Solanum tuberosum

De Biquipedia
Ir ta: navego, busca
Articlo d'os 1000
Trunfa
Trunfas
Trunfas
Clasificación scientifica
Dominio: Eukaryota
Reino: Plantae
División: Tracheobionta
Clase: Magnoliopsida
Subclase: Asteridae
Orden: Solanales
Familia: Solanaceae
Chenero: ''Solanum''
Especie: ''tuberosum''
Nomenclatura binominal
''Solanum tuberosum L.

A trunfa (Solanum tuberosum) ye un tuberclo minchable d'orichen andín, que ha estato un alazet en l'alimentación de muitos pueblos dende o trobo d'America y ye tamién hue en día l'alazet de muitos platos. Iste tuberclo se cautivaba en Perú dende o milenio VIII aC y fue levato a Europa por os espanyols en 1554.

Etimolochía[editar | editar código]

As trunfas se clamaban papas en a zona andina a on los espanyols troboron que las se minchaban los indichenas. En castellán se deciba primero papa, pero en castellán d'a Peninsula Iberica se cambió por patata, palabra derivata de l'anglés potato. O canario y lo castellán d'America encara conservan, doncas, la palabra amerindia orichinal.

En bella zona de l'Alto Aragón se'n diz patacas, que reconoixemos como un derivato de l'anglés Potato a traviés d'o castellán Patata, cambiando lo sufixo. En bella zona pirenencas aragonesofablants u catalanofablants se clamó a las patacas con una palabra derivata d'o latín Tuber, que debeba fer referencia u a tuberclos d'o país u a fongos subterranios.

En bella zona como a Val de Chistau s'emplega patata como termin cheneral y trunfa pa la variedat tradicional d'a val, més chicota. En o Viello Sobrarbe se replega trunfa como termin cheneral pero ya anticuato, y se'n conoixe la variant de trunfa chiretuda.

En castellán d'Aragón tamién ye conoixito l'uso de derivatos de Tuber, José Pardo Sastrón testimonia turmas u trubas en Torrociella d'Alcanyiz pa una especie de compuestas que fa tuberclos, Helianthus tuberosus debant d'a denominación tradicional de Solanum tuberosum de Patacas.

Vinclos externos[editar | editar código]