Salvador Illa

Salvador Illa Roca
Illa en chinero de 2020
President d'a Cheneralidat de Catalunya
8 d'agosto de 2024 – En o cargo
Monarca	Felipe VI
Gubierno	Gubierno Illa
Precediu por	Pere Aragonès
Succediu por	En o cargo
Ministro de Sanidat d'Espanya
13 de chinero de 2020 – 27 de chinero de 2021
President	Pedro Sánchez
Monarca	Felipe VI
Precediu por	María Luisa Carcedo (Sanidat, Consumo y Bienestar Social)
Succediu por	Carolina Darias
Deputau d'a XIV Lechislatura d'o Parlamento de Catalunya por Barcelona
12 de marzo de 2021 – 12 de mayo de 2024
Monarca	Felipe VI
Deputau d'a XV Lechislatura d'o Parlamento de Catalunya por Barcelona
Actualment en o cargo
Dende o 9 de chunio de 2024
Monarca	Felipe VI
Alcalde de La Roca del Vallès
4 de chunio de 1999 – 17 de setiembre de 2005
Precediu por	Josep Estapé Vilà
Succediu por	Miquel Estapé Valls
23 de setiembre de 1995 – 5 de febrero de 1999
Precediu por	Romà Planas i Miró
Succediu por	Josep Estapé Vilà
Concellero d'o concello de La Roca del Vallès
30 de chunio de 1987 – 17 de setiembre de 2005
Naiximiento	5 de mayo de 1966 La Roca del Vallès Barcelona, Espanya
Partiu	Partit dels Socialistes de Catalunya
Conchuche	Marta Estruch Macías
Profesión	Politico
Alma Máter	Universidat de Barcelona (Lic.) Universidat de Navarra (MBA)

Salvador Illa Roca (5 de mayo de 1966 de La Roca del Vallès, Espanya) ye un politico espanyol, que estió ministro de Sanidat d'o Gubierno d'Espanya dende o 13 de chinero de 2020 dica o 27 de chinero de 2021, en o Gubierno de Pedro Sánchez. L'8 d'agosto de 2024 fue esleyiu president d'a Cheneralidat de Catalunya, con os votos d'o suyo partiu, lo Partit dels Socialistes de Catalunya, y tamién de Catalunya en Comú y Esquerra Republicana de Catalunya.

Prencipió las suyas actividaz politicas como concellero d'o concello de La Roca del Vallès en as listas d'o Partit dels Socialistes de Catalunya dimpués d'as eleccions municipals de 1987, ta convertir-se en alcalde de la Roca del Vallès, lo suyo lugar natal, dimpués d'as eleccions municipals de 1995, encara que fue obchecto d'una moción de censura en febrero de 1999. Tanimientres, revalidó lo suyo cargo como alcalde en as eleccions municipals de 1999 con mayoría absoluta, y repitió en as eleccions municipals de 2003, ista vegada con mayoría simpla.

Albandonó l'alcaldía de la Roca del Vallès en setiembre de 2005, en estar nombrau ta ocupar un cargo en a Cheneralidat de Catalunya, treballando dimpués bel tiempo en o sector privau, ta treballar dimpués en bels cargos en o Concello de Barcelona. Dende noviembre de 2016 s'incorporó en l'equipo de Miquel Iceta en a dirección d'o Partit dels Socialistes de Catalunya, convertendo-se en secretario d'Organización d'o partiu, dica que en chinero de 2020 fue nombrau ministro de Sanidat d'Espanya en o Gubierno de Pedro Sánchez, cargo en o que romanió dica chinero de 2021, cuan dimitió ta presentar-se como cabeza de lista d'o suyo partiu en as eleccions a lo Parlamento de Catalunya d'ixe anyo.

Candidato d'o suyo partiu de nuevo en as eleccions a lo Parlamento de Catalunya de 2024, lo suyo partiu estió lo mas votau, prencipiando conversacions con atros partius ta formar Gobierno, que finalment rematoron con a suya elección como president d'a Cheneralidat l'8 d'agosto de 2024.

Vinclos externos

• Se veigan as imáchens de Commons sobre Salvador Illa Roca.

• Datos: Q64577417
• Multimedia: Salvador Illa Roca / Q64577417