Romanico aragonés

De Biquipedia
Ir ta: navego, busca
A ilesia de Sant Visorio, en Sant Vicient d'A Buerda, Sobrarbe. Un eixemplo d'estilo romanico aragonés, construida en o sieglo XII.

l'Arte romanico aragonés ye a forma artistica que, dintro d'o Primer Romanico, se troba en os territorios d'Aragón, Sobrarbe, Ribagorza y bellas partes de Navarra. Iste estilo sobrevivió dica o sieglo XII estando privativo d'as vals pirenencas aragonesas dimpués d'a suya estinción en a resta d'o territorio.

Ista variedat cheografica d'o romanico más antigo que bi s'esembolicó en Aragón estió prou influenciada por l'arte lombard que s'ha feto decir por bellos autors estilo lombard-aragonés. No ye, encara que ixo faiga pensar o suyo nombre, una variedat tan diferenciada d'o romanico catalán como ta que os dos se categoricen deseparaus. A clasificación d'os dos estilos obedeixe unicament a un criterio cheografico.

O primer romanico que se troba en Aragón cumple en quasi todas as suyas manifestacions as caracteristicas d'o Primer Romanico cheneral, y presenta, sin de guaires excepcions:

  • Cabeceras de semitambor, adornadas con arquetz y bandas ("bandas lombardas") ritmicament disposadas.
  • Tansa u inesistent feguración escultorica.
A Ilesia de San Per de Larrede, una d'as más destacables ilesias d'o Grupo d'ilesias de Sarrablo.

A dintro d'o romanico aragonés, se troban qualques d'os más destacables monimentos de l'Alta Edat Meya en Aragón, como os monesterios de Sant Veturián d'Asán u Sant Chuan d'a Penya. Tamién son emponderables, antiparte d'os muitos eixemplos repartius por a cheografía d'a Chacetania, Galliguera Alta, Sobrarbe, Ribagorza, Semontano y Plana de Uesca, as ilesias singulars de Sarrablo, conoixitas como Grupo d'ilesias de Sarrablo, con as suyas trazas arquitectonicas, d'a zaguer quartalada d'o sieglo XI, se consideran hue unicas en o suyo estilo.

Vinclos externos[editar | editar código]