Azuara

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Azuara
Municipio d'Aragón
Bandera Escudo d'armas
Entidat
 • País
 • Provincia
 • Comarca
Municipio
 Aragón
 Zaragoza
Campo de Belchit
Partiu chudicial Zaragoza
Superficie 165,8 km²
Población
 • Total

527 hab. (2013)
Altaria
 • Meyana

603 m.
Distancia
 • 16 km
 • 62 km

enta Belchit
enta Zaragoza
Alcalde Joaquín Ignacio Alconchel Fleta
Codigo postal 50140
Parroquial
 • Archidiocesi
 • Arcipestrau

Zaragoza
Belchit
Ríos Camaras
Coordenadas
Azuara ubicada en Aragón
Azuara
Azuara
Azuara en Aragón
[www.Azuara.org Web oficial]

Azuara ye un municipio aragonés d'a provincia de Zaragoza situato en a comarca d'o Campo de Belchit.

A suya población ye de 703 habitants (2008), en una superficie de 165,8 km², con una densidat de población de 4,24 hab/km².

Cheografía[editar | modificar o codigo]

A localidat d'Azuara ye situata chunto a o río Camaras (afluent d'o río Aguas), on desemboca la val d'Aguilón, a 603 metros d'altaria sobre o livel d'a mar y a una distancia de 16 km de Belchit, a capital d'a suya comarca, y de 62 km d'a ciudat de Zaragoza, a capital d'a suya provincia y d'Aragón.

Historia[editar | modificar o codigo]

Bi ha un chacimiento d'epoca romana, La Malena, una villa romana baixo-imperial a on s'han descubierto muitos mosaicos romanos en buen estato de conservación. Perteneixió a la Sexma de Trassierra.

Toponimia[editar | modificar o codigo]

En textos medievals s'escribe Azuara, Açuara u Zoara principalment. S'escribe Adzuara en textos teruelanos d'o sieglo XV. Se gosa considerar un toponimo arabe, manimenos as interpretacions no son claras. Una intepretación ye a partir de l'arabe Al-Zuhayra ("a bella", "a polida") y atra a partir d'o etnonimo berber transmeso por l'arabe Zuwara[1] grupo tribal d'a que encara quedan representants en Libia. A primera hipotesi topeta con a realidat que atros toponimos que derivan d'esta radiz como Zuera han presentau variants con o fonema labiodental /f/ (como Zufera), que ye como en aragonés se puet adaptar a aspirata arabe /Ḥā/, feito que no esdevién ni ha esdeveniu con esta localidat d'o Campo de Belchit. A segunda hipotesi troba refirme en o feito que en a redolada trobamos os toponimos Lagata y Nepza que se remontan a etnonimos berbers Lawata y Nafzawa bien documentaus.[1] Manimenos si os Nafzawa son bien documentaus en fuents medievals en a peninsula no se puet dicir o mesmo d'os Zuwara, por o que si o toponimo "Azuara" se remonta a un etnonimo berber millor podría estar relacionau con un grupo tribal berber mes numeroso dito Zuwaga.

En Azuara bi ha muitos microtoponimos referents a filadas, navallos, planos y planas:

  • Filadas: Filada de La Florida, Filada Gibe, Filada Moliner, Filada del Nano, Filada de la Peña, Filada de Pina, Filada de la Zarza, Filada de la Huerta.
  • Planos y planas: El Plano, El Plano Alto, El Plano Bajo, Plana Antón, Plano Vald, Plana de Varanda, Plana Herrero, Plana Escribano, Plana La Higuera, Plana Cabrero, Plana La Cordera, Plana Cuartel, Planas de Lis, Plana Lucia, Planas de la Magadalena / Planas de la Magdalena, Plana Malena, Plana Martinico, Plana Mazas, Plano Mazas, Plano Mitad, Plana Portugues, Plana Pozalero, Plana Rana Mari, El Plano de Samper, Plana Zarra.
  • Navallos: Navallo de los Panetes, Navallo Piedra, Navallo de la Reina, Navallo Royo, Cien Navallos.

A part d'estos microtoponimos tamién tienen component aragonés muitos atros mes: Almendrera, Azagaderos, Acequia del Plano, Acequia Plano Alto, Acequia Plano Bajo, La Audenza, El Bolar, Val de Bernal, Valdeferrera, Valillo Planas de Liz, Val de Chin, Valcalién, Val de Loren, Balsa de Mosén Serón, Barranco de Barcalién, Barranco de la Filada de la Peña, Barranco de Gorgo, Barranco de La Canal, Barranco de la Canal del Molino, Barranco de Castifollé, Barranco Navallo de Piedra, Barranco del Plano, Barranco Plana Escriba, Varello de la Raimunda, Varcalién, Fuente del Callizo, Fondegaz / Fuandegaz / Fuendegaz / Fandegaz, Forcallo, El Gorgo, Juan de La Olivera, Juan Seca, Cabezo de Mosén Serón, Cabezo Royo, Cabochico, Casa de las Garrollas, La Colocha, Corral de Varcalién, Corral de Cados, Corral delos Chunzares, Corral del Melguizo, Corral Plano Alto, Corral del Plano Mitad, Corral del Saso, Corral de Cien Navallas / Corral de Cien Navallos, Corral de Tieda, Las Costeras, El Cuartal, La Malena, Melguizo, Peña Roya, La Pereruela, Portillada, Poyud, Puntal Mont, La Roya, Royales, El Saso, Las Tablas de Plano Mitad, El Toscar, El Chardin / El Chardil, Los Chunzares, La Coma, Las Ribas.

