Confederación Nacional d'o Treballo

De Biquipedia
(Reendrezau dende CNT)
Confederación Nacional d'o Treballo
Bandera d'a CNT
Datos chenerals
Líder Pedro Serna
Periodo {{{periodo}}}
Establiu 1910
Desaparición {{{desaparición}}}
Seu Valladolid
Ideolochía Anarcosendicalismo, comunismo libertario
Colors Royo y negro
Ambito politico
Estau Espanya
País {{{país}}}
Comunidat autonoma {{{ccaa}}}
Rechión {{{rechión}}}
Coalición de {{{coalición}}}
Afillatura europea
Afillatura internacional AIT
Partiu politico {{{partiu}}}
Chovenalla
Web
Web www.cnt.es

A Confederación Nacional d'o Treballo (CNT, en castellano Confederación Nacional del Trabajo) ye una confederación espanyola de sendicatos afiliatos a la Asociación Internacional d'os Treballadors (AIT). Tamién se conoixe a vegadas como CNT-FAI referindo-se a la suya relación con iste zaguer grupo. Historicament, a CNT ye afiliata a la Federación Anarquista Iberica (FAI, en castellano Federación Anarquista Ibérica). En iste ambito se conoixe como CNT-FAI.

Mientres a suya historia ha tenito un important papel en o movimiento sendical espanyol. Establita en 1910 en Barcelona[1] a partir de grupos d'o sendicato Solidaridad Obrera contrebuyó a espandir o papel de l'anarquismo en Espanya, que naixe con a creyación d'a Federación de Trabajadores de la Región Espanyola, organización succesora d'a sección espanyola de l'AIT.

A tamas de que mientres muitas decadas a organización estió ilegal en Espanya, hue a CNT contina fendo parti d'o movimiento obrero espanyol, mas que mas en a esfensa de l'autochestión d'os treballadors, o federalismo y l'refirme mutuo.

Organización y funcionamiento[editar | modificar o codigo]

Afillatura[editar | modificar o codigo]

Cualsiquier treballador u estudiant puet afillar-se a la CNT, fueras de miembros d'os cuerpos de policía, exercito y atras fuerzas de represión, ni interpresarios u atros espleitadors.[2] No ye menester tener denguna ideolochía concreta ta estar miembro. Os miembros d'a CNT pueden perteneixer tamién a un partiu politico, manimenos si tienen un cargo en o partiu politico no pueden tener tamién a la vegada un cargo en o sendicato. Ista ye una mida que se prene ta evitar que a CNT pueda estar manipoliata por bella organización politica.

Obchectivos[editar | modificar o codigo]

Como organización sendical, seguntes os suyos estatutos, os obchectivos d'a CNT son "desembolicar o sentito d'a solidaridat entre os treballadors" con l'asperanza d'amillorar as suyas condicions en o sistema social actual, y parar-los ta a suya futura emancipación; practicar l'aduya mutua entre os diferents colectivos que fan parti d'a CNT, y mantener relacions con atros grupos afins, con l'asperanza de que plegue a emancipación d'a clase treballadora.[3] A CNT amás tamién s'embreca en afers dillá d'a clase treballadora, deseyando una transformación radical d'a sociedat a traviés d'un sendicalismo revolucionario.[4] Ta conseguir o suyo obchectivo d'una revolución social, a organización ha esbozato un sistema socio-economico a traviés d'o concepto confederal d'anarcocomunismo, una serie d'ideyas chenerals proposatas ta a organización d'una sociedat anarquista.[5] A CNT s'inspira en as ideyas anarquistas, pero tamién s'identifica con as luitas d'os diferents movimientos socials. Ye una organización internacionalista, pero refirma o dreito d'autodeterminación d'os pueblos y a suya sobiranía sobre os estaus.[6]

Estructura[editar | modificar o codigo]

A estructura organizativa d'a CNT se basa en una democracia dreita.[7]

Sendicato industrial y d'oficios variatos[editar | modificar o codigo]

Diagrama d'a estructura organizativa d'a CNT

Os sendicatos industrials (tamién a begatas ditos "sendicatos de branca") forma la base d'a estructura d'a CNT. Cada sendicato industrial agrupa treballadors de diferents oficios adintro d'una industria. Cuan bi ha menos de 25 personas treballando en una interpresa en particular, se forma un sendicato d'oficios variatos con toz os diferents puestos ta ixa industria en cuentas de multiples sendicatos industrials. Iste tipo de sendicatos d'oficios variatos incluyen treballadors de diferents oficios y industrias, y requieren un minimo de cinco personas.[7] Si no se plega a iste numero, cuatre u menos treballadors pueden formar un grupo confederal. Debito a la chicota grandaria d'a CNT, a mayoría d'os suyos sendicatos son sendicatos d'oficios variatos.[8]

