Columna (arquitectura)
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo ye sobre a columna como elemento arquitectonico; ta atros usos, se veiga columna.
En Arquitectura, una columna ye un elemento arquitectonico situato verticalment y de forma alongata quala función ye la de sostener o peso d'a estructura d'un edificio, encara que gosa emplegar-se tamién con finalidatz decorativas. A suya sección gosa estar circular, quan ye quadrata u rectangular gosa decir-se pilar. A columna puet estar u bien adosata a una paret (alavez se diz que ye una columna adosata) u bien estar-ne deseparata (alavez se'n diz que ye una columna exenta); tamién puet estar parcialment imbricata en l'edificio, estando asinas una traza especial d'una columna adosata. En fan parte tres elementos diferents: a basa u alazet sobre o qualo se devanta, o fuste u cuerpo central d'a columna, y o chapitel, que ye o elemento que se troba dencima d'a columna en a suya unión con a estructura de l'edificio.
Trazas de columnas[editar | modificar o codigo]
Por a suya posición respective d'a paret de l'edificio[editar | modificar o codigo]
- Columna adosata: se troba unita a la paret.
- Columna exenta: se troba deseparata d'a paret.
- Columna embebita: se troba parcialment unita a la paret.
Seguntes os ordens clasicos[editar | modificar o codigo]
- Columna dorica u d'orden dorico: no emplega basa y o fuste ye circular y curto.
- Columna chonica u d'orden chonico: emplega basa, con fuste circular con cambeos de diametro con finalidatz relacionata con a perspectiva.
- Columna corintia u d'orden corintio: emplega basa compuesta con molduras, con fuste circular y cambeos de diametro en a columna.
- Columna toscana u d'orden toscano: ye una simplificación d'o orden dorico muit estendillata mientres o Renaiximiento.
- Columna compuesta u d'orden compuesto: ye quasi identico a l'orden corintio, encara que a suya basa emplega más molduras.
Seguntes a traza d'o suyo fuste[editar | modificar o codigo]
- Columna lisa, sin d'elementos decorativos particulars.
- Columna estriata u acanalata, quan a columna presenta ixos elementos decorativos.
- Columna fasciculata, quan se replegan quantos fustes que arquitectonicament en son uno de solo.
- Columna agrupata, que gosa emplegar-se en l'arquitectura gotica: tien quantos fustes encara que nomás una base y un chapitel.
- Columna salomonica, que gosa emplegar-se en l'arte barroco: o suyo fuste tien una torsión en forma d'espiral.
Columna conmemorativa[editar | modificar o codigo]
Ye una traza especial de columna que no fa parte de dengún edificio y quala finalidat ye nomás a conmemorativa d'un escaicimiento u d'una personalidat.
Galería[editar | modificar o codigo]
Columnas en Efeso.
Columnas en Karnak.
Columnas en o monte Palatino de Roma.
Nau con columnas en a Basilica de Santa María a Mayor de Roma.
Columnas en a cripta d'a seu de Lund, en Suecia.
Columnas en a ilesia de Sant Martín de Segovia (Castiella y Leyón).
Columnas en a mezquita de Cordoba (Andalucía).
Columnas en a ilesia d'a Santa Faz d'Alicant, encluyendo-ie una columna salomonica.
Columnas en o monesterio de Rueda (Ribera Baixa d'Ebro, Aragón).
Columna conmemorativa d'a batalla de Trafalgar en Trafalgar Square (Londres)
Vinclos externos[editar | modificar o codigo]
Se veigan as imáchens de Commons sobre as columnas.