Beluns d'estos microtoponimos son aragonesismos foneticos (El Chardín, Chunzares, Fuendegaz / Fondegaz, Forcallo, Peña Roya, Poyud, Puntal Mont, La Roya, Royales, Corral de Tieda, Valdechin, Valdeferrera, Valdelorén, Varcalién, Varello/Valillo), belatros son aragonesismos lexicos (Bolar, Cados, Callizo, La Coma, El Gorgo, Melguizo, Las Ribas, El Saso, El Toscar), u parolas que conservan o chenero orichinal aragonés u un sufixo orichinal en aragonés (Almendrera, La Canal, Las Costeras, Pereruela, Poyud).

Demografía[editar | modificar o codigo]

Evolución demografica
1362 f 1495 f 1842 1857 1860 1877 1887 1897 1900
- - 1.417 2.356 2.216 2.280 2.163 2.244 2.344

1910 1920 1930 1940 1950 1960 1970 1981 1991
2.749 2.854 2.863 2.553 2.541 1.933 1.272 878 830

1992 1994 1996 1997 1998 1999 2000 2001 2002
- - 759 - 725 723 716 705 674

2003 2004 2005 2006 2007 2008 2009 2010 2011
652 655 643 657 674 703 - - -

2021 2022 2023 2024 2025 2026 2027 2028 -
- 539 - - - - - - -

 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | modificar o codigo]

Reparto de concellers[editar | modificar o codigo]

Eleccions municipals[2]
Partiu 1979 1983 1987 1991 1995 1999 2003 2007 2011 2015
Partido de los Socialistas de Aragón - 4 4 4 3 3 5 5 5 3
Partido Popular - 3 - 3 3 4 2 2 2 3
Partido Aragonés - - 3 0 - 0 0 0 0 1
Partido Comunista de España / Izquierda Unida 2 - - - 1 0 0 0 - -
Unión de Centro Democrático 7 - - - - - - - - -
Total 7 7 7 7 7 7 7 7 7 7

Alcaldes[editar | modificar o codigo]

Vaso iberico d'o sieglo I aC trobato en escavacions en Azuara, en a Espelunga d'o Cabuchico (hue en o Museu de Zaragoza).
Lista d'alcaldes
Lechislatura Nombre Partiu politico
19791983
19831987
19871991
19911995
19951999
19992003
20032007
20072011 Joaquín Ignacio Alconchel Fleta Partido de los Socialistas de Aragón
20112015 Joaquín Ignacio Alconchel Fleta Partido de los Socialistas de Aragón

Molimentos[editar | modificar o codigo]

A ilesia de Nuestra Sinyora d'a Piedat, protechita legalment dende 2001 con a suya declaración como Bien d'Intrés Cultural.[3] Ye una ilesia construita en estilo mudéchar en a segunda mitat d'o sieglo XIV, encara que muit esviellata en o sieglo XVIII en estilo barroco. Se tracta d'un edificio de ladriello con nomás que una sola nau dividida en dos trampos con capiellas laterals.[4]

Personalidaz naixitas d'Azuara[editar | modificar o codigo]

Categoría principal: Naixitos d'Azuara.

Fiestas[editar | modificar o codigo]

Vinclos externos[editar | modificar o codigo]

Referencias[editar | modificar o codigo]

  1. 1,0 1,1 (es) José Angel Sesma Muñoz, Carlos Laliena Corbera y Juan F. Utrilla Utrilla: Agricultura y regadío en Al-Andalus, síntesis y problemas. El ejemplo del río Aguasvivas actas d'o coloquio Historia y Medio Físico, Almería, 9 y 10 de chunio de 1995 / coordinato por Lorenzo Cara Barrionuevo, Antonio Malpica Cuello, 1995, ISBN 84-89685-04-5 , pachinas. 67-84 [1]
  2. (es) Resultatos electorals oficials d'o Ministerio de l'Interior
  3. (es) Texto en o BOA d'a declaración d'a ilesia de Nuestra Sinyora d'a Piedat d'Azuara como Bien d'Intrés Cultural.
  4. (es) Iglesia de Nuestra Señora de la Piedad de Azuara en o sitio web d'o Sistema de Información del Patrimonio Cultural Aragonés.