Kurdos
| Pueblo kurdo کورد | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||
 | ||||||||||||||||||
|
| ||||||||||||||||||
|
Kurdistán | ||||||||||||||||||
| ||||||||||||||||||
| Kurdo | ||||||||||||||||||
|
Musulmana: * Musulmana sunnita * Musulmana xiita Yazidismo | ||||||||||||||||||
|
Altros pueblos iranios: * Luris * Baktiaris | ||||||||||||||||||
 | ||||||||||||||||||
.svg){kind=small}
.svg){kind=small}
Os kurdos (en kurdo کورد kurd) son una etnia de luenga irania con aria prencipal en as montanyas a lo sud d'o Caucaso entre Irán, Irak, Turquía y Siria, que facioron d'etnia-tampón entre os imperios otomán y persa y que en o sieglo XX han tenito problemas por circunstancias cheopoliticas.
Historia[editar | modificar o codigo]
Se suposa que os kurdos son d'orichen medián. En o periodo helenistico y clasico bi heba una tribu dita Kýrtioi en griego en as montanyas de Media Atropatene.
En a Edat Meya os kurdos, pastors nomadas, se beneficioron d'as invasions turquemanas y mongolas con a destrucción d'o modo de vida sedentario d'agricultors de montanya propia d'os armenios, sirians y asirians. Os cautivos esdevinioron yermos y pasturas y os kurdos fuoron filtrando-sen ta l'este d'a Peninsula Anatolia y ta os monts Tauro. En "La Flor de las Ystorias d'Orient" de Chuan Ferrández d'Heredia los nombran como un d'os pueblos habitadors de Media:
En o sieglo XVI a presencia kurda en l'actual Kurdistán se fará més solida y compacta. En o sieglo XVI l'Imperio Otoman organizó bellas confederacions tribals kurdas dirichitas por nobles (sayyids) y lis concedioron en feudo marcas mugants, con a condición que cosirasen a muga con a Persia Safavida, (principals rivals musulmans d'os otomans). Os persas facioron lo mesmo pero con menos traza, emplegando l'autogobierno kurdo con propositos defensivos.
En o sieglo XIX l'Imperio Otomán y Persia preboron d'establir un control directo sobre os kurdos, o que provocó una serie de revueltas kurdas que fracasoron, como una revuelta quasi nacionalista en 1880. Manimenos muitos nobles se mantenioron leyals a lo soldán. Os otomans podioron canalizar a belicosidat d'os kurdos creyando o cuerpo armato d'os Hamidiye en 1891 pa reprimir a las minorías, en especial a os armenios. Os Hamidiye participoron en a primera fase d'o chenocidio armenio. Paradoxicament bi habió kurdos adeptos d'o panturquismo.
En a Primera Guerra Mundial os combatients kurdos participoron en a segunda fase d'o chenocidio armenio, chenocidio que tamién afectó a cristians sirians, asirians y caldeus. A suya implicación talment estió mayor y més incontrolata que a de l'exercito regular turco. Manimenos en 1916 o gobierno d'os Chóvens Turcos encomenzó a desconfiar d'os kurdos y encomenzoron a perseguir-los y deportar-los. A conferencia de paz de Sèvres decidió en 1920 o establimiento d'un estato armenio, y a lo sud una rechión autonoma kurda con capital del Diyarbaquir y con a perspectiva d'unificación con a provincia de Mosul, ocupata por os britanicos. Temendo o dominio armenio os combatients kurdos aduyoron a lo gobierno kemalista a forachitar a os armenios supervivients d'a rechión d'o Laco Van.
Dimpués que Turquía aseguró os suyas mugas orientals y meridionals os kurdos perdioron parte d'os suyos dreitos como minoría. En 1924 se prohibió a luenga kurda y as asociacions kurdas. Bi habió revueltas kurdas que fuoron esclafatas con brutalidat. As autoridatz y cuerpos de seguridat d'o gobierno kemalista son responsables d'a mortalera de decenas de mils de kurdos. Cientos de mils de kurdos fuyoron ta Siria, y rechión_nativa1 enteras quedoron despoblatas. No bi habió estabilidat dica 1938. O gobierno kemalista tamién prebó d'asimilar-los con deportacions: un millón de kurdos fuoron desplazatos d'o Kurdistán y asentoron turcos en o suyo territorio.
Dimpués d'a Segunda Guerra Mundial bi habió més libertat pa os kurdos de Turquía, que podioron participar en a vida politica como turcos, pero l'anterior politica d'asimilación heba produeito grants concentracions de kurdos en as ciudatz. En os anyos sesanta y setanta ya amaneixioron partitos kurdos separatistas, que plegoron a practicar o terrorismo. O centro d'o nacionalismo d'os kurdo de Turquía ye Diyarbaquir.
Bibliografía[editar | modificar o codigo]
- (es) Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.