acaros en especifico ye dito acarolochía).
Criptozoolochía, a rechirata d'animals a existencia d'os quals ye hipotetica.
Entomolochía, o estudio scientifico d'os insectos.
Erpetolochía, o estudio scientifico de reptils y amfibios.
Etolochía, o estudio scientifico d'o comportamiento animal.
Ictiolochía, o estudio scientifico d'os peixes.
Mamalochía (tamién mastolochía u teriolochía), o estudio d'os mamiferos.
Mirmecolochía, o estudio scientifico d'as fornicas.
Neuroetolochía, o estudio d'os mecanismos neuronals d'o comportamiento natural.
Ornitolochía, o estudio scientifico d'os paixaros.
Paleozoolochía, o estudio paleontolochico d'os fósils y restos d'animals.
Primatolochía, o estudio scientifico d'os primates no humans.
Zetolochía, o estudio scientifico d'os cetacios: ballenas, delfins, ecetra.