Palestins
| Palestins الفلسطينيون (al-Filastiniyyun) | |||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||||||||||||||||||||
|
| |||||||||||||||||||||||||||||||||||||||||||||
 Chordania 3.150.000[3] Cischordania 3,256,906 [2] Gaza 2.226.544[2] | |||||||||||||||||||||||||||||||||||||||||||||
| |||||||||||||||||||||||||||||||||||||||||||||
|
Vernacular moderno Arabe palestín En Israel Arabe palestín y hebreu Diaspora Prencipalment arabe palestín, anglés y castellano, un important numero de palestins viven en Europa. | |||||||||||||||||||||||||||||||||||||||||||||
| Prencipalment islamica suní, una important minoría cristiana y atras | |||||||||||||||||||||||||||||||||||||||||||||
| Atros pueblos arabes y semiticos. | |||||||||||||||||||||||||||||||||||||||||||||
,_Flag_of_Syria_(1980%E2%80%932024).svg){kind=small}
Os palestins[8] son os habitants de Palestina antes d'a formación d'o Estato d'Israel. De diferents orichens y grupos etnicos, a mayoría parla arabe y son musulmans, habendo-ie importants y antigas comunidaz cristianas. A identidat colectiva d'os palestins ha amanexito en a luita por l'autodeterminación contra l'Imperio Britanico y contra o Sionismo. Sin estato propio dende 1948 os palestins se troban en tres situacions:
- Palestins que viven en o estato d'Israel u arabes israelís.
- Palestins que viven en Cischordania y Francha de Gaza.
- Diaspora palestina, formata por refuchiatos, ye important en Chordania, destacando tamién os palestins presents en Liban, Siria, Chile, Qatar, Arabia Saudita y Kuwait.
Historia
En o periodo bizantín Palestina fue intensament cristianizata y a lo primero s'enriquió por o turismo relichioso a los puestos sagratos, (Belén, Cherusalem). Tamién s'establió población forana traitos por enchaquia relichiosa. Os habitants d'a costa mediterrania y os santos lugars no se facioron monofisistas en a mesma mesura que en atras zonas de l'Imperio Romano d'Orient con población d'orichen semita arameu-parlant, talment por que a politica relichiosa de Costantinoble heba traito a prosperidat a la zona. Tamién podió influir a presencia de población d'orichen griego u helenizata. O resultato ye que encara huei a mayor parte d'os cristianos palestins son rumís u melquitas (ordodoxos griegos) y no d'atras brancas d'o cristianismo. As condicions sanitarias d'o periodo bizantín, cristiano yeran piyors que en os tiempos d'os pagans, por eixemplo os banyos publicos se consideraban elementos pagans. A proliferación d'epidemias y as guerras contra os sasanidas provocoron un important descenso demografico.
A conquiesta arabe-musulmana de 637 no suposó a plegata masiva d'arabes, a población continó estando d'alto u baixo a mesma, pero encomenzó un proceso d'islamización acompanyato d'una arabización linguistica que fació que os habitants mayoritarios de Palestina sigan culturalment poco diferents a os habitants d'o Liban, Siria u Chordania.
As Cruzatas trayoron poblacions cristianas occidentals, pero a reacción musulmana forachitó a estas poblacions aloctonas. A luita de musulmans y cristianos foranos contribuyó a fer minoritaria a la población cristiana autoctona. En o periodo mameluco y otomán a islamización progresó.
A prencipios d'o sieglo XIX bi heba arredol de 275.000 palestins arabes. A metat d'o sieglo XIX a población puyó dica plegar ta uns 600.000 en 1914. Os araboparlants d'as ciudaz, muitos d'ellos cristianos, yeran mes ubiertos a influencias estrancheras. Muita chent d'o campo empobrita, y a vegatas que no podeban treballar en tierras compratas por os sionistas s'adhibioron a los pobres urbans. En a primera metat d'o sieglo XX a millora d'a economía trayó arabes d'os países vecins, a lo tiempo que muitos palestins cristianos emigroron ta o estranchero. En a primera metat d'o sieglo XX encomenzó o choque con o nacionalismo chodigo rival.
Si ya a prencipios d'o sieglo XX os palestins ya reclamaban l'aturata d'a inmigración chodiga y o reparto de tierras entre a población palestina, a resistencia palestina se fació mes gran baixo o mandato britanico (1920-1948). Entre 1936 e 1939 bi habió una revuelta contra Gran Bretanya que se convertió en una guerra contra a población chodiga que ya yera bien establita en Palestina. Cuan os britanicos la remataban d'esclafar, ya i heba luitas internas entre os palestins.
A partición de Palestina por as Nacions Unidas en 1947 en un estato arabe y atro de chodigo no fue aceptato por garra parte. Encomenzó una guerra en a que uns 750.000 palestins fuyoron d'o territorio que podió controlar o nuevo estato chodigo, a pocos lis permitioron tornar. Os echipcios asentoron buena parte d'os 200.000 refuchiatos palestins en a Francha de Gaza, un territorio palestín que s'anexionoron. Unos 200.000 palestins, musulmans y cristianos fuyoron de Galilea enta o Liban y Siria. En o Liban os palestins cristianos y palestins musulmans teneban campos de refuchiatos diferents. Dende o centro de Palestina uns 350.000 fuyoron ta l'actual Cischordania, on ya en viviban 400.000. Cuan remató a guerra no quedoron que 150.000 palestins en o estato d'Israel. Os chodigos miroron de no luitar contra os palestins cristianos pa no trobar-se con a hostilidat d'os países occidentals, por ixo encara quedan poblacions de mayoría cristiana en Galilea. Tamién miroron de tener buenas relacions con palestins musulmans de bellas minorías como os drusos.
A Guerra d'os Seis Días en 1967 significó a ocupación de Gaza y Cischordania y muitos palestins de Cischordania fuyoron ta Chordania.
Bibliografía
- (es) Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.
- William Dalrymple: Desde el monte Santo. Viaje a la sombra de Bizancio. Librería Altair.
Referencias
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 (en) Joshua Project - Arab, Palestinian Ethnic People in all Countries.
- ↑ 2,0 2,1 Sitio web d'o Palestinian Central Bureau of Statistics (PCBS).
- ↑ Cordesman, 2005, p. 54. A cifra se basa en a población estimata ta l'anyo 2005, estando a población real de 2.3 millons en 2001.
- ↑ http://www.blog-v.com/arabesenchile/
- ↑ http://laventana.casa.cult.cu/modules.php?name=News&file=article&sid=514
- ↑ http://www.factfinder.census.gov
- ↑ Governo do Estado de São Paulo - Memorial do Imigrante
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Datos: Q201190
Multimedia: People of Palestine / Q201190