Cachopu
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Cachopu | ||
|---|---|---|
 Cachopu | ||
| Cachopo | ||
| Cocina: | Gastronomía asturiana | |
| Orichen: |  Asturias
| |
| Ingredients: | Carne de vetiella, pernil y queso. | |
| Preparación: | Fritos y arrebozaus | |
Se diz cachopu u cachopo (en castellano y eonaviego cachopo; y en asturiano cachopu) a un plato tipico d'a gastronomía asturiana, en Espanya. Consiste en dos grans chullas de vetiella, que se i meten pernil serrán y formache. Tot iste conchunto se friye y se mincha calient, dimpuesas d'haber-se arrebozato con uevo, farina y pan rallato; y gosa servir-se con trunfas, pimiento y champinyons como guarnición.
Etimolochía[editar | modificar o codigo]
Os vocables "cachopu" y "cachopo" provienen d'o vocable asturiano cachopu u castellano cachopo, respectivament, -que l'etimo d'ambos ye o vocable latín caccabus, que a la vegada ampró d'a voz griega κάκκαβος u κακκάβη.[1] Tanto en asturiano como en castellano, ista palabra teneba lo significato orichinal de tronco tuero emplegato ta alzar ferramientas de labranza; manimenos, o etimo latín quereba dicir, seguntes Varrón, "recipient a on se coceba alimentos" (en latín "vas ubi coquebant cibum").[1] Por a semellanza con iste tronco tuero, tanto o vocable asturiano como lo castellano amproron o significato actual de dos chullas de vetiella empanatas, y con iste sentito ye dentrata la palabra en aragonés.
Historia[editar | modificar o codigo]
As primeras mencions sobre o cachopu asturiano las replega lo doctor Gaspar Casal, en primerías d'o sieglo XVIII. En o libro d'él El libro de cocina, publicato en 1938 por a gastronoma Adela Garrido, aparixe iste plato clamato en castellano filete a la asturiana (ye dicir, "filet a l'asturiana"). O cachopu en adquiere, de popularidat en, os anyos 50 d'o sieglo pasato, pos o restaurant Pelayo d'Oviedo l'adhibe en a suya carta.[2] Como diz o critico gastronomico José Ignacio Gracia Noriega, «o cachopu yera un plato antigo y de sobra conoixito por a burguesía asturiana de primerías d'o sieglo XX, pero lo suyo prestichio definitivo no arriba dica zaguerías d'as anyadas cincuanta u primerías d'as anyadas sisanta gracias a lo buen fer de bels restaurants d'Oviedo y Grau, principalment».[3]
A partir d'ista forma orichinal, son surtitos multiples variants de cachopus de peix, pollo u tocín e rebutitos con marisco, salón, potrecons, pimentos, formaches, esparragos, etc...
Ye habitual en as zagueras anyadas a publicación de guidas e rotas de restaurants a on se sirven os millors cachopus. Tamién ye habitual a realización de chornadas d'o cachopu, d'entre que destacó lo mes d'o cachopu, celebrato en Madrit en noviembre de 2016.[4]
O millor cachopu d'Espanya[editar | modificar o codigo]
Dende 2012 se vienen celebrando distinctos campionatos rechionals de cachopus en a-saber-las rechions d'Espanya, d'entre que destaca lo concurso de cachopus d'Asturias, organizato por a Guía del cachopo.[5][6]
Referencias[editar | modificar o codigo]
- ↑ 1,0 1,1 Veye "Caccăbus" en perseus.tufts.edu.
- ↑ Batalla Cueto Pablo. [1] "Me horripila que el cachopo desplace a la fabada como plato identitario asturiano" (en castellano). La Voz de Asturias. Consultato lo 2 de setiembre de 2017.
- ↑ Garcia Noriega, José Ignacio. La reconquista del cachopo ignaciogracianoriega.net (en castellano). Consultato lo 24 d'aviento de 2018.
- ↑ Medina, Miguel Ángel. «El ‘mes del cachopo’ consolida este plato asturiano en Madrid.» El País (en castellano). Consultayo lo 2 de setiembre de 2017.
- ↑ Capel, José Carlos «¿Quién no ha comido cachopo?» El País (en castellano). Consultato lo 2 de setiembre de 2017.
- ↑ Arribas, J. M. «Estos son los mejores cachopos y cachopines de Asturias.» La Voz de Asturias (en castellano). Consultato lo 2 de setiembre de 2017.