Ilesia de Sant Miguel d'Otal
| Ilesia de Sant Miguel | |
|---|---|
 A ilesia de Sant Miguel d'Otal | |
| Situación cheografica | |
| Estau | |
| País |  Aragón
|
| ' | |
| Situación | Otal (Broto, Sobrarbe) |
| Adreza | |
| Coordenatas | |
| Archidiocesi | |
| Diocesi | Chaca |
| Arcipestrau | Biescas |
| Información cheneral | |
| Advocación | Sant Miguel Arcánchel |
| Culto | Catolica |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Vesitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.r.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Ilesia |
| Estilo | Mozarabe, prerromanico u primer romanico aragonés |
| Función | |
| Catalogación | Bien d'Intrés Cultural |
| Materials | |
| Construcción | |
| Construcción | Sieglo X u XI |
| Fundador | |
| Inicio | |
| Fin | |
| Inauguración | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
A ilesia de Sant Miguel d'Otal ye una ilesia que troba situada en o despoblau pirenaico d'Otal, perteneixient a o municipio de Broto, comarca de Sobrarbe, provincia de Uesca, Aragón. Eclesiasticament fa parti d'a diocesi de Chaca y de l'arcipestrau de Biescas
Otal ye emplazau a 1465 metros d'altaria en a comarca natural conoixida como Sobrepuerto, zona altament montanyosa y de difícil acceso en a que toz los lugars se troban a mas de 1000 metros. Dista 38 km de l'Aínsa y 30 km d'o Parque Nacional d'Ordesa y d'as Tres Serols.
Ha estau declarada Bien d'Intrés Cultural (BIC) por a Deputación Cheneral d'Aragón.
Historia[editar | modificar o codigo]
O suyo orichen se remonta posiblement a o sieglo XI, encara que a partir d'o sieglo XII sofrió diferents reformas y fue progresivament enamplada.
Fue concebida como un templo de nau rectangular, abside semicircular y dople presbiterio atrofiau, pero as succesivas intervencions mantenioron escasos elementos d'a primitiva fabrica, como l'abside semicircular.
Cualques autors datan a suya construcción entre 1060 y 1070, encara que, como succede en todas las ilesias d'o dito "cerclo larredense", a suya datación y filiación estilistica contina estando polemica.
En 1982 l'Asociación Amigos de Serrablo fa a restauración d'o tellau.
Descripción[editar | modificar o codigo]
Templo de planta rectangular con capitero semicircular orientau enta l'este, alzau en sillarello en o capitero y mampostería combinada con toscos y grans sillars en a resta.
Consta de capitero semicircular orientau a l'este, una nau prencipal, mas atra en o costau sud, dos capiellas laterals ubiertas en o costau norte y una torre que se monta sobre una d'istas capiellas.
En primeras yera un edificio d'una sola nau, dople presbiterio atrofiau y abside semicircular. A ixa nau orichinal s'adhibió por lo costau sud unatra nau mas estreita y con capitero dreito, comunicada con a prencipal por dos arcos formers. A lo costau norte s'ubrioron dos capiellas y posteriorment, a sacristía.
En o muro sud s'ubre a puerta en arco de meyo punto, con grans dovelas, que ranca d'un relieu en a base d'as brancas con motivos de sogueau y de mutulos invertius. En a clau presenta l'anagrama IHS.
A torre s'eleva sobre a capiella de l'evanchelio con sillars en a parte inferior y mampostería en a resta, formando un solo cuerpo . L'interior consta de tres pisos plans de fusta. Se cubre con tellau de losa a cuatre auguas en l'exterior y con cupula semiesferica en l'interior.
Comentario estilistico[editar | modificar o codigo]
Posiblement fue construyida por un mayestro d'o cerclo larredense, constituyindo un d'os eixemplars caracteristicos de l'arquitectura relichiosa de Sarrablo. Talment, o suyo mayestro estió lo mesmo que construyió a ilesia parroquial d'Oliván, encara que la d'Otal destaca d'entre todas las ilesias de Sarrablo por a suya proximidat a las formulas constructivas lombardas. Probablement, iste modelo influyise en a construcción de l'abside d'a ilesia de Buil.
Bibliografía[editar | modificar o codigo]
- "Arte altoaragonés de los siglos X y XI". Antonio Durán Gudiol. Zaragoza: Ibercaja, 1973.
- "El nacimiento del arte románico en Aragón: Arquitectura". Juan Francisco Estebal Lorente et al. Zaragoza: Caja de Ahorros de la Inmaculada, 1982.
- "El misterio de las iglesias del Gállego". José Manuel Torralba. Románico. Diciembre 2006 , nº 3, p. 28-35.
Enlaces externos[editar | modificar o codigo]
Se veigan as imáchens de Commons sobre a ilesia de Sant Miguel d'Otal.- (es) En a pachina d'o SIPCA
