Nepza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Nepza
Despoblau medieval d'Aragón
Entidat  • País  • Provincia  • Comarca  • Municipio	Despoblau medieval  Aragón  Zaragoza Campo de Belchit Belchit
Partiu chudicial	Zaragoza
Población  • Total	0 hab.
Parroquial  • Archidiocesi  • Arcipestrau	Zaragoza Belchit
Coordenadas	41°18’59’’N 0°45’11’’U
Nepza Nepza en Aragón

Nepza estió un lugar con castiello cerca de Belchit, en la comarca de lo Campo de Belchit, y en la provincia de Zaragoza. Ye mencionau siempre con Belchit en textos de lo sieglo XII.

Toponimia

Bel autor lo interpreta a partir de lo etnonimo de los berbers Nafzawa, un grupo tribal berber client d'Abderramán I que s'establió en diferents zonas d'Al Andalus dende lo sieglo VIII como por eixemplo Teruel y Villel (los Banu Amira y los Banu Gazlun yeran brancas de los Nafzawa), y a lo norte de lo Guadiana. Bi ha una rechión de Túniz dita Nafzawa (نفزاوة, transliterau d'acuerdo con a tradición francesa como Nefzaoua).

Por ser abandonau este nuclio de población lo toponimo cayó en desuso, estando la suya zaguera mención como Neuza en un texto de lo sieglo XVI de l'Archivo Historico Provincial de Zaragoza de lo Fondo Íxar referent a una partida de lo termin municipal de Belchit.

Cheografía

Se suposa que corresponde a lo parache de Belchit huei conoixiu como El Castillo, en una muela muito cerca de Belchit Viello, con un chacimiento arqueolochico.

Historia

Encara que s'interprete como un nuclio de población berber Nafzawa, no ye mencionau en fuents musulmanas medievals de la peninsula y las primeras mencions son en textos cristianos aragoneses escritos en latín medieval de los anyos 1125, 1164 y 1170. Este lugar con castiello remató por ser adhibiu como termin de Belchit, a on se reubicó la suya población.

Bibliografía

• (es) Miguel Arenillas Parra et al.: La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996.

Lugars desapareixius de lo municipio de Belchit
Nepza | Penya Roya | Senya | Tercón

• Datos: Q13049693