Articlo definiu en occitán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'articlo definito en occitán presenta variacions intresants que tienen paralelismos con las variacions en aragonés, catalán y francés.

Formas

Os sistemas de l'articlo en occitan.

Sistema cheneral

Ye o sistema mes estendillau en occitán.

Chenero y numero	Singular	Plural
Masculín	lo (l’ + vocal)	los
Femenín	la (l’ + vocal)	las

Contraccions con as preposicions

• de +
  • de + lo
    • > del en lengadocián
    • > dau en lemosín, auvernés, vivaro-alpín (tamién en lengadocián de Montpeller y en gascón d'o norte).
    • > deu [dew, du] en gascón
    • > localment delh, dal en bellas parlas.
    • S'ha de parar cuenta - no bi ha contracción debant una vocal: de + l’ > de l’.
  • de + los
    • > dels [des, dez] en lengadocián y vivaro-alpín
    • > daus en lemosín, auvernés (y dentro d'una parte d'o vivaro-alpín y d'o gascón)
    • > deus [dews/dewz, dus/duz] en gascón
    • localment delhs, dals en bella parla.
• a +
  • a + lo
    • > al en lengadocián
    • > au en lemosín, auvernés, vivaro-alpín y gascón (y lengadocián de Montpeller)
    • > localment alh en bellas parlas.
    • S'ha de parar cuenta - No bi ha contraccion debant una vocal: a + l’ > a l’.
  • a + los
    • > als [as, az] en lengadocián y vivaro-alpín
    • > aus en lemosín, auvernés y gascón (y dentro d'una part d'o vivaro-alpín)
    • > localment alhs en bellas parlas.
• per +
  • per + lo
    • > pel = per lo en lengadocián
    • > peu [pew, pu] en gascón
  • per + los
    • > pels [pes, pez] = per los en lengadocián
    • > peus [pews/pewz, pus/puz] en gascón
• sus +
  • sus + lo
    • > sul = sus lo en lengadocián
    • > suu [su] en gascón
  • sus + los
    • > suls [sys, syz] = sus los en lengadocián
    • > suus [sus, suz] en gascón
• jos + (formas tipicas d'o lengadocián)
  • jos + lo > jol = jos lo
  • jos + los > jols [dʒus, dʒuz] = jos los
• entà (tà) + (formas tipicas d'o gascón)
  • entà + los > entaus — tà + los > taus

Sistema provenzal nizardo

O sistema nizardo representa una evolución moderada que ha quedau cerca d'o sistema cheneral u d'orichen, y que ye menos evolutiva que lo sistema provenzal cheneral.

Chenero y numero	Singular	Plural
Masculín	lo (l’ + vocal)	lu
Femenín	la (l’ + vocal)	li

Contraccions con preposicions

• de +
  • de + lo > dau
    • S'ha de parar cuenta - No bi ha contraccion debant d'una vocal: de + l’ > de l’.
  • de + lu > dei
  • de + li > dei
• a +
  • a + lo > au
    • S'ha de parar cuenta - No bi ha contraccion debant d'una vocal: a + l’ > a l’.
  • a + lu > ai
  • a + li > ai
• emb +
  • emb [eⁿbe/eme] + lo > embau [eⁿbaw/emaw] = emb lo [eⁿbe lu / eme lu]
    • S'ha de parar cuenta - No bi ha contraccion debant d'una vocal: emb + l’ > emb l’ [eⁿbe l / eme l].
  • emb [eⁿbe/eme] + lu > embai [eⁿbaj/emaj] = emb lu [eⁿbe ly / eme ly]
  • emb [eⁿbe/eme] + li > embai [eⁿbaj/emaj] = emb li [eⁿbe li / eme li]

Sistema gascón pirenenco

O sistema gascón cheneral ye o de l'sistema cheneral (se veiga dencima). O sistema gascón pirenenco, acá, ye buegant con as vals pirenencas de Biarn y Gascunya (de fueras d'a val d'Osal que sigue o sistema cheneral.

O sistema de l'aranés (y tamién d'as parlas vicinas de l'alta Comencha) ye una variant d'este sistema pirenenco: a suya particularidat ye fer iguals as formas d'o masculín plural y d'o femenín plural (un poco como dentro o sistema provenzal cheneral).

L'orichen d'o sistema gascón pirenenco no ye pas claro porque no ye documentau u ye mal documentau antes d'o sieglo XVII. Se baralla dos hipotesis:

• Que fuese un sistema cheneral antesmás en tot o gascón primitivo, y que dimpués habría retaculau enta os Pirineus debant de l'abance d'o sistema cheneral.
• Que fuese un sistema recient que amaneixió en o sieglo XVII, derivando d'os adchectivos demostrativos aqueth aquera (> eth, era). Dentro d'ixa hipotesi, habría substituyiu a l'articlo salau, que encara ye documentau de cuan en cuan en cualques nombres de familia en os Pireneus, como Socasau (so casau = lo casau), Sacasa (sa casa = la casa)...

Chenero y numero	Singular	Plural
Masculin	eth (er + vocal)	eths (aranés: es)
Femenin	era	eras (aranés: es)

Remarcas

• Una parte d'o gascón pirenenco no fa servir pas er mas eth debant vocal.
• Un otro uso, frecuent en o estau francés, cambia era por er’ debant vocal: er’istòria [er isˈtɔrjɔ].

Contraccions con preposicions

• de +
  • de + eth > deth
    • de + er > der
  • de + era > dera
  • de + eths > deths (aranés: de + es > des)
  • de + eras > deras (aranés: de + es > des)
• a +
  • a + eth > ath
    • a + er > ar
  • a + era > ara
  • a + eths > aths (aranés: a + es > as)
  • a + eras > aras (aranés: a + es > as)
• en +
  • en + eth > en
    • en + er > ener
  • en + era > ena
  • en + eths > ens (aranés: en + es > enes)
  • en + eras > enas (aranés: en + es > enes)
  • Remarca - En gascón pirenenco, as contraccions de en + articlo definiu (en país, ena montanha) corresponden en gascón cheneral a dens + articlo definiu (dens lo país, dens la montanha) , y en os atros dialectos a dins + articlo definiu (dins lo país, dins la montanha).
• entà (tà) +
  • entà + eth > entath — tà + eth > tath
    • entà + er > entar — tà + er > tar
  • entà + era > entara — tà + era > tara
  • entà + eths > entaths — tà + eths > taths (aranés: entà + es > entàs — tà + es > tàs)
  • entà + eras > entaras — tà + eras > taras (aranés: entà + es > entàs — tà + es > tàs)

Sistemas secundarios

Os sistemas secundarios que se presentan aquí no se fan servir, u se fan servir menos, en a luenga escrita y en a comunicación luenga.

Sistema septentrional y tolosán

Lo, los son reemplazaus por as variants le, les: esto ye tipico en l'arvernés d'o norte, en ciertas parlas lemosinas d'o norte, en ciertas parlas vivaro-alpinas perifericas y en as parlas lengadocianas y gasconas cerca de Tolosa.

En a luenga escrita y en a comunicación larga se fa servir o sistema cheneral con lo, los.