Chardín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un chardín

Un chardín (d'o francés jardin, huerto), ye una zona de terreno a on se cautivan especies vechetals, con a posiblilidat de incluyir atros elementos como fuents u esculturas, pa o placer d'os sentius.

Fer istos huertos sin una finalidat economica, nomas por o goyo estetico, rastra una luenga tradición, y ya yeran famosos os Chardins penchaus de Babilonia, consideraus como una d'as marabiellas d'o mundo antigo, lo que denota que istos espacios d'ocio son populars dende fa milenios. En l'actualidat dentro d'as grans ciudaz chugan un rol muito important en l'amilloramiento d'a calidat de vida d'os pobladores, integraus en as retes verdas d'as ciudatz ditas areas verdas y chunto a la capacidat d'os árbols pa reducir la polución de l'aire, prencipalment CO₂, asinas como lo suyo efecto de refuchio climatico y funcionando como barrera pa lo rudio reducindo la contaminación acustica, funcionando a lo mesmo tiempo como refuchio pa la biodiversidat local.

Un chardín puede incorporar tanto materials naturals como feitos por l'hombre (paisachismo). Os chardins occidentals son cuasi universalment basaus en as plantas. Manimenos, bels tipos de chardins orientals, como os chardins zen, no las fan servir guaire, u dreitament no las incluyen.

A chardinería ye l'arte de creyar istos espacios, y acompanya a l'arquitectura, ya que son un complemento d'os edificios y, mesmo, a sobén tienen construccions en o suyo disenyo.

A lo largo d'a Historia os chardins han variau no nomás en os suyos estilos sino tamién en relación a las especies. A incheniería chenetica y o desarrollo d'os viveristas han aportau gran diversidat de variedaz hibridas adaptadas a requerimientos d'o disenyo. Tamién a corrient ecolochica planifica un chardín parando cuenta en as plantas autoctonas d'a rechión, permitindo asinas o buen manello d'a biodiversidat existent.

Elementos d'o chardín

Chardins d'o palacio de l'Alchafaría

Los elementos d'un chardín consisten en:

• Elementos y condicions naturals:
  • A tierra.
  • As rocas.
  • A luz.
  • O viento.
  • L'augua de plevia u atras fuents.
  • L'aire.
    • Contaminación.
    • Proximidat l'oceano u mar (salinidat).
  • As plantas.
• Elementos construyius:
  • Baranas.
  • Senders.
  • Basas, chardins acuaticos u atros elementos como sistemas de drenaches.
  • Terraus, patios y porches.
  • Iluminación.
  • Escultura.
  • Edificios como gazebos, pergolas y caprichos.

Tipos de chardín

Los chardins se pueden clasificar de muitas formas; Per lo suyo uso:

• Chardín publico, a vegadas tamién conoixiu como parque, de propiedat publica lo suyo uso gosa estar ubierto pa totas las personas.
• Chardín privau, de propiedat privada puet estar pa desfrute personal, ubierto u con visita con pago d'una dentrada.

Per los eixemplars exhibius:

• Chardín de cactus.
• Chardín de falagueras.
• Chardín de hierba.
• Chardín de ciespe.
• Hortal.
• Chardín de rosas.

Se veiga tamién

• Parque.
• Chardín Zen.

Bibliografía

• (it) Panzini, Franco, Per i piaceri del popolo. L'evoluzione del giardino pubblico in Europa dalle origini al XX secolo. Bolonya, Zanichelli Editore, 1993.

Vinclos externos

• Se veigan as imáchens de Commons sobre os chardins.

• Datos: Q1107656
• Multimedia: Gardens / Q1107656