O poder de decisión d'a industria y d'os diferents sendicatos d'oficios variatos residen en l'asamblea sendical: as decisions son presas por toz os treballadors d'ixe sendicato a traviés d'un sistema de democracia dreita y un consenso. Istas asambleas pueden tractar cualsiquier tipo de cuestión, ya sía "local, provincial, rechional, nacional u internacional".[9]

Sendicatos de sección[editar | modificar o codigo]

Os sendicatos de sección son unions de sendicatos de treballadors que treballan en o mesmo centro de treballo u chicot negocio. L'asamblea d'o sendicato de sección esliche una delegación ta ixe sendicato de sección, que a sobén rota y en a que se representan as opinions d'os miembros d'o sendicato a tamás de que no bi ha dengún organismo de presa de decisions.

Comités y secretariatos[editar | modificar o codigo]

L'asamblea esliche un comité ta fer a fayenas de rutina u afers administrativos que no amenistan d'a descusión de toz os miembros; o comité no tien poder ta prener decisions. Os comités pueden organizar-sen éls mesmos a traviés de diferents departamentos, incluyendo propaganda, cultura y archivos; prensa y información; tresorería y afers economicos; secretaría churidica y advogacía ta presos; acción sendical; acción social y secretariato cheneral. O numero de secretariatos puet variar a vegadas chuntando-se dos en una sola si ye menester. As delegacions d'as seccions sendicals d'as interpresas d'a branca tamién fan parti d'a comisión.

Federacions y confederacions[editar | modificar o codigo]

A diferencia d'atras organizacions que tienen una estructura d'alto enta abaixo, a CNT s'organiza seguntes o prencipio anarquista, d'abaixo enta alto, a travies de diferents rans de confederacions seguindo asinas o prencipio federativo. A razón de trigar ista estructura ye que se mira d'evitar que os comités sían de tot homochenios y que s'haigan de desembolicar en éls politicas u programas. D'atra man tamién se mira de minimizar o poder d'as personas individuals que puedan tener mayor actividat en a organización.[10]

Federacions locals y comarcals[editar | modificar o codigo]

Os diferents sendicatos industrials y d'oficios bariatos d'un mesmo municipio constituyen una federación local[8] de sendicatos que son cordinatos a traviés d'un comité local que tien as mesmas caracteristicas y poder que os comités sendicals. O comité local ye esleito por una asamblea plenaria a la que cada sendicato industrial y d'oficios variatos puet ninviar delegacions con alcuerdos escritos previament adoptatos en as suyas asambleas. Ya que a CNT tien un numero chicot de miembros, nomás existen actualment federacions locals en Granada y Sevilla.[11] A la vegada, os sendicatos de municipios vecins pueden agrupar-sen en federacions comarcals.

Confederacions rechionals[editar | modificar o codigo]
Bandera d'a CNT de Tamarit de Litera

As federacions rechionals son a unión de cuantos sendicatos d'una mesma zona cheografica d'orden rechional. Bi ha un comité rechional con o suyo secretario cheneral y resta de secretarías en un plen rechional de sendicatos en o que as diferents federacions locals ninvían delegacions con alcuerdos por escrito feitos antis en asamblea.

A división rechional d'a CNT ha tenito bel cambio a traviés d'o tiempo. A división actual ye a siguient:

Mapa confederal d'a CNT

 Andalucía 
Almería
Cádiz
Cordoba
Granada
Malaga
Sevilla
Uelba
Chaén
 Aragón - La Rioja 
Uesca
Teruel
Zaragoza
La Rioja
 Asturias - Leyón 
Asturias
Leyón
 Canarias 
As Palmas
Santa Cruz de Tenerife

 Catalunya - Balears 
Barcelona
Chirona
Leida
Tarragona
Balears
 Centro 
Ávila
Valladolit
Palencia
Salamanca
Segovia
Soria
Zamora
Madrit
Cuenca
Guadalachara
Toledo
Ciudad Real

 Extremadura 
Badajoz
Cáceres
 Galicia 
A Coruña
Lugo
Ourense
Pontevedra
 Levant 
Albacet
Alicant
Valencia
Castillón
 Murcia 
Murcia

 Norte 
Cantabria
Burgos
Alaba
Bizcaya
Guipuzcua
Navarra

La CNT tamién tien una rechional exterior con presencia en París, Tolosa y Montpeller (Francia).

Historia[editar | modificar o codigo]

A Confederación Nacional del Trabajo fue establita en a ciudat catalana de Barcelona en 1910 por grupos d'ideolochía anarquista vinclatos a Solidaridad Obrera, un sendicato que dica ixe inte teneba caracter nomás que rechional, limitato a Catalunya, y que s'heba establiu en 1907. A ideya d'os suyos fundadors yera a de replegar a toz os treballadors que no feban parte d'o sendicalismo socialista, representato por a Unión General de Trabajadores, sendicato que se consideraba que teneba excesivos vinclos politicos con o Partido Socialista Obrero Español, qui en ixe inte yera coaligato con a burchesía progresista d'ideolochía liberal-republicana.

En istas primeras anyadas a CNT arreplegó a la mayor parte d'o anarquismo espanyol, destacando por a suya presencia en cuantas zonas territorials d'o país (incluindo-ie un important presencia en Zaragoza y atros puestos d'Aragón. Encara que a vegatas fació alcuerdos con o sendicalismo socialista, en os grans momentos de luita sendical (como en 1917), a sobén no treballaba coordinadament con iste. En rematar a Primera Guerra Mundial, en a cual Espanya estió un país neutral, a situación social espanyola se complicó, rematando por establir-se una ditadura militar, dirichita por Miguel Primo de Rivera, a dita Dictadura de Primo de Rivera, con una guerra ubierta en as carreras de Barcelona dirichita por o Gubernador Civil de Barcelona, Severiano Martínez Anido, contra o sendicalismo anarquista, con asesinatos de dirichents destacatos u mesmo de simples militants d'o sendicato, aplicando a dita Lei de fugas. En ixe inte, bels grupos cenetistas u anarquistas se convertioron en partidarios d'a dita acción directa contra a patronal y contra o pistolerismo d'os sendicatos libres establius por a patronal.

En plegar a o país a Segunda Republica, o sendicalismo anarquista deciba que le yera indiferent o rechimen politico d'o país, encara que os militants de base votoron en cuantas ocasions por os partius d'ezquierda. Sindembargo, es bels momentos (y no nomás mientres Gubiernos de dreita) a CNT se convertió en un sendicato ilegal.

Simbolos y cultura[editar | modificar o codigo]

Ta más detalles, veyer l'articlo Simbolos anarquistasveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Dentrada ta un cine administrato por a CNT

A CNT, debito a o suyo intrés de conseguir una transformación radical d'a sociedat, ha mirato de que a cultura y o conoiximiento sían accesibles ta toz os treballadors, una fayena que ha puesto desembolicar gracias a o refirme d'os ateneus libertarios. A "Escuela de militants Anarquistas" estió una institución que, por meyo de l'anarquismo pedagochico, miraba d'asegurar que "grupos d'adolescents podesen adquirir o conoiximiento y responsabilidat personal esencial ta treballar en colectivos como animadors y contables". A traviés d'a fundación Anselmo Lorenzo, a CNT chestiona o suyo patrimonio cultural, editando libros, y organizando conferencias y charradas. Tamién, bellas seccions d'a CNT refirman y promocionan l'uso d'o esperanto.

A bandera d'a CNT ye a tradicional bandera de l'anarcosendicalismo, que chunta en diagonal, como negación d'o nacionalismo y refirmación d'o internacionalismo, a color roya d'o sendicalismo con a blanca de l'anarquismo

L'himno d'a CNT ye A las barricadas, composata por o poeta polaco Wacław Święcicki en 1883. A la obra orichinal de Święcicki, dita Warschawjanka, se l'adhibioron as parolas en castellano, obra de Valeriano Orobón Fernández y se publico con bels apanyos musicals ta coro mixto por Ángel Miret en l'anyo 1933.

A las barricadas

Himno d'a Confederación Nacional d'o Treballo

Referencias[editar | modificar o codigo]

  1. Woodcock 1962, p. 312
  2. (es) Pachina oficial d'a CNT
  3. (es) Estatutos d'a CNT de 1977
  4. Roca Martínez 2006, p. 106
  5. CNT 1998
  6. CNT 1998
    L'anarcosendicalismo ye internacionalista; veye o mundo nomás como un, a tamas d'as diferencias racials, de luenga u culturals. En iste sentito, s'oposa a la opresión que os estaus fan sobre os pueblos. Nusatros somos en contra de que o estau espanyol oprima a o pueblo basco, a favor de que os pueblos basco, catalán, palestín, sahraui, tibetán, kurdo... sían responsables d'os suyos propios destins, s'asienten en territorios alto u baixo amugatos, faigan parti d'a riqueza d'a sociedat en cheneral, se federen como quieran, s'independicen d'os estaus; pero igualment nos oposaríamos a la creyación d'un estau basco, palestín, sahraui, kurdo... con a suya policía, exercito, moneda, gubierno, y aparato represivo
  7. 7,0 7,1 Roca Martínez 2006, p. 109
  8. 8,0 8,1 Roca Martínez, 2006, p. 110
  9. Roca Martínez, 2006, p. 109-110
  10. CNT, 1998, p. 14
  11. Roca Martínez, 2006, p. 115

Se veiga tamién[editar | modificar o codigo]

Vinclos externos[editar | modificar o codigo]